انا وامى وحسنى مبارك

بالامس راودتنى الذكريات وتذكرت عندما اعلنت رئيس لجنة الانتخابات النتيجة احسست بشىء غريب فى صدرى ،احسست بان كل قناعاتى غير مجدية وانا نتكلم فى واد والحقيقة بواد اخر
وان هناك خطا ما واكيد ان الخطا عندى انا فليس معقولا انا اكون انا الصح وهذة الملايين التى ايدت مبارك هى الصح .
عندما بدات انسحب من نفسى واحس بالم رهيب يعتصرنى ،لجات وكما هى عادتى الى والدتى كى اصب بين يديها احلامى واشعر بين راحتيها بالدفء الذى افتقدتة بغربتى .
رفعت سماعه التليفون فاحسست بصوتها ياتينى دافئا ينساب باوصالى فيشعرنى بالراحة .
تنفست نفسا عميقا فاحست هى بان شيئا ما يقلقنى فبادرتنى كعادتها مالك ياحبيبى تعبان ؟
فاخذت نفسا اخر ولكن هذة المرة اكبر واقوى واعنف فجاءنى صوتها رقيقا عذبا ،قولى ياحبيبى فيك اية ؟سلامتك .
فسالتها سؤلا ولكنها استغربت السؤال مع مااحست به من مرارة بداخلى .
سالتها :انتى انتخبتى مين يااما؟
ردت امى وبكل عفوية وبحنان الام والله يابنى هما جم خدونا من من البيت العمده وشيخ الغفر ومعاهم عربيات وقالوا الرئيس بينتخب وحطوا علامة على اول اسم ولما رحت عند المدرسة شوفت صور كتير سالت الابله منى -مدرسة ابتائى ببلدنا -مين ابو نظارة دا ياابله منى قالتلى دا واحد اسمة ايمن نور ودا الى بيترشح لرئاسة البلد بصراحة ياابنى انا قلبى انفتح له وعرفت رقمة وعلمت علية لانى حسيت انه زيك راسة ناشفة وانه شكله طيب وهيصلح البلد .
عندما سمعت هذة الكلمات من امى احسست بشىء من الرضا داخلى وبدات اهدا نفسيا واحس اننى على صواب فامى هى مقياسى لفهم الحياة والرضا او التزمر .
واستطردت فى سؤالها ، وباقى الناس يااما حطو صوتهم لمين ؟
اجابت كلنا علمنا على الراجل دة حتى بنات عمك كلهم وبنات الجيران قالوا انه فية شبة منك .
طيب والريس يااما مين الى انتخبة ؟
قالت : مهو بعد احنا مخرجنا سمعنا من اولاد عمك ان العمدة والضابط قفلوا عليهم اللجنة وعلموا على الورق كله .
وهنا غيرت الموضوع وبدات اضحك من كل قلبى مع امى برغم مايعتصرنى من مرارة على مايحدث ولكن تاكدت انى لم اكن على خطا عندما اعلنتها بلا لحسنى مبارك وحزبة .
ومعلش ياجماعه انا كنت حزين جدا لانى مشاركتش بالانتخابات علشانى مسافر خارج مصر .
لكن عمدة بلدنا الله يجزية خير طبعا عرف مدى حزنى وانا مسافر فصوت مكانى علشان مزعلش .
واخيرا انا متاكد ان كل امهاتكم عملوا نفس الى عملته امى طيب ليه 27 سنه حكم عمل ايه
وهعود نفسى انى متصلش تانى الا علشان اسمع صوتك يا امى لانى شايف مصر من بعيد
يبقى ليه اسال
عفوا اذا كان هناك تشابه با الاسماء فصدفه وما اكثر الصدف

الموضوع الاصلي  من روعة الكون