للبنــات فقط ســـري للغـــاية ؟؟؟

لكل بنــت ناشـــبه فى حــلق اهلها وتبي تتزوج ؟؟



خليك مع أمك لا تروحين مع البنات وتتهيبلين اصبري عنهن كم شهر لين تتم العملية. امشي

وانتي حاطه راسك بين اكتوفك لا ترفعينه أبد حتى لو يصير كله صعارير خلي الفكس دايم

في متناول اليد عشان يقولون مؤدبة وماهي متكبرة:

. كلمة خالة خليها على لسانك وخاصة لأم المعرس علشان تحس بنوع من التميز عن بقية العجزة

لامانع تنادين عجوز ثانية بخالة علشان إذا ما نجحت الخطة



مع العجوز نمبر ون تنجح على الثانية... الاحتياط واجب .اذا بدت امك تتكلم انغزيها

بكوعك علشان تدخلك بالموضوع حتى لو مالك داعي،



تطبيقاَ للمثل كثر الطق يكسر الحديد أدري المثل ماله داعي بس مالقيت غيره.اخوانك الصغار لاحقيهم

وطامري معاهم وين ما يروحون حتى لو ماهي عادتك


بس تصرفي معهم كانك امهم عشان العجوز تاخذ فكرة انك حريصة على ذريتك جعلهم عقبك

كل ما اكلت امك من أكله زينه خليها تقول: نفس الأكلة اللي تسويها بنتي

حتى لو الأكل من مطعم صيني والا مكسيكي

اذا جيتي بتمدين ايدك توجعي وخلي أمك تقول: قايله لك وأنا أمك لا تنظفين جدران الفلة الخارجية

بس انتي الله يهديك ذابحتك النظافة جعلي ما أبكيك أجل بتنظفين جدران الفلة نظفي غرفتك

أول اللي تقولين ثايرة فيها قنبلة ذرية.



إذا تكلموا الحريم عن العرس اكتمي نفسك لين تحمر خدودك علشان يقولون البنت تستحي

ومالنا حق تكلمنا عندها، بس لا تكتمي نفسك وايد أخاف تروحين فيها وأصير قتلت نفس بغير حق!َ


مهما كان موضوع الحوار حماسي لا تبدين رأيك خليك مثل الطرمان لأن اللقافة تجيب أجل الخطة.

شعرك افرديه لا تخلينه طاير وشوشه مهما كانت الموضة لأن العجايز ما يدورون

إلا اللي شعورهم ناعمة والا اللي شوشهن طايرة محد يلتفتلهن مع احترامي للي شوش طايرة

إذا أدلت العجوز أم المتوهق بأي رأي سواء سياسي والا وطني والا اقتصادي

وافقي عليه حتى ولو انه ماسخ وماله داعي

مثلا تقول العجوز : أمس بوش متقهوي عندنا يافلانه قوليلها : وليه ماعلمتينا ياخاله نجي نعاونكم؟؟



في العرس لا ترقصين واعتبري الرقص عيب وشق جيب اقبضي أرضك وانثبري

اذا جاء طاري السوق وهو طبعا ملح الجلسة عند الحريم خلي أمك تقول : بناتي ما يطلعون السوق

أبوهم يجيب أغراضهن.احتمال وارد الحدوث يمكن تكون العجوز منشنه على بنت غيرك

لكن بعد النقاط السابق ذكرها بتصرف النظر عنك وعنها... أمزح لا تصدقين ماعلينا المهم ألحين العجوز

بتكون وقعت بالفخ

اهجدي في بيت أهلك ولا عاد تطلعين واذا جاء المعرس بيشوفك خلي أبوك يقول والله ودي تشوف

البنت بدون ماتدري علشان تاخذ راحتك وأنا عمك وبعدين تشوفها على الطبيعة

علشان ما تقول غشيتوني إيييه هين يالشايب والله

لو بيدك لتحط مكانها باسكال مشعلاني والا نوال الزغبي والا غيرها وغيرها.

وقبل يجي اليوم اللي يشوفك فيه بحوالي أسبوع أو أكثر على حسب شين وجهك

اركضي من صالون لصالون صبغة ،فرد ، تنظيف بشرة ...الخ لا تخلين على روحك قاصر

ولما يجي المعرس خلي أخوك ياقف جنبه عند الشباك عشا ما يطوّل بالتبحلق ويبان المستخبي

وذلك تطبيق لنظرية اللمحة ذبحة. بعدها عاد كيف

بيشوفك هذي عليك ماهوب كل شي بعلمك اياه دبري عمرك

بس خلي أبوك بنهاية المشهد يقول : العذر والسموحه وأنا عمك ، العود ضمن الولد يوم يقوله

وأنا عمك ترا البنت حوسه مع انك طاقة كل زينك

بس بهاللحظة الولد بينط على راس ابوك ويبوسه لين يشفط مخه وبيقول متى العرس يا عمي.

اللهم ارحمه فقد كان باراً بوالديه

عاد الله يوفقك ولا تنسينا من حلاوة العرس وإياك تعلمين الولد من معلمك هالعلوم

ولا حتى باسمي اتفقنا ابتعدي عن أمهات العيال اللي متعلمات راعيات الشنطة

مثل لون الجزمه لأن هذولي يبيلهم

رفيقاتك بيلاحظون التغيرات المفاجئة اللي صارت لك فانتي قولي لهم انك خلاص انسانه

عرفتي درب السنع والعدالة كلولولولولولولوووش منك العيال ومنه المال وانشاءالله

تعيشون في سبات ونبات واتخلفوا صبيان وبنات

منقول

الموضوع الاصلي  من روعة الكون