تأكد يابعد عمري

جلسـت البارحـه ساهـي ومالـت للسـهـر عيـنـي = سرحت بلحظه.. ولحظـه صحيـت وشفـت شمعاتـك
تـذوب ومـادريـت إلا وحـسـت نـارهـا يديـنـي = حسبت النور هـو وجهـك وجيـت امسحهـا دمعاتـك
جلست وقلت.. وش قومي وش اللي صار ووش فيني..؟ = لقيـت الـرد نفـس الـرد فـي ذاتـي وفـي ذاتــك
مـادام إحنـا بعيـد شلـون إبلقـى شــي ينسيـنـي = جــروحٍ ماهقـيـت إنـهـا بتـبـرى دون إديـاتـك
هجـل بالله علمنـي.. فـراقـك هــو يداويـنـي..؟ = بــدا والله ماطـابـت جـروحـي دون لمـسـاتـك
تأكـد يابعـد عـمـري وجــودك بــس يكفيـنـي = ينسيني عنـى الوحـده.. صـدى صوتـك وضحكاتـك
تأكـد لـو بلـف الكـون عشـان ألقـى عناويـنـي.؟ = أبلقـى فـي خفوقـك بيـت.. وابـرد ظـل بشفـاتـك
أنـا.. ماكنـت أحسـب حسـاب لأيامـي ولسنيـنـي = ولكـن مـن تفارقنـا.. وانــا إحـسَـب حسابـاتـك
بدونك كيف أعيـش وإنـت.. دمـي فـي شرايينـي.؟ = بدونك كيـف أكـون العاشـق اللـي فـي حكاياتـك.؟
بدونـك كيـف أرد اللـي علـى حـبـك معاديـنـي.؟ = بدونـك وش أكـون إلا هـوامـش فــي ملفـاتـك.؟
سألـت.؟ ومالقيـت إلا سرابـك.. وينـك وويـنـي.؟ = سرحت بلحظه.. ولحظـه صحيـت وشفـت شمعاتـك
تـذوب.. ومادريـت إلا وحـسـت نـارهـا يديـنـي = حسبت النور هو وجهك .. وجيـت أمسحهـا دمعاتـك