قصه وقصيده((قصة معاانااتي يعد التخرج من الثاانويه وفيها))

السلام عليكم ورحمة الله وبركاته


هذي قصيده كتبتهاابعد معاانااه مريت فيهاا بعد التخرج من الثانويه العاامه...
في ذاك الوقت الله اعلم بحاالي لاني ميته ولاني حيه كان همي اني اكمل دراسه
كانت الجاامعه حلم من الصغرظليت سنتين من كليه لي كليه ومن جاامعه لي معهدتمريض
ومن هذاا لي هذا......الخ كنت اقعد بالشمس انا وابوي المسكين من الزحمه اللي صايره بالشواارع ماايقاارب4_5 ساعات
لان البناات كلهم مثلي يبون يدرسوون..وكل مادخلت بسجل قاالوا مانقدر زحمه مانقبل الا من 95 وطاالع
لان عدد البناات كثيير...ولا ارجع البيت الا منهد حيلي..بعدهاا فقدت الامل..وكانت تجيني اخبار من صديقااتي ترى البنت الفلانيه نسبتهاا 70 وقبلوهاا والثانيه 65والثالثه كذااوانا كنت انقهروش معنى ؟!
انا ماكان عندي واسطه لكن واسطتي رب العالمين..كاان بابا كل ماسمع ان فيه تسجيل يقولي قومي اوديك انا كنت ارفض بشده واقول لاهلي انا عارفه نفسي ماارح يقبلوني واقعد اصيح وابوي يعصب علي ويوديني غصب ونفس الشي ماقبلوني
وضااقت فيني الدنياا من جديد وصرت اتصل بوزارة التربيه والتعليم والرئاسه وووو....الخ وبهدلوني يحولوني من واحد لي واحد وكل يوم على هالحاال...وقلت خلااااص انا تعبت مالي الا هالحل...
كتبت قصيده ورسمت بنت تبكي من القهر ووديها بالفااكس لمدير التعليم.. ولكن ظليت كم يوم وماارد لي خبر...دقت صديقتي وقالت لي في القريه الفلانيه يقبلوون متخرجاات اي نسبه كاانت بس ان هالقريه بعيده وقلت لابوي وقال خلاص اخذ اجاازه من العمل واقعد معك وبعدين اخوك ياخذ اجاازه ويقعد معك وهكذااا...ولكن
اليوم الثاني السااعه 2بعد الظهر بالضبط دقت وحده وكلمتهاا امي وقالت هذا بيت فلان بن فلان
عندكم بنت اسمهاا كذا..قالت ماما :ايه
قالت اللي متصله :خلاص خليها تجي من بكره تداوم في الكليه
وانا توني بغمض عيني بناام الا اسمع ماما تنادي واختي الصغيره طبت فوقي وانا نايمه تقول((دومي دومي الكليه اتصلوا))
وبعدها انتوا تعرفون الباقي..بس اول يوم غبت عن الكليه قولوا ليه؟! لان رحتي اشتري لي ملابس الكليه ابيض واسود
طبعاا القصيده هذي صديقااتي واهلي يحبونهاا وحافظينهاا ودايم يرددونهاالانها سوت صدى وهي سبب دخولي للكليه بعد رب العالمين..........ادري طولت عليكم اسفه عالاطاله واليكم القصيده...

كل الدروب تصرخ بوجهي مانبي
وأناحزينه أحضن أوراق وقهر
مات الامل اللي حفظته بمكتبــــي
حتى الفرح اللي على وجهي ظهر
ماتت طموحي والسبب مثلي غبي
أني مثل كل طالبه عزالفجــــــر
أحلم وأقول أني أبي لأماأبــــــــــي
حتى نما حلمي في نفسي وكبـر
كلي تفاؤل بيتحقق مطلبــــــــــــي
كلي ثقه كرسي وطاوله تنتظـــر
صدفه أتفاجأ روحي عناأذهبــــــــي
مافيه أمل غيرالتعاسه والسهــر
كلمه أطعنتني بالصدر مني تبـــــــي
أرضخ لواقع مر وألا أنتحـــــــر
كني طفل عايش معاناة الحبـــــــي
كني تراب اجتاحني ريح ومطــر
حسبي عليك ياظالمي ومعذبــــــــي
حسبي على اللي جابني صوب الكدر
خذي القلم ياكفي يالله وأكتبـــــــــي
قصةمعاناتي وحماسي اللي أند ثــر
هل من ايادي بيض تسير بـــــي؟!
لبر الامان وتشيل عن روحي الضجر؟!

*·~-.¸¸,.-~*كلماات// شاعرة المليوونksa*·~-.¸¸,.-~*

الموضوع الاصلي  من روعة الكون