تدري وش اللي يتعـب البنـت يـا سعـود
رجـلٍ يخـون اشواقهـا و المـودة
إللـي إلا احتـاج الغـلا صــار نـمـرود
وإلـى شبـع ممـا عطـاه إستـرده
البنـت ريحانـة غـلا... ناعـمـة عــود
تبـي لهـا رجـلٍ ورث طيـب جـده
رجـلٍ فعولـة كلهـا جـود فــي جــود
ما يلتفت للـي كفوفـه تمـده ...!!
رجــلٍ إلا جـتـه الليـالـي بمـنـقـود
يتكى لهـا مـا بيـح الوقـت سـده
مهـوب خبـلٍ مـا رعـى للهوى عـهـود
وادناة مـا عـارض طريقـه يـرده
ولاهـوب لاعلـة ... ولاهــوب ملـهـود
ولا شكوك ... و كـلٍ طـارئٍ يحـده
مـا اشيـن مـن الرجـال لا جـاك ببـرود
وإن قال له ترف القـدم شـي صـده
تبـي لهـا بـراق طـيـبٍ لــه رعــود
إن اجدبت يمطر علـى ريـف خـده
وإن نادتـه تكفـى لقـت عـنـده الـفـود
يشيـل عزتهـا علـى قـو زنــده
كفه نفـل ... وانفـاس صـدره لهـا عـود
وظلالـه الضافـي بيـدهـا تـمـده
البنـت خـد ... وقـد ... ونواظـرٍ سـود
وريحة غلاً ... ياسعد من شـم نـده
البنـت إلا ضحكـت ثمـرهـا لــك ورود
يا سعـد مـن يقطـف نواويـر وردة
واللي يهيـن البنـت ناقـص ... ومقـرود
فرس غلا ... ماهـي حمـارة مكـدة
مــــنـــــقـــــــولـــ
الموضوع الاصلي
من روعة الكون
آخر 10 مشاركات
06-08-2007, 01:16
تـــدري وش اللي يتعب البنت ....يـــــا سعود
]
]
العرض العادي
