فارس احلامي ......

أبي فارس يسافر بي على متن السهر والنور
يذوبني على صدره كما شمس تبي لقياه
وأبي شاعر يصورني ويكتبني سما وبحور
يقول الشعر بعيونه وبعيوني الشعر اللقاه
وأبي عابد يخاف اللي نحج لبيته المعمور
إلا منه عصى ربه سجد باكي على رجواه
وأبي عاشق يعاهدني عهود الوافي المأسور
يدوس النار للرموشي ولا يرضى اقول الآه
وأبي طاهر مثل غيث السحاب العالي المغرور
عفيف النفس والنظرة وحبه مالك دنياه
وأبي قلب حنون ماتقصر نبضته بشعور
يتوج حبنا العذري بتاج روعته تزهاه
أميري وينها ارضك ابوصل قصرك المسحور
أبي موتي على صدرك اضيع برجفته ودفاه
كبير الحلم في نفسي والحلم معذور
مجرد حلم داعبني تراني من الصغر وياه
وانا ادري بهالدنيا شباب يعشقون الجور
قليل اللي نلاقيهم هواهم صافي معناه
حبيبي يالمحال اللي ابغاه ولا لقيت النور
شعور غامض بنصي (احسك) جالس تقراه
أحس انك بتحقق واحس ان الزمن بيدور
وأحس ان الحلم باقي واحس اني قريب اللقاه

الموضوع الاصلي  من روعة الكون