قصه سعوديه...." الحب في الجمس".... أنواااااااع الاهباااااااال والونااااااااسه

البارت الرابع
نسايم وهي تبكي مو مصدقه اللي تشوفه وراحت حضنت الشخص اللي قدامها (وطبعا انتم تبون تعرفون اصبر و صبر زين)
وخصوصا هي متعلقه فيه وغاب عنها وبعدها عنه
...:نسايم خلاص والله ببكي انا ماتحمل فراقك انتي بذات ماحب دموعك
نسايم وهي تبعد: من كثر ماشتقتلك عمي ليش ماقلتلي انك بتجي
(عرفتوه هذا العم الاصغر سلمان اللي يدرس برى)
وطلعت نهى:هلا والله وغلا بسلوم ياخي عطنا وج مالنا رب
سلمان التفت عليها: انت الخير والبركه شبي امي وسلم عليها.
حمد سمع الاصوات وجى بيروح بعدين قال لا مو لازم ورجع للشباب
ـــــــــــــــــــــــــــــــــــــــــ
وراحو يمشون للداخل المزرعه:
سلمان: واالله ودي افاجئهم
نهى هذا اختصاصها: يللا شوف انا بروح اقول للحريم ان فهد بيدخل واول مايتغطون بقولك
سلمان: للحين سوسه طيب
نسايم: بنات عندي لكم مفاجئه روحو عند الحريم
ناديه: لا ماابي..... طفش عندهم ويخلونا نصب
نسايم: اللي يبي يجي بيفرح وجيبو معكم جلا لاتكم لانه احتمال فهد ايدخل عشان المفاجئه.......طبعا هي تقصد بنات خوالها اللي مايكونون محارم لسلمان
راحو وصفو هم والحريم وقعدو :
نهى: سكوووووووووت عشان تكمل الطبخه
ام عبد اللرحمن الجده: وش تبين يالخبله نسايم عسى ماخربتي مثل اختك
نهى : اقول بلا صجه الله يفشلكم ماعمركم شفتو حب وشذا بزران كانت صاله مليانه قشر الحب طبعا مايحلى سواليف الابه
نسايم: كل وحده تقعد بمكانها وتتغطى زين بنفتح الباب
ونهى: فتحت الباب ودخل سلمان ام عبد الرحمن مشت وبعيونه لهفه وحرمان هذا ولدها يا ناس وراح لها حظنته وقعدت تبكي فراق ابنها الغالي المو قف مؤثر ومشاعل بكت تذكرت فراق اشخاص مروعليها بمراحل حياتها....
سلمان: يمه ليش تصحين ترى بصيح كلش ولادموعك الحين مفروض تفرحين مو تزعلين
الجده: ياوليدي من شوقي لك
فهده: اخص امي ساره لاتخربن الولد
الجده: انتي روحي عن الحكي الماصخ
سلمان : يلااه انا رايح وسلم علي اللي يفتشون له
وراح عند الرجال
كانو قاعدين سواليف مب دارين بشي دخل بنص بيت الشعر وقال: سلللللاااااااااااام
اول شي بالمو ..... مو مستوعبين: بعدين راح له نواف هلاااااااااا سلوم وحضنه وقامو يسلمون عليه واحد واحد هو ماهمه هذول اهم شي شخص كان يدور ه بينهم فنهايه لقاه قاعد بمكانه
سلمان بلهفه:يبه
الجد: وقف ونزلت دموعه هذا ولده وصارله ثلاث سنوات ماشاف
وبعدين راح له سلمان وحضنه : الله يعلم يابيه قد ايش مشتاق لكم الجد: حمد الله على سلامتك ياولدي سامحني مو مصدق
وبتسم له سلمان وحبه على راسه
ـــــــــــــــــــــــــــــــــــــــ
في اليل وطفش وصل حده عند البنات
فهده: الا مشاعل ايش فكرتك اللي تقولي
ناديه: ايه صح <<< ناديه تحس نفسها كبيره وتقعد معهم وخصوصا وهي قريبه من نهى وفهده...
