السلام عليكم ورحمة الله وبركاته
وش أخباركم ؟؟
الفرق بين البنت الدلوعه والعربجيه
الدلوعه:
هي نايمه الدبدوبي والارنوبي كلهم في حظنها ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله تقومها بالانجليزي ...بس انا راح اترجمه لكم ....
يالله مرام قوم ماما في قول قوم
عاد هي تقول اوكي وتجي امها وتصحيها مره ثانيه يا مرام حبيبتي اصحي ..
ترد مرايم.. ماما والله بدري الساعه 1 الظهر بدرررررررررري(تدلع هي وخشتها..
يقالها تو الناس بدري )..طيب ماما من عيوني
قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي..و علشان تروق بنت الحلال راحت تاخذ حمام محترم وبعد ما تطلع من الحمام و على المرايه تحط من هالكريمات والدعافيس على وجا ....
تعرفون شباب لازم تحافظ على البشره خلصت من المرايه وتتجه الان الى الاستشوار وش..وش..وش.. وش لحووووووووووول ساعتين عز الله اللي اندمرت هالشوشه... خلصت منه دقت البنطلون الجينز والبلوزه ونزلت تحت تفطر على كاس عصير برتقال ..... مسويه رجيييييييييييييييييم
نجي للعربجيه..تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى
لحووووووووووووووووووول زين زييييييييين ...تنفخ بعد....
بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير
يجي اخوها حميد (اسمه محمد بس يدلعونه حميد )
ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع ولا صكيتك على جبهتك..
ويجي مناحي اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل
وبعد تلك الرفسه العنيفه ... فزت فزه ما يعلمها الا الله
وقالها مناحي..قومي صلحي فطور عشر دقايق الا وهو جاهز زينننننن
شوفي ابي قرص وخبز مسح(يعني خبز على الحديده)
وقامت بعد جهد جهيد ....
اعزائي بنات المعالي نعود للبت الدلوعة
هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه ...تحافظ على الرشاقه يابنات
العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس
الناعمه.. طلعتها تكون من بعد صلاة المغرب(ما تطلع في العصر يااااااااااي تحافظ على البشره
العربجيه.. تطلع الساعه2 القايله وتدقها كعااااااااااابي لبيت خوالها الين تنقلب خبز اسمر هاااااي
الناعمه..تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق (مكياج سوق) الله يخلف
العربجيه .. تروح لسوق النسيم عشان تلقى ملابس عربجية لها
الناعمه.. اذا تطلعت تطلع مع يارا ولارا<< وخياره>> ورولا ومايا وغيرهم
العربجيه .. تطلع مع بنات خالاتها وضحى وشقحى ومزنه
الناعمه.. لا جات تضحك يالله تسمعها من النعومه
العربجيه..اذا ضحكت اضحكت كذا ((هع هع هع هع هع ))...الحمد لله والشكر تقول بالعتنلها حمار الله يكرمكم
واذا جات تمزح مع حميد اخوها اعطته كف حلاقه ....يعني كف قوي على رقبته
الناعمه..لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه
العربجيه.. لا جات تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه (( فكرة حلوة ااااااااي ))
الناعمه اذا تبي تحلم احلام اليقظه طلعت برى في الحديقه حقت بيتهم وجلست على الكرسي هزاز وقام الكرسي يروح ويعود
العربجيه ..اذا تحلم احلام اليقظه طلعت برى في حوشهم
وفرشت البساط(ابو 15اللي مخطط باحمر وازرق عرفتوه )
وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم
وأنتي من أي نوع عادي لا تستحون ؟؟
الموضوع الاصلي
من روعة الكون
آخر 10 مشاركات
05-08-2007, 10:08
العرض العادي
