صدق غاياتي

انا اللي يابعد عمري بقول اسف ولوما اخطيت = لان اكبر خطا منك صغير بجنب غلطاتي
ابد ماني بقايل لك ترفّق ليه وش سويت = قل اللي ودك بقلبك تقوله واترك اسكاتي
عسى الله لايعافيني اذا من هرجك انغثيت = سكت من الخجل والله بلايا خابر سواتي
مدامه صح كل اللي تقوله فأنت مازليت = واذا زليت هالمره نسيت شكثر زلاتي
نسيت انك تنسيني الزعل كله الى من جيت = مجرد ضحكة عيونك بنظره تجمع شتاتي
ونسيت شكثر تغليني كم لك وانت مامليت = نسيت ان الوفا منك يذكرني خياناتي
نسيت الله يوم انك علي من الزعل غنيت = حسبت اشواقنا غابت وخابت فيك هقواتي
عجزت انطق ولا كلمه بلحظتها سوا ياليت = يجي لك يوم بأذن الله تقراها مع ابياتي
هذا انا جبتها وشفني ازيد من الغلا بيت = مادام ان القصايد فيك لسى في بداياتي
احبك أيه احبك آآآآآهـ .. لو عديت = من احاد من الالف تملي كل خاناتي
حبيبي لاتحاسبني وانا ياما عليك اخطيت = ترا لو مت بايدينك غفرني صدق غاياتي