ذكريات الصمت

الطير المهاجر · #1 (**permalink**) 11-01-2007, 12:29


	بسم الله الرحمن الرحيم السلام عليكم ورحمة الله وبركاته الى كل شاعر ومتذوق للشعر اطرح لكم ماطاب من ثمر ذكريات الصمت مادريت ان السنين الجرهديه ظالمتني لين شفت الشيب ماخذ في هدب عيني مكانه ولادريت ان السعادة من زمان مخاصمتني لين شفت الرجل يضحك في زمن ذل ومهانه ولادريت ان الغشيمه للاسف ماعبرتني لين شفت اتفه عباد الله يضحك له زمانه من عقب ماهو يدور لقمةٍ ماناسبتني صار ياخذ من يميني لقمتي غل ولعانه قام حظه يوم طاعت هاين النفس وعصتني جات له مثل العسيفه يوم طيب الحظ عانه فرصةٍ ماهي تعوض والجروح مداهمتني صار عنده في ظلال اجروح خفاقي حصانه والهنوف الي عطتني عهدها ثم اخذلتني ياجبان القلب وصل كلمتي يم الجبانه قول قلبي في جروحٍ عن هواها مشغلتني ولو بغى يجرح وشلي يمنعه يجرح فلانه لو غدت خصمي وثاري في عيونٍ خاينتني مالها عند الملاقى غير عهد الله ومانه والله لولا مابلاني من همومٍ قاهرتني في زمانٍ عاقدٍ مع من يحبونه قرانه ماتعيني سجوجٍ مثل ماهي فاهمتني تحسب ان الصمت غفله مادرت انه رزانه ولاتعيني مسامح عن صغارٍ موجعتني والله ان تدري من اللي بالهوى ماقل شانه ولاتعيني مجامل يوم هي ماجاملتني غير شفت اقصى جهدها خبث ومجرد خيانه ولو بغيت انثر دموع الخاينه ماكلفتني غير شيٍ لو فعلته صار في حقي اهانه غير دنيا عزرتبي وجرحتني وحرمتني علمتني كيف حب الغيد مايسوى حنانه وعلمتني لو عطتني عهدها ثم اغدرتن يالرجل عيبٍ عليه تهز رعبوبه كيانه والعواذل شطها الله في هنوفٍ يوم جتني جاتني من دون داعي ميته جوعٍ وظمانه مابغت تاخذ ثواني واستخارت وطلبتني والكرم فيني حصان طاح من راسه عنانه وان شكى قلبي نهرته والعذر غروٍ نعتني وصاحبه يامي يغّيب لاصهل تحته حصانه بس انا خابر طريقي عارفه ماضيعتني ومن يراهني حرام يموت مايكسب رهانه ويوم شفت ان اللعينه بالعانه جادلتني قلت عيب اقعد وفرض البعد يذن لي اذانه ماعقبنا شر يلي كلمتك ماغايبتني تخفي المعنى وقلبي مايضيع ترجمانه شومتني منك زله والسلوم معلمتني ان موت الرجل ابرك من خضوعه وركعانه في خفوقي مالك الا جملةٍ ما فارقتني حامضة وانتي بعيدة حامضة ونتي وزانه كنت احب الورد ايّه ياهنوفٍ ظالمتني بس حبي ماتعدى شوف وردٍ في جنانه وكنت احب الصيد ايّه وافهمي ياسامعتني بس هذا قبل اشوف سهيل يرحل من مكانه وكنت احب البحر لامنه ثقل محمول متني بس هذا قبل اشوفه يشتكي فقدان دانه وكنت اذاكر في دروسي بس جات ورسبتني دنيتٍ ماهي تقدر طالبٍ حل امتحانه شوف عيني يوم قطت دفتري ماقدرتني وذنب قلبي ماشغل في عهد دنيا الذل خانه ببعد اركابي قنوعٍ ياحياةٍ بهذلتني ومابقى من ذكريات الصمت عديها امانه وان ذكرتيني وجيتي والسنين مغيبتني ا نشدي عني غشيمة عقلها يبغي صيانه وان تمادت واستعادة كبرها ولا اجحدتني جنبي بنتٍ تمادت والعقل ماهو تكانه ويش يخليني اعود ياحياةٍ مهلكتني فيك شفت الرجل يضحك في زمن ذل ومهانه ويش يخليني احاسب والسنين محاسبتني كافي ان الشيب ماخذ في هدب عيني مكانه