على عود المشاعر ريشة الفرقا تعـزف جـروح ** وعلى صوت الوتر يرقص عذولي والوتر حساس
قطعت الصوت والصوره ولا لك حق يالمملـوح ** وانا اللي مشتريـك وبايـعٍ دنيـاي راس بـراس
دخلت لعالم الحب المسمـى والا انـا منصـوح ** شويري قلبـي اللـي وثقتـه عيونـك النعـاس
دخلت لعالمـه عنـدي أمـل ياغايتـي وطمـوح ** أفوز بقلبك وتبقى معـي واكيـد بعـض النـاس
تجسدني غلاك وقمت من خِلـك مقـام الـروح ** وصرت الآمر الناهي..! مقادير الهـوى لابـاس
رسمتـك حلـم يكتبنـي نهايـة عاشـقٍ مذبـوح ** بكفٍ مدت لكفي وفـا مـع صـادق الإحسـاس
حسبت إنك معي وافي وقلت من المحال تـروح**اثرني عايشٍ نشوة خمر حبـك واديـر الكـاس
حرمت العين من عينك وسمعي صوتك المبحوح ** غلا مدري جفا مدري كبر مدري على ايا سـاس
حبيب القلب مالك مـن ورى تعذيبنـا مصلـوح ** تعوذ باسم من خـلاك محبوبـي مـن الخنـاس
تعال ومابدر منـك علينـا مـن خطـا مدمـوح ** وحذراك اتجاهلني تـرى قلبـي معـك حسـاس
أتنمى انت تنال أعجابكم
وسلامتكم
أخــوكم/ هــاجـس
الموضوع الاصلي
من روعة الكون
آخر 10 مشاركات
04-08-2007, 06:12
]
العرض العادي
