ولاتقوى على التعذيب

تعال نهرب ونسرق ناي
ومن ريح الصدر نعزف غناوينا
نحقق بالهروب اجمل امانينا
نخلي الليل طفل مجنون
يبعثر في المدى نجومه
نترك همنا في البيت
شهور الصمت …..
شعور الكبت ……
وستاير ماتشوف الشمس …
وجدار يخاف من اهله
والله المسأله سهله ..!!!
تعال نهرب …
درب الاربعين اقرب من الخطوه
واحنا اثنين
مثل غصنين …. !!!
تفرقنا كثير اوراق
وتعذبنا كثير اشواق
ولا نقوى على التعذيب
تعال انغيب ….
نصير اكبر
نصير اغلى
نصير اقرب
ياخوّاف تعال الحين
قبل لا تزعل الارض الخجوله من ترددنا
خوفك هذا مثل القيد يكبلنّا
واحنا اثنين ….
مثل طيرين
هوانا الريح وجناح الشوق يحملنّا
هوانا اكبر من اوهام تسكنّا
تعال وصير في عيني
انا نظره ورا الابواب ما تكفيني
تعال نهرب
نروح ابعد من البعد
ونموت اهناك
ولا نلقى احد في البعد يبكينا

الموضوع الاصلي  من روعة الكون