كااااان قلبي لك مدينه ولاحظ اني قلت(كااااااااان) خطيييييييره مرررررره

كان قلبي لك مدينه ولاحظ اني قلت (كان)

يعني انت الحين واحد(خارج حدود المدينه)

ليه مستغرب كلامي وليه اعطيك الأمان

وليه تكذب في كلامك العذر وينك ووينه

ماألومك كان قلبك ثارت امواجه وخان

الخطا مني لأني صرت في بحرك سفينه

والسؤال الي كتمته وما نطق فيه اللسان

كيف ايدك اطعنتني وانا احسبها امينه

جرحي مايرضيه قلبك لو يجي كله حنان

لو تبوس الجرح فيني ولو تقبلها ايدينه

يوم احبك قلت كلمه(يكرم المرء او يهان)

وانت قلبي ماكرمته وماقدرت انك تهينه

(عزتي)ماهي جديده انا شامخ من زمان

اغسل ايديك من رجوعي وروح ياأبن اللذينه

طاب خاطر قلبي منك وهذي الفرقى رهان

وحتى لو قلبي يحبك ربي بفراقك يعينه

تدري لما قلت احبك قلت وما عندي ضمان

واختياري كان خاطئ تجربه بالحيل شينه

كنت تخطي وكنت اسامح مره مرتين وثمان

ادمح الزله عشانك وأكتم انفاس الغبينه

ماني اول من يحب ومنت اخر شخص خان

المحبه في زمانك بحرها من غير مينه

الفشل كان النتيجه واعتقد ان الأوان

ابني مستقبل حياتي وانسى قصتنا الحزينه

وخطوتي الأولى غيابك وراح اطبقها عشان

يبكي قلبك لافقدني والندم يملي سنينه

جاي تسأل عن مكانك هو بقى فيني مكان

الله يرحمها المشاعر اللي كانت لك رهينه

قلت لك قلبي مدينه فيها لك حشمه وشان

لكن انت الحين اغرب شخص في هذي المدينه



تحياتي اختكم بنت حرب

الموضوع الاصلي  من روعة الكون