الذكرى بتتحرق

ليه بعد سنين الحب
تخلى الدموع تتكلم
والذكرى بتتحرق ..
ليه بعد عشقى ليكى
وِِِِِعِشرة عمر عشناها
ومُُُُُصرّّّة نفترق
أنا دلوقتى بقولك من كل قلبى وأنا حزين
إنسى كل ماضى بيفكرك بيا .. إنسى حتى الذكريات والسنين
إنسى اللى كان بينا زمان .. عيشى حياتك مع أى قلب
إنسى حتى الذكريات ولو قدرتى كمان إنسينى .. صعب يرجع بينا الحب
إنسى حتى كل نظرة كل همسة كل ضحكة إياكى تفكرى فيها
ولو زمانك دار عليكى وكلمة ح تعتذرى أو تتمنى ترجعى بيها
برده لا .. وألف لا ...ح أفضل مُُُُُصّر طول الحياة
مش ممكن ح أرجعلك تانى ولا حتى ح أفكر فيكى
مش ح أشتاقلك لحظات وثوانى .. ولا ح أجرح الدمعة فى عنيكى
خلى بالك م السنين .. بكره تسقيكى الهوان
ساعتها ح تفكرى فيا . وتعرفى أنا مش غلطان
وتجربى تارى ونار لياليا . وتبكى على السنين وعليا
بكره تعيشى نفس نارى . ومسيرى آخد منك طارى
من حزنى . وحزن قلبى ودمع عينى شهود عليا بقولهالك
من بعدى . ح تعيشى حياتك فى جو حزين ودنيتك رسمهالك
دنيتك ح تكون مغارة . ح تعشيها بحرقة وبمرارة
ح تنامى وتصحى وتفكرى فيا . ويمكن تكون عنيكى مشتاقة لعنيا
دمعك ح ينزل غصب عنك . وحتى مشاعرك ح تهرب منك
صدقينى ح تندمى على كل دقيقة . وبعد كل ده وجاية بتقولى الحقيقة
نسيتى اللى إنتى عملتيه . . . والأمل والعمر فى ثانية ضيعتيه
كان حبى ليكى أكبر م السنين . كنتى بتزرعى فيا الحنين
وبعد سنين الحب أهون . واللى قلبى يحبه هو اللى يخون
بعد سنين الحب
لا طريقك كان طريقى . . . ولا حبك كان حقيقى
والعتاب ما بقاش بينفع . وبصراحة الوقت فات
ليه بتقول علينا أصحاب
هوه ماكنش بينا حب
ليه خلتنى أقول كداب
إنك إنت مالكش قلب
لا وألف لا يا عمرى . إنسى إنى فى يوم أسامحك
حكم خلاص كتبته عليا . مش ح أفكر إنى أرجعلك
بعد ما بعتى كله فى ثانية
قولت أخاف من بكره ليه
عمرى ما أبكى على واحدة خاينة
بكره ح تدور عليه
لا وألف لا يا عمرى . إنسى إنى زمان حبيبك
كنت شمسى وكنت فجرى. ولا كنت فى يوم ح أسيبك
بعد ما إديتك حنان
بدلت الحب دموع
ح أبعد عنك كمان
مش بعد الغدر رجوع
لا وألف لا يا عمرى . أنا كنت بخاف عليه
حبه كان دايما ظالمنى . وسابنى وباعنى ليه

الموضوع الاصلي  من روعة الكون