إذا المراجل لبسـة شمـاغ وعقـال!!!!

السلام عليكم ورحمة الله وبركاته


اخوااني اعضاء ومشرفين هذا المنتدى المتميز


اناقرات النثرهذا وعجبني





اقروها وأعطوني رأيكم :


إذا المراجل لبسـة شمـاغ وعقـال
قـل للعـذارى يلبـسـنّ العمـايـم

ما عاد يفـرق زول حرمـه ورجـال
دام الفعايـل تشبـه البعـض دايـم

المرجله مـا هيـب كلمـه وتنقـال
وتروح ما راحـت هبـوب النسايـم

وإلا خشونة صوت أو رفـع الأثقـال
أو رزة صـدور وفـعـل الـزلايـم

ولا هي بعد مفتـاح موتـر وجـوال
وإلا ردى لسانٍ حديثـه شتـايـم

المرجله شيمه عـن القيـل والقـال
رفيع نفسٍ حـر بالجـو حايـم

المرجلـه عقـلٍ وزن وزنـه جبـال
ودون العقـل وش فرقنـا والبهايـم

يا مسندي لو مايل الوقت بـي مـال
يا ولد أبويـه يـا عظيـم العزايـم

يا معرب الجدين من العـم والخـال
يا نخوة المفـزوع وقـت الهزايـم

المرجله يا خوي هي طولـة البـال
هي العـزم هـي الصبـر فالظلايـم

فيهـا الكـرم عـزه دلـه وفنجـال
فيها الكرامه عن ردى الطبع شايـم

والدين لامنـه خـذا القلـب منـزال
مشى طريق الحـق وابليـس نايـم

ومن لا عرف ربه في طيـب الحـال
لابـد وقـت الضيـق بالهـم هايـم

حتى صلاتك مع جماعـات ورجـال
في خيرها يا خـوي نعـم الغنايـم

ولامن نصف ليلك قم صفـي البـال
يا عظم أجرك بيـن ساجـد وقايـم

ولا من رفع ربي لـه كـل الأعمـال
حسن الذكر لا قالـو فـلان صايـم

وخلك شريف القصد يا طيـب الفـال
سوء المقاصـد فالبيـوت الهدايـم

واحذر تبيع النفس فـي دب الأنـذال
وتتبع خـوي إبليـس راع النمايـم

النفس خيـل لـك إذا كنـت خيّـال
ومن لا قوى نفسـه قوتـه الهزايـم

ولا صرت ما تدري لو يش أنت رجال
والله خسـارة فيـك ذبـح التمايـم


منقول
اختكم:اوهام العمــــــــــــــــــــــــــــــــــــر

الموضوع الاصلي  من روعة الكون