رسائل تجرح المشاعر..

--------------------------------------------------------------------------------

السلام عليكم ورحمة الله وبركاته



وفر كلامك وورني عرض الاكتاف

قلبي كره هجرك ولا هو بمجبور

ترى القلوب بطبعها شي شفاف

الكسر فيها صعب تلقلى له جبور

ولاتحسب اني من الهجر بخاف

ياشيخ خذ حبك وقلبك ومشكور..!!

---------------

خلك مع اللي بالكذب يعطيك

وانا ترى بلقى ملايين تسواك

لا تحسب اني برخص النفس وارجيك

ما اذل نفسي لمثلك وشرواك

يحرم علي وصلك وقربك ولا اجيك

العيد عيدين وثالثهم يوم فرقاك..!!

--------------------------------

لحظه حبيبي وقف هناك بالدور..

مانيب فاضي يمكن افضي لك اشوي!!

لازم تذوق المر وتعيش مكسور..

واكويك من جمر الهوى لاغدى حي..

ولو بعتلي عمرك فلا قلت مشكور..

لانك بعيني صرت كلك ولاشي

---------------------------------

بسيطة كل الم جسمي تحملته وانا اضحك لك
لكن الخوف يا يمه من احساسٍ سكن فيني
يا حيف الطيب بالدنيا يضيع وينتهي عمره
يموت الطيب يا يمه وانا فقري يبكيني

--------------------

أسف اذا قلت لك انسى زماني
ماهو بيدي قلبي اليوم ناسيك
حبك نسيته يوم قلبك جفاني
ابعد وأنا أبعد ولالي بطاريك
اشلون أحب انسان طبعه أناني
لا مايصير تبيع فيني وأشتريك
أتبع طريقك خلني مكاني
يكفي جروح الله يخليك

--------------------

قطعت الوصل يا شاطر
قوي القلب تعجبني
تحسب اني انا ناطر
وشوقي لك معذبني
وانا ماهزني هاجر
ولعب العيال ضحكني
ولكن خلك الصابر
وعلى فرقاك عودني
عشان انساك في الآخر
ومثلك ترى ما يشرفني

تحياتي لكم:حزينة القلب

الموضوع الاصلي  من روعة الكون