يامل قلبٍ ضاق من ضيقة البال
.............. والبال كنه صفحةٍ في جريده
ياناشدٍ عن حال بندر وش الحال
............. الحال قشره والخواطر بليده
ماعاد تلقى للصواريخ مدخال
............ فكري بعيد والمسافه بعيده
شفني وأنا واقف قدام الكروتال
............ والله مدري كهربه من حديده
أنا على درب الرجاجيل رجال
........... وإن غبت لو يومين قالوا فقيده
لاهمني واشي ولاقول عذال
........... طبعي كذا أمشي مع الخلق سيده
ناسٍ تساوي ألف وناسٍ ولا ريال
............. وناسٍ دوى للجرح وأخرى أسيده
نفسي عزيزه كالذهب والذهب غال
.............. وياسعد من كان الذهب في رصيده
عطني من أطراف الخيالات فنجال
.............. وإقلط تقهوه من خيالي قصيده
ماعاد ينفع بيننا صوت جوال
............... حتى الماسنجر صاحبك مايفيده
اسأل مجرب بالمثل والمثل قال
.............. وأقول ماغيرك مجرب يجيده
أثري العزوبي مغسله نوم فوال
......... وشوف الأهل والدار هو يوم عيده
ياصاحبي وأبوي يطلع لكم خال
............... وأنا ولد خالك وأضنك وليده
ولا طاب ذكر الشخص من بد الأزوال
.................... قالوا خواله ماتلقاه بأيده
راحه وثابت وأستعد وانطح الجال
............ جتك القوافي مع لواهـ وعميده
لاتعتذر وتقول من كثر الاشغال
........... هات الجواب وقل لنا من مزيده
وإن قلت لي مافي حناياي زلازال
................. كذاب خذ مني العلوم الأكيده
الموضوع الاصلي
من روعة الكون
آخر 10 مشاركات
27-07-2007, 03:11
]
العرض العادي
