شرح بسيط جداً وبالعاميه للي بيكتب قصيده موزونه (أدخلو وبتلقون الفايده إنشاالله

هذا شرح بسيط لطريقه سهله لوزن القصيده أو تعديل وزن القصيده وهي طريقة الغناء
راح أتكلم عن بحرين من بحور الشعر اللي أكثر الناس تستخدمها بكثره وخصوصاً في هالمنتدى الراقي
نتكلم عن بحر المسحوب وبحر الفنون أتمنا يعجبكم الشرح ونستفيد منه كلنا.


المسحوب



نذكر لكم عدة أمثله عن المسحوب من الأغاني :



أغنية راشد الماجد :

أشغلتني من بعد ماكنت خالي
علمت عيني الدمع وقلبي ونينه


وأيضاً أغنية :
عفناك ياللي بعت نفسك رخيصه
عفناك يوم إنك تسالمت للبيع


وأغنية رابح صقر:
يعني أنت تظلمني وانا ماتكلم
وأنا إذا أخطيت صارت جريمه


وأغنية محمد عبده:
ياليل خبرني عن أمر المعاناه
هي من صميم الذات ولاّ اجنبيه


وأغنية عبادي:
محدٍ بنصف الليل سلــّم على الشمس
إلاّ أنا ساعت نظـــرتك بعينــي

وأغنية عبدالكريم عبدالقادر:
ياثقلها كلمة دقايق واجيلك
يامرّها كلمة خلاص انتظرني


وأغنية عبدالمجيد عبدالله :
غايب حبيبي ماوصلني سلامه
مدري غيابه عذر أو شي مقصود


وأغنية عبدالله الرويشد:
شفتك ولا حطيت عيني بعينك
خايف عيونك لا تنادي عيوني


وأغنية نبيل شعيل:
قولو لها قلبي من العام مجروح
قولو لها لو كل الأسرار باحت


وأغنية راشد الفارس :
الحين يعني صرت ذكرى قديمه
الحين حتى شوفتي ماتبيها


وأغنية خالد عبدالرحمن:
ودي تشوف الهم وشلون سوى
في حال من حبك على غير مصلوح


وأغنية فتى رحيمه:
ماقلت لك لا طول الوقت أبنساك
واليوم شفني في غيابك نسيتك


وأغنية سعد الفهد:
جيت اشتكي لك من عنا الوقت ابرتاح
لقيت نفسي اشتكي من همومك


وأغنية مزعل فرحان:
ليت الجروح اقصاص وآخذ بثاري
لجرحك جرحٍ مايداويه دكتور


وأغنية نواف منيف:
خلاص مابيني وبينك صداقه
أنهيتها مادمت في حق أخطيت


وأغنية عبدالله السالم:
حل الفراق وقــّرب البعد يازين
حل الوداع وسامحي ياحياتي


وأغنية بشير شنان :
قالولي طيب قلت ماني بطيب
أطيب وجرحي بين الأضلاع ماطاب


وأغنية فهد بن سعيد:
طاوعت فيني كل عاذل ولوّام
وش دخـّـل العذال بينك وبيني








زي ماذكرت هذي الأمثله كلها على بحر المسحوب

تعالو نبدأ بالشرح:



إذا كتبت البيت الأول وحسيته إنه صار على المسحوب إبدأ بغناءه على أحد الأمثله المذكوره
وأعتبر نفسك تاخذ الكلام الأصلي للأغنيه وتبدلها بكلام من عندك
وإذا جا معك البيت اللي كتبته مع الأغنيه صح أعرف إنك وزنت القصيده بشكل ممتاز
وإذا ماقدرت تغنيها على نفس اللحن أعرف إن قصيدتك فيها خلل إما كسر أو نقصر
حاول وعيد غناءها مره ثانيه والكلمه أو الحرف اللي تحسه مثقــّل الشطر أو بالأصح المكان اللي تلقا فيه
نشاز لحني أعرف إنه هو المشكله (الكسر)وهنا إما تبدل الكلمه اللي مثقــّله أو الحرف اللي مثقــّل وكاسر الشطر وإذا كان الشطر فيه نقص كمــّـل النقص
وكرر غناءها وعدل كرر وعدل لين يركب تمام على لحن الأغنيه اللي أخترتها من الأمثله الموجوده
بعدها إعرف إنك وزنت تمام.
ومشّ الأبيات اللي بتكتبها كلها على نفس اللحن بنفس الطريقه وإذا خلصت غنها على أكثر من مثال من الأمثله
المذكوره أفضل عشان تتأكد وتطمن إنك أنجزت القصيده بشكل سليم.
وكذلك اللي عنده قصيده على المسحوب ويبي يعرف إنها موزونه عدل يتبع نفس الطريق اللي ذكرناها .





الفنون




إليك الأمثله علي هذا البحر وأما طريقة الشرح فهي نفس الطريقه اللي ذكرتها قبل شوي
طريقة المسحوب:




أغنية محمد عبده:
من يقول الزين مايكمل حلاه
كل شيٍ في حبيبي أكتمل


وأغنية خالد عبدالرحمن:
آه من ليل التجافي مطوله
ليلة العاشق ثوانيها ليال


وأغنية علي بن محمد:
ويش اخلي من جمالك ويش اشوف
إن نظرت الوجه أذهلني القوام


وأغنية عبدالعزيز المنصور:
قال لو حبيت غيرك وش تقول
قلت احاول قد مقدر أمنعك


وأغنية رابح صقر:
زد عليه الجور قلبي واجرحه
هات ماعندك من انواع العذاب


وأغنية عبدالمجيد عبدالله :
ازعلى وارضي على كيفك أنا
مثل ماودك تلاقيني حبيب


وأغنية فتى رحيمه:
ويل قلبي لاحرمو عيني لقاك
وإنت أغلا من عيوني للنظر


وأغنية أصيل أبو بكر:
أعجبك في كل شي إلاّ الزعل
قلبي طول العمر عايش في سلام


وأغنية ذكرى :
ليه أحس إني وانا اشوفك حزين
قلبـــي هالليله بهمـّـي يمتلي


وأغنية عبدالله السالم:
من عيوني خذ مراسيل الغرام
كان تفهم في لغة حب العيون





ملاحظه :
إنتبه لا تجيب لحن تأليف من راسك لأنك راح تركب اللحن على الكلام وتعتقد إنه صح
في الوزن لازم يكون الكلام هو اللي يركب على اللحن.




مع أطيب تحياتي،،،،


أخوكم

الواله

الموضوع الاصلي  من روعة الكون