سواليف نوير<<قصص تفقع من الضحك

(النفسيه متكهربه)
بصراحه أنا اليوم حالتي ألنفسيه تعبانه شوي!صار لي يومين وثلاث دقائق لم أكتحل بنوم(طبعا نوم الضحى،ولا الليل الحمد لله على العافيه أنام 8 ساعات متواصله)أفكر بالكلمه اللي قالتها واحده من البنات في المدرسه!!
قالت لي:يحليلك يانوير ماسمنت بالإجازه؟!!كأنك مسواك!!!
اهىء اهىء!!..
أنا قرأت مقالة أختي الكريمه-لافه-التي تحدثت فيها عن البنت السمينه اللي تسخر من النحيفه..والله وقعت على الجرح يعني مايدرون إن كل إنسان مثل مافيه محاسن فيه عيوب؟!!
إن كانت سمينه قالوا كوره!!وإن كانت طويله ونحيفه قالوا عمود كهرب!!..
وإذا كانت قصيره قالو إتقوا شر من أقترب من الأرض!!!ونصحوهاتأكل موز حتى تطول!! وإن كانت سمراء قالوا بلون الكاكاو،....مايتركوا أحد في حاله أبد..
ويظنون إنا ماعندنا مشاعر..؟!!
ألم يسمعو قول الشاعر في القصيده التي قرأتها في أحدى المنتديات عند بنت خالتي..يقول:
أمس الضحى في تالي الليل ونيت...
ياربعنا تدرون ليش ونيت..
محبوبتي يوم اطردتني من البيت..
قالت:أنقلع يابو خشم تقل فيش.
طبعا محبوبته يعني زوجته!لايروح أفكاركم هنا ولا هنا!!-
شوفوا هو كيف متأثر مع أنه من طوال الشوارب،رجال ولا كل الرجاجيل!...
كيف أجل البنات الرقيقات المرهفات الحس مثلي؟؟!!
شوفوا الثاني وش يقول:
لي صاحب لا ضحك قبل امس..
تجمعت شفايفه عقب باكر!!!
بالله تتوقعون ما تأثر صديقه بهذا الوصف،ويمكن مايضحك أبد ويكون عنده ردة فعل عنيفه ويتعقد ويمكن ما يعرس أبدا!!!
وياخذ وحده عمياء حتى ما تشوف شفايفه!!
بنت خالي خشمها نايم شوي يعني-منسدح-وطول النهار إذا شبت النار بينها وبين أخوها قال لها مين اللي صك الباب عل خشمك؟!!يتهزاء فيها،يعني هو مايشوف نفسه؟!!شعره مفلفل كأنه غابات السافانا لا وبعد احتراقها بعد!!
بنت خالي تعقدت من الأبواب،وصار عندها فوبيا الباب المغلق وما ترتاح إلا إذا كان الباب مفتوحا على مصارعيه..والله متأثره جدا من هذا،كل ماقرأت قوله سبحانه(لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن)
أقول أين الناس عن هذي الأيه؟!!!
يعني لا تسخرين من أحد يمكن يكون عند الله خيرا منك!!!!!!!!!
والآن بعد ما فضفضت شوي أحس براحه نفسيه وسعاده...عند مين العشاء الليله!!!!!!!!!!!
عسى مو عند أم لسانين منير؟؟!!!

الموضوع الاصلي  من روعة الكون