___قصة شباب___
كان في احدى مدن المملكة العربية السعودية مجموعة شبان""بالعامية"" شلة شباب
كانو اربعة اشخاص وكل واحد منهم له غاية وهدف وحرفة وتميز يختلف عن الآخر
الأول كان
بطران
والثاني طفران
والثالث ذكي وحرامي
والرابع غبي على أصول
البطران كان كل شي يبيه او يبونه الشباب يجيبه وكانت جلسة حلوة ورائعه وممتعه
لكن الطفران تغير عليه حالة الطفرة وصار اي شي يبيه يلاقيه من خويه البطران
فتلكم الطفران بعد ماحس بعدم الراحه ومافي شي صار له طعم ومايحس بصعوبة الشي اذا جاه فقال روتين ممل وغبي ومقرف
فلابد اننا نغيره .....فكر الطفران وفكر وفكر..... عجز يلاقي شي ممتع يسونه
فلجأ انه يروح للثالث الذكي علشان يفكر عنه وعن الشباب
فبعد ماوصل التفكير للذكي اللي بينهم قال انا عندي لكم خطط وتكتيك وشغل ميه ميه ومايخر المايه
سألوه كلهم وكان على رأس السؤال الرابع الغبي
فقال وش هي؟؟
قال الذكي,, نسوي عمليات سرقة خفيفه ولطيفه ونحس اننا سوينا شي
كلهم وافقو عدى الغبي قال شلون مافهمت؟
قاله الذكي ياصاحبي نسرق لنا كم شغله نغير روتين الجلسه والمصاخه يعني بالعربي نتك تك لنا على فهم
بكل براءة رد الغبي قال يعني بيصورونا؟
فسكت الذكي لانه حس انه بيصفقه بأقرب شي عنده ويدخله اقرب مستشفى طوارىء
مرت الايام والتخطيط ساري
قال البطران للطفران تبي شي؟
قال الطفران ابيك تفلس علشان تحس باللي احس فيه
وقال الطفران للذكي تبي شي؟
قال الذكي ابي تفتح مخك علشان تخطط مثلي وبالاصح تخطط بدالي
وقال الذكي للغبي تبي شي؟
فرد الغبي وقال اللي انتو تبونه انا حاضر بس لاتخلوني لحالي
مرت الايام وقامو الشلة بالفراره والسربتة والدواره
على تعيس الحظ الضحيه اللي بيكون حظه انه ينسرق
شافو بإحدى الحواري بيت من افخم البيوت وأروع السيارات توقف بجمبه فقال الطفران البيت هذا شكله ماعليه كلام
وافق الذكي على الطفران والغبي صار يبدي رايه وقال للبطران شرايك
قال البطران هذا بيت واحد من قرايبنا من بعيد
فقال الطفران لا مايصلح يقرب لك ويمكن تعلم
قال الغبي لايصلح علشان اذا بيعلم يعلمنا احنا بالاول
يقولون للذكي شفيك ساكت ماسمعنا صوتك؟
قال ايييييه جالس اضحك من داخل
قالو له ليه؟
قالهم اشوف سخافاتكم وسذاجتكم الزايده
قال شوف يا"البطران"
انت قلت يقرب لك يعني حلو جدا احنا بنسوي الفلم حقنا
وبنسرقه
وانت بتعرف الكلام اللي راح يدور بالعائله وبتجي تقولنا
قال الطفران والله مافكرت زي كذا
قاله قلت لك فتح مخك
قال الغبي وانا اقول ليش ساكت علشان تتكلم ونسمعك كلنا
فقام الذكي ومسك علبة الكلينكس اللي من محطة البنزين اللي مافيها الا عشرين ورقه
ويسمته فيها على وج
ونفخ له براطمه وصار مايقدر يتكلم فبالطريقه هذي افتكو من الغبي ومن سخافاته
فقال الطفران طيب وش نستفيد لو قالنا ايش صار وايش ماراح يصير
قال البطران ايه صحيح واذا قلت لك خير ياطير
قال الى الحين مافهمتو؟؟
قال الذكي يافهيم انت وياه علشان لو حصل وانكشفنا بيكونون اهله فبالشكل هذا ماراح يسجنونا ولو فكرو يسجنوننا احنا ربعه وراح يتنازلون
بالطريقه هذي اذا مشت مشت واذا طحنا بنطلع
قالو كلهم اهااااااا
قام الغبي يهز راسه يازعم انه فهم الحكاية
اليوم اللي بعده وقت الفجر
قبل طلوع الشمس اجتمعو المجموعه الاربعه
تحت تخطيط الذكي الحرامي
فكانت صيدتهم على سيارة لكزس عند احدى بيوت الحي الراقي
فبعد كذا قام الذكي وقال لاحد ينزل غيري ابي بس مراقبه وانا جايكم
القصه كانت سرقة جنوط
عموما اللي حصل الذكي راح وقام وسرق جنط واحد من اللكزس
ورجع بسرعه للسيارة وقال يالله بنمشي
البطران قاله مجمعنا وكل هالتخطيط علشان جنط وحد
قال الطفران صحيح انا مطفر بس ماشفت مثلك مسوي مخطط ومتكتك بالاخير جنط واحد
قال الذكي وهو معصب يالوح ياحمار انت وهو
انتو كلكم سلنتح وماتفهمون شي اذا جا بكرة بتعرفون ايش اللي انا مخطط عليه
والغبي راح يفهم القصه:::""قصد رابع واحد فيهم"":::
كلهم بحيرة وليه قال كذا ومحد يدري ليه سوى كذا
كل واحد راح بيتهم
وكل واحد مع اهله
وكل واحد فيهم كان يشغله التفكير
اجتمعو اليوم اللي بعده كالعاده والطفران قال مافهمنا شتقصد؟
الغبي قال انا فهمت علشان هذي اول تجربه ...(((مايدري انه ذاك محترف سرقات)))...
