شنو زرعت وشنو حصدت

بسم الله الرحمن الرحيم

السلام عليكم ورحمة الله وبركاته

أما بعد أخوتي وأخواتي موضوعي اليوم أول مشاركة لي وأتمنى يعجبكم وألاقى ردود علية

المهم موضوعي عن عقوق الولدين

الحمدلله الله من علينا بنعمة الخير والمال والصحة والعافية وفوق هذا أم وأب حفروا بالصخر عشان يكبرونا ويعلمونا وفوق هذا تعبوا وهم يأسسونا التأسيس الصيحح وبعد زادوا الحمل على أنفسهم وزوجونا بس عشان اشوفونا مبسوطين ولا شي ينقصنا



وطبعا حنا شفنا هذي الايام ظاهرة الطلاق منتشرة بدل الخليج يعني كل بيت ماعاد يخلى من مطلق أو مطلقة وبتقولون وش دخل موضوع الطلاق بموضوع عقوق الوالدين .
بصراحة أنا من وجهة نظري أن لهم علاقة مع بعض ونهم شرباكة في شرباكة ، بتقلون كيف ؟وأنا ان شالله راح أوضح لكم.

يعنى العروس أول ماتدخل البيت على حمولتها ماتسمي برحمن وتقول دخلت على أهلي بيتي الثاني ، لا أعوذ بالله إلا تدخل والشيطان يدخل وياها :Copy (2) of Copy of

يعنى لما تقعد الصبح ماتنزل وتحب العجوز على راسها وتقول (صبحج الله بالخير يالخالة )لا
ولا حتى الظهر تنزل وتغدى وياهم لا مستحيل
ولا حتى العصر تاخذلها فنجان قهوة أو بيالة شاي علماشي أبدا أنسوا
ولا الليل تتعشى معهم أو تسهر سهرة خفيفة قبل مايوصل الزوج لا لا لا
كنها ماخذة الرجال عشان تعبدة
الأهل يطبخون الغدا والعشاء وهي ما عليها إلا جهزة وتقدمة له بروحة في دارهم هذا إذا هي جهزتها ماقالت للخدامة (ياميري جهزي الغدا حق بابا وصعدية للدار فوق))

ولا متكلمة مع الخالة ولا ضاحكة مع الخوات وإذا قلتي ليش قالت أنا رسمية وياهم عشان يحترموني غصب عنهم (شدعوة يحافظ مخذينك من بيت أهلك وهم محقرينك ولا بيذبحونك بكثر الطلابت والشحذة والسلف ، بتكدين عليهم أنت)

وإذا جابت ولد لا ينزل عند أهلك يبكونه ولا يروح عند أمك ماتعرف تشيله ولا يروح عند إختك تمرجة ولا يروح عند الخدامة تعدية (يعني الولد في حجر صحي ) والرجال ساكت ولا علية أهم شي الأكل جاهز والمرة موجودة والولد نظيف مايفكر بهالأم اللي ربت وكبرت عشان تفرح بعياله حولها وزوجتة مقابلتها يمكن تعوز شي ولا شي سبحان مره عجيز يعني هي اللي تصلح قهوتها ولا فطورها ، لا ياحلوها لا طلعت من مرة الولد
وصارت لها مثل بنتها تروح وياها وتجي وياها ولا بغاها رجلها مراح تقول لا.
أما إنها ماتخدم إلا الرجال والأهل بالطقاق فهذا بصراحة شي دخيل علينا لا من دين ولا من عادات وتقاليد ترضى بهذا الشي وبعدين تتضايق الام وتحس ان ولدها اللي ربتة مانفعها لا وهو ولا زوجته ويمكن تدعي علية (الله يجيرنا من غضب الولدة ) شراح يستفيد الام غاضبة علية فيغضب الله علية وينزل غضبة بقلة البركة في زوجتة وعيالة ويمكن يطلق زوجتة أو يمكن تستمر الحياة بينهم بس مع النكد والكدر لان الأم مو راضية علية ويكبرون عياله ويرونة إلى رواة لأمة من يقبل
وبتذكر شلون هو تعب عليهم وهو مايبي منهم لا فلوس ولا أكل هو يبي لمتهم حولة ، يبي ان يربى ويكبر عشان يشوفهم مثل ظلة وين مراح هم وياة وبعدين اشوف أحفادهم ويتونس فيهم ، بس يا حسافة زرع زرعة لازم يحصدة .
يعنى لو خذالة موقف مع زوجتة وقالها (يامرة انت وحدة من هالبيت أكلك وياهم وروحتك وياهم وقعدتك عند أمي وخواتي شراح يصير بطيح السما على الأرض )هو ماقالها غسلى الحمامات والحوش واسقي الزرع واطبخي الغدا والعشاء ونظفي غرفة أمي وخواتي) لا يطلب منها الوصل في أهلة عشان الله يوصل فية بعيالة وبيارك في ذريتة .
مو يسير موقفة سلبي وشوف زوجتة منعزله عن أهلة ويقول بكيفا أهم شي أنها محترمتهم عشاني مو لازم تختلط وياهم أكثر،،،
لا الساكت كم الفاعل لازم هي تحترم أهلة وتوصل فيهم قول وفعل،وتحب لأمك ماتحب بكرة لنفسك ونفسها .


ويمكن البعض يقول هي مو مسؤاله عنهم لا بقولكم مسؤولة ونص لأنها مثابت أهلها والدم صار واحد لازم تقوم بواجبها عشان يبرونها عيالها وبناتها وتخلي قلبها حنين على خالتها عشان يحنن الله قلب عيالها عليها بكرة .





اختكم um-msh3el
ناطرة ردودكم

الموضوع الاصلي  من روعة الكون