السلام عليكم ورحمة الله وبركاته
هذي اول مشاركه لي اتمنى تعجبكم وتكون جديده عليكم
الى متى واحنا نشرب الماي في كاسات الجبن << قسمن بالله الكاسات صاروا يبيعونها في ابو ريالين << الله يديم الرخص وربي العالم عليه زي النمل يدلك ان العالم في وضع يرثى له
احس فيه كثير من عامة الشعب اللي قاعد يقرى الموضوع يقول تكفى يرحم امك لاعاد تفكر !!
شووووفو يا بشوااااات السالفه هي بالزبط <<<< خلصنا انت وسالفتك
اني رجالن بلاني الله بالجمال الفاحش ياإخوان .. وبلاني بالثقل والغرور وصدقوني يحق لي أغتر .. فيني جمال (مهوب صاااحي) أحياناً المراية تقشعر لا قعدت أشخص فيها من زود الزين ..
أدخل السوق تلقى البنات طردي وراي .. موكب من العباءات المخصرة وحركاات ابوفراشه يمشي وراي يبون مني بس نظرة .. واللي مغمى عليها واللي منصرعه .. لا واللي طموحها عالي عالي تلقاها تتمنى اذب عليها الرقم .. بس مااااش فيني هالعيب اللي هو الثقل ومطنش ..
...........
أقوم من النوم .. ألقى أبوي وأمي في لحظات رومانسية حدر النخلة يتقهوون ويقدعون من هالخلاص وعايشين جو .. مايمديني أشطف من جنبهم إلا وتنقلب رومانسيتهم عنف ويتماسكون بالثياب ويتلاقطون .. أبوي يقول حنا اللي جاذبينه طالع علينا .. وأمي تقول مايخسي الا انت واخوانك هالدلوخ .. جاذبينه اخواني . أجي وأفكهم وأقول يبه يمه أنا ضناكم وكلكم عينين في راس لا تتهاوشون عشاني وتخلوني أحقد على وجهي .. واطلع من البيت وانا أردد بثقة: ياربي ليه خلقتني جميل ؟!!
..................
أسافر الصيف لم بيروت .. تلقى بنات لبنان كنهن في مقصف متوسطة متجمعات طابور حولي / ولك ياعزوووب من شان الله أولي بحبك !
واللي تقول عزوووب دخيل ألله تعال هون حدي.. واللي تصارخ : عزووووب تعالا لعنطي بلييز ! وأنا (أشكل .. مقزز ) ولا كأني أسمع ..
ياالربع مشكلة الواحد لا صار جميل وواثق <<<
أتمشى في مسارح لبنان بالليل .. تلقى وائل كفوري وزلزلي ورامي عياش ياكلون أظافرهم ومعصبين لأني بجمالي (سحبت البساط من تحت أقدامهم) ..
لدرجة أنه مرة وائل كفوري طنقر وقال ياعزووووب تكفى لا تجي لعنّا بليبنان وأنا راح أدفع مصاريف سياحتك في أوروبا بس من شان الله لاعاد تعتب ديرتنا (تراك كسرت سوقنا مع هالغزلان) .. (( لا حظوا من زود عصبيته قلبت لهجته سعودية !! ))
ناظرته من فوق لتحت وبإيماءة(ن) ساحره حركت راسي وطاحت قذلتي على عيني اليسرى في منظر مدهش واقتربت منه وقلت له بكل ثقة : الخلا يا وائل .! <<< (( شراااايكم بالثقة ))
..............
وانا جالس اتسكع في شوارع بيروت واتمشى من حاره لحاره وإذا بي اشووووف بيت قديم وحوله دخااان وألوان <<< وطبعا من باب اللقافه رحت اشوف وش سالفته
ودخلت البيت
<<<< شوية موسيقى ومؤثرات وشغل سيما
وألقى عجوزن جالسة قدام الضو وتسوي حركات مثل حركات المشعوذين ... وتفاجأت يوم قالت أدخوول ياعذوووب !
بسم الله الرحمن الرحيم من وين جبتي اسمي ياعجوز الجن ؟!