وعلشان لو صادوه يخففون عنه الحكم
قام الذكي ويسطرع بالجوال على برطمه مره ثانيه وانتفخ مره ثانيه وافتكو منه
البطران يفكر
قال انت سرقتهم وقالو انك طيب ومنت نذل ومافكرو يبلغون
قال الذكي انا زهقت منكم انا الليله عندي شغله وبكرة نجتمع كالعاده ونتفاهم
قالو المجموعه تخليت عننا؟
قالهم لا بس هذي شغلتي وبعد مااخلصها راح تفهمون كل شي
راح الذكي وبالليل كالعاده بسيارته الوانيت
وفكك بقية الجنوط حقت اللكزس وحطهم بالمقر بتاعهم
فاليوم اللي بعده بعد ماسمع البطران حكاية العائلة اللي صارة
وهو يدري انه مو هو ولاربعه اللي سوى كذا
متعجب ومستغرب
اجتمعو والطفران يقول انا ماحسيت في هدف او غايه للي سويناه
قال الغبي انا استفدت اني يااقول شي مفيد او اسكت لايصير شي يسكتني
قال الذكي انت استفد ياغبي
بس انت ياطفران باقي لك شوي علشان تفهم
قال للبطران انت شفهمت
قال البطران بصراحه في ناس اشطر مننا
قال كيف؟
قال البطران في ناس اشطر واشجع منن سرقو اربع جنوط من سيارة احدى افراد العائلة
قال الطفران انا قايل بس محد مصدق زين الحين فاتنا كل شي
قال الذكي للبطران طيب شلون وايش صار؟
قال البطران في ناس غيرنا سرقوها حتى الاهل قالو لو هو نفسه اخذها مره وحده
قال سمعوني كلكم
يعني من اللي اخذ البقيه؟
الغبي قال ماادري
الطفران قال ناس تفهم
البطران قال موهذا اللي مانعرفه ولابنعرفه
قال الذكي الحرامي للمجموعه
سمعوني زين
البقيه عندي بالمقر
قالو شلون؟
كيف؟
وليه؟
قال الغبي: انا اللي فهمته انه يحب يسوي كل شي لحاله اذا مافي احد يفهم هو ايش في باله؟؟
قال الطفران: شكله شاف له ناس غيرنا لانه مااعتبرنا اصدقاء؟؟
قال البطران: اهو كان يبي يغير لنا جو ومافي باله يسرق او زي كذا او يمكن علشانهم قاريبي انكسر خاطره؟؟
قام الذكي ووقف وهو يضحك ساخر عليهم
انتو حفلة ومجموعه مالها هدف بالحياة
قال الذكي للغبي انت بديت تفهم وصرت قدها
قال الذكي للطفران انت بديت تفكر لكن موصحيح استنتاجك لانك متسرع دائما
قال للبطران مشكلتك قلبك طيب وتثق بالناس بسرعه انت محتاج تأسيس من أول وجديد
قالهم اللي حصل ان انا سرقت جنط واحد مو لان مااقدر اسرق الباقي
لا
سرقت الاول علشان اشوف من فيكم يفهم او لا وطلع ولااحد
بس الغبي بدى يفهم
اليوم اللي بعده ماجلست وياكم علشان اعطي البطران درس الحياة
وانا رحت لحالي علشانك انت ياطفران ماتستعجل بالحكم
اللي صار اضافه للاسباب اللي قلتها ان سرقت جنط واحد
علشان اليوم اللي بعده صاحب السيارة يقوم ويركب الجنط السبير
وانا رحت الليوم اللي بعده لحالي علشان اخذ الاربعه الباقي
فاللي حصل انا الحين عندي 5 جنوط
لو صرت مثلك ياطفران مستعجل واخذت الاربعه راح يبلغون على طول وبعيش بخوف وماستفدت الا اربع جنوط
التفكير محتاج تخطيط بصبر ودقه
وقال بعدين للبطران افهم يافطين وخلك فهيم
انا اخذت ذاك بيوم مو بس علشان 5 جنوط عندي علشان الشب تصير بأكثر من واحد
.............وهنا تنتهي اول جرية للمجموعة والشلة.........
الموضوع الاصلي
من روعة الكون
آخر 10 مشاركات
03-08-2007, 08:20
العرض العادي