مشاعل : ايه صح قربو
واجتمعوا
نهى : وش رايكم نطفي اللمبات
كلهم الا مشاعل:
نهى: يلللاقولي امزح عن حركات بزران
مشاعل: شوفو ابوي عنده ددسن سياره(ونيت) للمزرعه من عند الباب اللي ورى ناخذه ونطلع وندور فيه ونفحط ونستانس
رهف: يله خلونا فري
طبعا عارضو بعض بس روح المغامره شجعتهم
ناديه: الحين من بيسوق
مشاعل: من غيره وائل
ناديه لوت بوزها(ملاحظه وائل يموت عاتراب اللي تمشي عليه ناديه بس هي ماتحب حركاته قال للكل العالم انه يحبها ويسوي زحمه اذا شافها)
مشاعل : انا بتصل عليه
ترن تررن
وائل: نعم خير
مشاعل: مالت هذا رد ترد به على اختك الكبيره
وائل : اخلصي وش تبين
مشاعل: اقول اخوي وحبيبي وائل ممكن طلب
وائل: اخوي وحبيبي سلامات وش عندك
مشاعل بصوت ترجي: والله حنا طفشانين ويمكن ننفجر نبيك تمشينا وتفحط بنا بددسن ابو ي تكفى الله يعافيك
وائل: قضبي الباب موناقصني الا انتي
مشاعل : بنات نداء الاستعطاف
كلهم: تكفـــــــــــــــــــــــى
وناديه ساكته: قالت مشاعل: ياعمري ناديه مسكينه فيها صيحه بتبكي
من طفش:::
هو سمع ولاماسمع
وائل: اطلعو عند الباب الوراني يللله
مشاعل: ايه توك تعرف وتو ماملو عينك هذا القبيله اللي تترجاك
وائل: بتطلعون ولا اهون
مشاعل: لالالا خلاص
وقفلت منه وراحو ومما معه االل طرح مشاعل تقول: اخوي مب لازم اخذ شي وجو يركبون ددسن
ابتسم وائل بخبث: اقول ترى منيب مطلعكم الابشرط
بصوت واحد: وشو
وائل بخبث: ابي ناديه تركب قدام
ناديه: لاوالله احلف منييب
وكلم ترجونها
ندى: ندو حبيبتي يالله الله يعافيك توقف على يدك سعاده 10 بنات مساكين
عند .......الرجال نواف ماسكها طنايز كلعاده
نواف: نايف قم ارقص
نايف: نعم ليه انشالله
نواف: ابدا اقول يعني تتعود
نايف: اقول كل تبن ماتنعطى وجه
سلمان: يتعود على ايش
نواف: على ا العرس
سلمان: عرس مين
نواف:من غيره سبع البرمبا نايف
سلمان.:احللللللللللللللللللف ليش ماعلمنتوني هذا اخرت اللي عنده عيال اخوات اكبر منه
نايف: توني من اسبوع خاطب ممداني
سلمان: يلله المره الجايه وكانت على وج علامات الاستغراب واضحه لانه يعرف عقده نايف من زواج ويعرف سرها
وبعد وقت الفضول بيذبح سلمان
سلمان: نايف تعال
رامي: احلف بس انت وليش احنا عائله صريحه
مشعل: أي والله مب علينا
سلمان: اقول.......... الطعشات.......... مايتكلمون يقصد اللي مابعد دخلو العشرين
وطلع نايف وهو يضحك على فشيلتهم
وجلس هو وياه يسولفون
بعدين قال نايف انت شلون بتتزوج
نايف يستغبي: زي كل الخلق
: سلمان: عن الهبال يعني كيف نسيت ا.....
قاطعه نايف: انا اشلون انسى مانسيت بس هذي الوالده الله يهديها غصبتني ولا انا مالي في زواج وانت تعرف اختك عندها سكر لو ارفض دخلت في غيبوبه انت تعرفها حساسه
سلمان اقتنع شوي: طيب من بتاخذ
نايف بتردد ملحوظ: نسايم
سلمان: وشششوووووووو
ـــــــــــــــــــــــــــــــــــــــــ
نهايه البارت تتوقعون ايش ردت فعل سلمان بعد الخبر السعيد؟ وش بيصير على اللي بددسن؟
وش اخر قرارات الحريم؟ تابعو احداثي ولاتبخلون علي بردودكم

هاااااااااااااااااااااااااااا ردودكم ................مش طناااااااااااااااااااااااااااااااااااااااشكم