ايش تسوا لوكنتوا مكاني

--------------------------------------------------------------------------------

يوميات ظلال الكون

طبعا في الدنيا كلها ما في غير ظلال الكون يقوم في عمل الخدمات للجيران والأصحاب ،،،،،

الساعة الخامسة والربع عصرا وقت جميل هادي ( كان هادي ) تدق جارتنا العزيزه... ومعاها أبنها العزيز الباب،،،

،،، بعد التحيات والسلام جاري ممكن تخلي ابني عندك ربع ساعة بس عندي مشوار وراجعه بسرعه ما راح أتأخر مررره

،،،، طبعاً ما في مشكله في عيوني ( أبو النخوات ) ،،،، شكرا جار ي عفواً جارتي

طبعاً أخذت الولد الحلو اللطيف الهادي البريء تقريباً عمره أربع سنوات ( تقريباً ) بس يمكن وجه عبوس شويه

مو كثير ،،، طبعاً أنا أخذت الحلو الأمور على رجلي احاول أحكي له حكايه حلوه زيه ودار الحوار بيننا كالاتي:

- كيفك حبيبي مشاء الله عليك إيش اسمك حبيبي

- انقلع

- ليش حبيبي ( افا ) عيب صح لا ولا

- لا مو عيب

- طيب ايش رأيك أحكيك حكاية حلوه مرررره

- لا ما أبغى

- حكايه مررره حلوه

- طيب بسرعه

- أحكيك حكاية على بابا والأربعين حرامي ويش رأيك

- ( متنح )

- كان فيه واحد إسمه علي بابا كان رجال قوي مررره وكان ما يخاف من أحد مررره

- ( برضه متنح )

- وكان فيه حراميه أشرارا يسرقوا الناس الفلوس حقهم ويخبوها في مغاره كبيره مررره

- وعلي بابا يسرق معاهم ( بدأ المخ يستجيب )

- لا لا علي بابا شريف ما يسرق احد

- مين شريف

- لا لا اقصد انه علي بابا ما يسرق

- اه مين يسرق

- الحراميه الأشرار وعلى بابا يلاحقهم علشان يرجع للناس فلوسهم

- مين على بابا

- يا حبيبي علي بابا البطل الشجاع القوي

- ؟؟؟؟ ( أنا التمست منه الذكاء في الحقيقه )

- وبعدين الحراميه أخذوا الفلوس وخبوها في المغاره الكبيره وكان علي بابا يراقبهم من بعيد

- يراقب المغاره

- لا لا يراقب الحراميه علشان يشوف فين يحطوا الفلوس

- الي سراقها علي بابا

- يا حبيبي قلبي علي بابا ما يسرق انسان شريف وما تقولي مين شريف

- ها وبعدين ( يعني فهم )

- وقفوا الحراميه قدام المغاره وقولوا أفتح يا سمسم علشان تفك المغارة

- سمسم في المغاره

- لا لا افتح يا سمسم كلمة سر للمغارة علشان ما حد يفكها غيرهم

- يفك ايش

- يا حبيبي يفكوا المغاره علشان يحطوا الفلوس فيها

- أي فلوس

- ألي سرقوها من الناس طبعاً

- أي ناس

- ( يا الللللله ) ركز معايا ، مين ألي سرق الفلوس من الناس

- علي ماما

- يا حبيبي قلبي اسمه علي بابا ، وهو بطل ما يسرق مرررره

- سمسم ألي سرقها

- يا أبني الحراميه هم الي يسرقوا بس

- يسرقه ايش

- يسرقوا الفلوس من الناس علشان هم حراميه

- والمغاره

- المغاره يحطوا فيها الفلوس الي سرقوها

- علي بابا وسمسم

- يا أبني علي بابا مايسرق مرره فهمت ولا لا

- فهمت

- عرفت أنه على بابا ما يسرق وهو بطل شجاع زيك

- ميـــــن علي بابا

دق جرس الباب وربنا ستر على الولد الذكي مني ، وجات أمه مبتسمه مررره قالت ليه بكل احترام

شكراً كتيررر يا جار إن شاء الله الولد ما يكون غلبك ،،،، لا لا مشاء الله عليه الولد مرررره نبيه

مشاء عليه الله يحفظلك هو ،،،، مع السلامة ،،،مع السلامة

طبعأ وأنا اقفل ا لباب سمعت الولد يقول لأمه ماما ( علي بابا حرامي يا ماما )

بصراحه كان باقي عليا أقل من دقيقه وأ ............. من الشباك لشدة الذكاء الخارقه



طيب إنتا أو إنتي لو كنتم مكاني كيف كنتم تتصرفوا مع العبقري

الموضوع الاصلي  من روعة الكون