لبنان الجريحه

أنتهى وقت الخطب والهنّجمه
وانتهى كل التفاوض بختصار
مؤلمة كل المشاهد مؤلمه
شفت انا لبنان في وضع إحتضار
صدق ملينا الزويا المظلمه
صدق ملينا الحكي والانتظار
مانبي بيروت تصبح معتمه
والعرب بالكذب ترفع لك شعار
اليهودي في خطى من علمه
وزوده بالأسلحه ذات الشرار
والدنائه والخساسه في دمه
يذبح الأطفال في وضح النهار
شتت الله شملكم يالشردمه
الخلا صهيون عباد الجدار
أمة الإسلام أمه مسلمه
ياعرب وين العرب وين الحرار
ليش هذا الوضع صعبه نفهمه
في قرار الحرب ما نبغى قرار
مانبي خطه وقصه محكمه
تخدع المسكين وتزيد الدمار
الحكي وشلون ماعد نهضمه
وجرحنا ياناس ما يحمل غيار
راح وقت المعجزه والمكرمه
مايفيد إلا رجوع الإعتبار
ياعرب كنا بخيل موسمه
نرعب الأفرنج وخلف القندهار
عقبها جانا زمان المشئمه
ياعجاج الوقت ملينا الغبار
ياعرب بيروت والله مهدمه
وقبلها بغداد صاحت بإنكسار
والشمل ياسعد منهو لملمه
وفي نحر صهيون فرغنا العيار
ليت يا بيروت جرحك نقسمه
بيننا ونعيش حالة أنصهار
نجتمع باكر وخصمه
نهزمه و الكرامه تعود في كل الديار
لو خذينا الدين قوه نعدمه
ذاك من قالوا عظيم الانفجار
مير خلينا العروبه مقدمه
والحقيقه بالعروبه انشطار
سيفنا القران للظلم عدمه
اخوتي والدين فيه الانتصار
آيةٍ تنهي الجدال وتحسمه
امرها واضح ومايترك خيار
من نصر ربه يثبّت له قدمه
وينصره ربٍ عزيزٍ ذو اقتدار
سعد من له الشهاده خاتمه
جنةٍ تجمعه بالصحب البرار