رسالة دعاء التي زلزلتنا

روعة*الكون* · #1 (**permalink**) 30-07-2007, 05:51


	بجد أنا مخنوقة قوى قوى أصلا أنا مش منتظرة أى حل على كلامى لأن أصلا مفيش حل أقصد الحل صعب جدا أعتبروا كلامى فضفضة وبس من يومين وصلتنى أشارة من أمن الدولة قال أيه علشان وظيفة أصل أنا أتخرجت من سنة وبأشتغل فى مكتب أستشارى ب150 يابلاش المهم طبعا جهزت نفسى علشان تانى يوم حأدخل أعظم صرح بنى فى تاريخ الحضارة المصرية وجهزت نفسى يعنى حفظت الكلام اللى بابا وماما قالوه أنت مالكيش دعوة بالسياسة ولا الأخوان ولا تعرفى حد فيهم "ياسلام طب أزاى " وطبعا شاركتى فى الأنتخابات ورشحتى رجالة الحكومة"هم دول رجالة أصلا"والتعديلات الدستورية حلوة قوى ومفيدة لمصر طبعا" مش عارفة من أى ناحية بس بجد كده كتير عليا"أنا قلت فى نفسى أيه الحلاوة دى أيه الكذب ده كله وأيه الذنوب دى كلها ما علينا المهم الصبح كنت جاهزة وطريقى لهناك دعيت ربنا يسترها معايا ويعدى اليوم ده على خيروقبل ما أدخل قلت اللهم أنى أعوذ بك من كيدهم وأجعلك فى نحورهم وتوكلت على الله ودخلت طبعا أستنيت الى أن سمح لى الضابط أنى أدخل وأخذ منى الموبايل ودخلت طبعا سألني أسئلة تفور الدم.. خذ عندك الأول بدأ يسخن أنت جامعة أيه ؟؟وبعدين هندسة قسم أيه؟؟.. وبعدين دخل فى المفيد أنت شاركتى فى تجمعات أو ندوات أو مؤتمرات أو مظاهرات أثناء دراستك؟؟ علاقتك أيه بالأتحادالحر كنتى مسئولة عن أيه فى الأتحاد؟؟ دخلتى الأتحاد الحر بالأنتخابات شاركتى فى أى فعاليات لنصرة الشعب الفلسطينى "أصلها جريمة شوية..ويسألنى دعيتى على أسرائيل"؟؟ تعرفى أيه عن فكر الأخوان قرأتى كتب لحسن البنا؟؟ أيه علاقتك بالأخوان حضرتى لهم ندوات أو مؤتمرات؟؟ وأخر سؤال رشحتى مين فى الأنتخابات ؟؟..وبعدين قالى أفراج أقصد أتفضلى مع السلامة طبعا رجعت البيت مش شايفة قدامى وقلت ياريتنى ماذاكرت ولا دخلت هندسة يا ريتنى كنت زى باقى الناس عايشة وخلاص أنا أكتشفت بعد سنة أن أحلامى كلها ضاعت فى الهوا.. حلمت أنى أحضر دبلومة وماجستير بس أكتشفت أن مصاريف السنة الواحدة1800 ..حلمت أنى أشتغل فى وظيفة محترمةألاقى فيها نفسى بس مالقيتش غير مكتب هندسى صاحبه نسانى تقريبا اللى درسته وبعدين أستغنى عنى.حلمت بزوج ملتزم علشان نبنى مع بعض أسرة مسلمة تعز الأسلام والحمد الله ربنا كرمنى بخطيبى بس بعد كام شهى سافر هاجر وساب البلد عارفين ليه لانه أكتشف أنه محتاج خمس أو ست سنين علشان يبنى مستقبله لأنه مش أب مسئول كبير ولا عنده واسطة وقبل مايسافر قالى بلدنا دى مش لنا تعرفوا حلمت بأيه كمان حلمت بمصر جنة فكرت أننا نقدر نقضى على الفساد والظلم بس لقيت أن الشرفاء بس هما اللى بيدخلوا السجن وبيتحاكموا محاكمات عسكرية حلمت أن أكلنا يكون من أرضنا وصناعتنا تكون بأيدينا وقرارنا أحنا اللى نفرضه على العالم..حلمت أن بلادنا تتحد بس لقيت الأخ بيقتل أخوه والسنى بيقتل الشيعى.. بعد سنة من التخرج أكتشفت أنى رغم أنى مش أخوانية بس مظلومة وغيرى كتير مظلومين بعد سنة أكتشفت أنى ولا حاجة وفاشلة وعايشة فى أحلام..سامحونى طولت عليكم بس مش لايقة حد أكلمه غيركم السلام عليكم

الموضوع الاصلي من روعة الكون

روعة*الكون* · 30-07-2007, 05:56

cute amy · 31-07-2007, 01:05

cute amy · 31-07-2007, 01:06

روعة*الكون* · 31-07-2007, 08:44

ضحايا المحبة · 03-08-2007, 07:55

رسالة دعاء التي زلزلتنا

مــنــتــدى مجلس الاعضاء