حي الله اللي لاحكت تهمس بهـون...........

حي الله اللي لاحكت تهمس بهـون
مدري خجـل والا الاهـل راقبوهـا

يسعد صباح اللي حكـت بالتلفـون
لّبـا فـؤادي صوتهـا لعنبـوهـا

هي حركّة قلبي وهو بلحظة سكون
تكـفـون ياعذالـهـا جنبـوهـا

خلوها ترتع داخل فـؤادي وتمـون
شوفو ضلوعـي باللقـى طالبوهـا

قلبي عليها ضامي الحـب مفتـون
قصة هوانـا بالصحـف اكتبوهـا

قولـو علينـا بالخفـى ماتقولـون
اعـلا مابيـن اخيولكـم اركبوهـا

اشقر رشيق القد والمـوت بعيـون
أنا اشهد ان الروح مّنـي انهبوهـا

ارموشها رماح الزناتـي بكالكـون
غنايـمٍ بقصـى حشايـا كسبوهـا

اليا تثنـت كنهّـا غصـن زيتـون
وخدودهـا ورود النفـل داعبوهـا

تجتاحني من صوتها حالة جنـون
وترتاح نفـس ٍ ربعهـا حاربوهـا

ادعج غنج بعيونها السحر مكنـون
طيرة بحر علـى التـرف دربوهـا

مرهون قلبي في هوى الزين مرهون
تكفـون ياطيـور الوعـد قربوهـا

قولو لها كثر الجفـى زّود طعـون
وعلـى التجافـي والبعـد أنبّوهـا

تعجبني في مزحه وجّـده وتـدرون
بالمختصر هي تعجبا ً كـل ابوهـا

الموضوع الاصلي  من روعة الكون