عزيز نفس

لاتقولين المسافه بيننا سوت سوايا
والصحيح ان المحبه اصبحت هي الضحيه
يمكن تقولي احبك اي محبه بالخفايا
ماصدقتي بالوعود وماسألتي ايش بيه
ولارحمتي قلب عاشق شاركك وقت الزرايا
مارحمتيني وانا اللي اطلبك روفي شويه
ذقت منك طعنتينٍ واختفت بين الحنايا
مايهم اخفي طعوني داخلي واحمل اسيه
(مستبده)يوم قلتي ياهني وين الهدايا
(مستعده)تنكرين القلب يوم جالك هديه
ماني بذاك الضعيف اللي شكى قل العطايا
ولاني بذاك الشحوح اللي عطا ومن العطيه
دايم اكتم همك بصدري عن عيون البرايا
كنت اتودد وصالك.. ماأخذتي في يديه
كنت اشوفك في عيوني غير عن كل الصبايا
وكنت اشوف بنظرتك يابنت سكرات المنيه
الله يرحم عينٍ تناظر بها شفت المنايا
وين ذيك الابتسامه والخدود النرجسيه
من كثر مااحكي بزينك صارو لشوفك ضمايا
ومن كثر ماقد حكيت ومن حكى بذيك البنيه
صار مثل اللي اختلا عقله جلس يم المرايا
قاعد يفكر يقول اشلون اموتها عليه
رغم هذا ماأبيك وماابي كثر المزايا
وش ابي بصورة ملاك.. والمشاعر هامشيه

الموضوع الاصلي  من روعة الكون