انا يا بحر ما جيتك فضا ولمشاهدك شفقان
انا جيتك ابنسى الياس وبعض همي يباريني
على جالك انا جالس اسامر موجك الغضبان
اسولف له عن اوجاعي عناي وغربه سنيني
علامك يا بحر غاضب علامك تصرخ بكتمان
انا جيتك ابي اشكيلك وابي منك تواسيني
انا مثلك بحر لكن وسط نفسي انا غرقان
بقيت ابحر مع نفسي واحاكيها وانا ويني
انا محتار في وضعي مع نفسي انا حيران
انا لا قادر افهمها وهي تجهل مضاميني
انا مليت من حزني تعبت ابحث عن السلوان
ولا ضنيت به شي عن احزاني يسليني
احس ان الحزن عالم بحور وصحرا ووديان
وتخيل يا بحر حجمه اذا كله سكن فيني
تصور لو شقى الدنيا تجمع في كيان انسان
وتصدق ما بقى بالكون اسى ما بات في عيني
ترى كل الحزن لو غاب وراح لأخر الأوطان
يغيب ويرتحل لحظات ويرجع يستقر فيني
انا اخر فصول الحزن وانا لدروبه العنوان
وانا اخر عزوفاته واصواته تغنيني
انا والليل والغربه تكاتفنا مثل أخوان
لليلي كل اهاتي وللغربه عناويني
تعبت اسقي ثرى احلامي وازرع بالوهم بستان
تعبت ولا نبت زرعي وتعب جفت بساتيني
جحدني حظي العاثر رماني بعالم الحرمان
جحدني ولا قدر مره على الفرحه يرسيني
الأ يا بحر جاوب ؟؟ وش أخر هذه الأحزان
وش أخر رحلة أوجاعي ؟ عناي وغربه سنيني
الموضوع الاصلي
من روعة الكون
آخر 10 مشاركات
06-08-2007, 08:13
]
العرض العادي