ناظرتني قالت أنا بعرف كوول إشي .. يوم جيت قدامها واثرها مريم نور اللي تطلع في تلفزيون نيو اللبناني .. قلت ماشاء الله عليتس يامريم أجل تعرفين كلش .. ساحره من ورانا يالخسيسة انتي وجلستس ذي قسم بالله من شافتس قال عفريتة ددسن .. ناظرتني وقالت عم بتذب يا أزعر ؟
قلت لها اسمعي يا السيده العجوز انا مثل ما أنتي عااارفه اهبل ( بالشدة )واجنن والبنااات ملاحق وراي .... بس مو هنا المشكله .. البروبلم يا عجووز قريح ان الصبيه اللي خاااق عليها مو معبرتني وطايحه مع اشلي كول وتاركتني <<<< شوفي لي حل ابيييها تتركه وتجيني يعني ابيتس تلعبين بوج وتمسخرين بخشته عشاان تتركه
<<< قالت بس هالشي بدو يكلفك مصاري كتيييير
قلت ابشري انتي بس رتبي الوضع
قالت أونطر هونيييه بدي روووح وارجع لك ...
غابت عني دقايق ثم جت ومعها قرعة ..
قلت لها وش هالقرع يامريم أكيد جايكم من سدير ..ورحت في نوبة ضحك عنيفة جايزن لي تعليقي الساخر اللي مدري وش يبي .!
أشمأزت ملامح وجا وكأنها تقول وش الله بلاني يثقيل هالدم ... اسمع ياابني هاي قرعة صح .. لكن فيها سر السحر الأعظم .. أجدادي كابراًً عن كابر توارثوها .. أسمها" قرعة الأقنعة " .. راح أقرا فيها تعويذة خاصة ومن بعدها تجي تضغط احدالزرارين اللي فيها ..قاطعتها وتساءلت :زرارين في قرع؟ الله يا إنتس تسمعين بالأكشن ..
قالت لاتكثر هذرتك وبربرتك ولا ترى بالنعله
الزرارين راح يقلب جمالك فورياً للضعف .. وتطلع أجمل من هيك بكتييير ..
والزر التااني يقلب ام السااالفه وبيصير هو اجمل منك وانت اوحش منو ...
قلت هااتي زراريرك وانا اضغط ....
ضغطت على الزر وانتظرت وألمس خشتي ماتغير شي <<< ومن الحماااس اضغطه مرة ثاانيه ......<<<<< شوي الا وراسي يلف ويلف ويلف دقيقه كاملة ( مثل فلم القناع حق جيم كيري ) ثم وقف عن اللف !
أول ماوقف راسي عن اللف طاحت عيني بعين بنت نور وحسيت أن وجا ماااش تقزز !
رحت للمراية وناظرت جمالي اللي بينقلب ضعف .. مااش مهوب انا هذا ؟ من ذا الخال ؟ وش هالملامح ؟ الله ياقرب انها ملامح واحدن اعرفه مهوب غريب علي ..
ياماما نور هذي ملامح المنتشري !
ناظرتني وناظرت القرعه ثم حطت راسها على جبهتها وقالت آآآآخ نسيت أحذرك من لمس الازرار مرتين لأنه يقلب خواص القرعه الايجابية الى خواص سلبية !
قلت لها دبريييييييييييييني وش الحل ؟ قالت للأسف ما تقدر تستخدم هالقرعه الا بعد 20 سنه
وراااحت واركبت على مكنستها وتركتني <<<< وانا صرت خاااال من بعد ما كنت قمر 14
طلعت أمشي وأنا أبتسي وأنحط وأشاهق .. وصلت الشاطيء اللبناني .. ولا بنت عبرتني ياعيال !! بنات صبايا انا عذوووب بس الزمن غدار .. ولا جابن خبري ,,
رجعت بيتنا بالجراديه .. صرت أمر من جنب أمي وابوي وهم يتقهوون برومانسيه ثم يتلاقطون .. أبوي يقول اخوانتس جاذبينه وامي تقول لا بالله تخسي .. طالعن عليك انت واخوانك !!
أمر الفيصلية .. لا هيئة تحاصرني ولا بنات وراي ..
والآن أكتب لكم هالقصة وانا في أحدى الشقق فوق مطعم سمرقندي في حي العود .. ماحولي الا خوال من نفس البشرة ..
وهذي حال الدنيا يا عيال .. بعدما كنت أمشي والناس خاقة معي .. صرت أمشي وهم يقولون لي يالخال ويطلقون صفيرات استهجان ضدي تسني صامويل إيتو في الليقا !!
وانتهت قصتي المعبرة !!
مايستفاااد من التخاريييف اللي فوق ...
احذروا الطمع .. فإنه يذهب ماجمع . وخلوكم عن النصب اللي ماله سنع !!
السحر حرام
لا تحرمونا من ردودكم الحلوه
الموضوع الاصلي
من روعة الكون
آخر 10 مشاركات
30-07-2007, 11:49
العرض العادي
