آسف حبيبي في حبي لك تسرعت
ظنيت الآقي فيك شي فقدته
******
كنت أحسبك من مر جرحك تجرعت
حبيت فيك إحساس طفلٍ لمحته
*****
لو قلت آآآآه بوسط روحي توجعت
ولو شفت دمعاتك شعوري سكبته
*****
ولو تطلب أعيوني أبد ما تمنعت
وأعطيك قلبي لو بعد طلبته
*****
وصلت بك أعلى مكان و تربعت
وفي قلب غيري ياحبيبي ماوصلته
******
صبرت على صدك و أشوفك تدلعت
و أعطيك ود وما أظنك حسبته
*****
أذهلتني بطباعك اللي تطبعت
حتى قصيدي فيك أبد ما فهمته
*****
لو كان غايتك حروفي فأنا بعت
وأفرح بجرح الشاعر اللي جرحته
*****
وأرجوك من صدك تراني تشبعت
خلك مع اللي عاجبك أو عجبته
*****
يكفيني قهر في جيتي تواضعت
تركت غيرك لجل عينك و بعته
*****
ياليتني عن حب مثلك ترفعت
ياليت قلبي قبل أعرفك دفنته
*****
لكن أببعد دامني بك توهقت
يرحم زمان حبنا اللي ذبحته
*****
شريت الود والحين أنا بعت
وعطيتك قلبي اللي قهرته
*****
كمل حياتك مثل ما أنا توقعت
تبقى أسير الماضي إللي فرضته
*****
و لا تزعل إني غلطانٍ وتراجعت
حولك بدالي ألف شخصٍ عجبته
الموضوع الاصلي
من روعة الكون
آخر 10 مشاركات
06-08-2007, 06:22
اسف حبيبي
العرض العادي
