) (¯`·._)قصيدة في بنات الجنوب لحامد زيد(¯`·._) (

]..



..






..هاذي قصيدة
لشاعر الكبير حامد زيد
كان له امسيات في ابها في المفتاحة

كتب قصيدة في اهل الجنوب
يمدح بنات الجنوب
عاد من قدهم ه

اضغط هنا للاستماع






واعيني اللي كل ماذعـذع مـن الغربــــــــــــــــي هبـوب
يحلا لهـا لـون الغـروب اللـي يـذوب قبالهــــــــــــــــــــا



ويا ويل حالي كل ما يحـلا لهـا لـون الغـــــــــــــــــروب
تطـري لـي الريـم اللعـوب وسالفـة ترحالـــــــــــــــــهـا



وياجرّ قلبـي كـل مـا تطـري الريـم اللــــــــــــــــــــعـوب
حرّمــــــــــت أمد ايدي على حاجة وأنا مـا اقـوى لـهـا



من سافرت ريم الغلا صدّيت عـن كـل الــــــــــــــدروب
ماهـو قصـور بالعـذارى, بـس ذيـك لحالــــــــــــــــــهـا



من فارقتني ما خطف قلبي مـن الحـــــــــــور محبـوب
ولا لقيـت الجـادل اللـي تستحـق أحيـا لــــــــــــــــــــهـا



لان القلوب إن ما وفت لأحبابهـا ماهـي قلــــــــــــــوب
والعشرة اللـي ماتـرد الـروح مـا نسعــــــــــــــــى لهـا



أما الوفاء اللي يستر الرجّـال مـن كـــل العيــــــــــوب
والا الجفاء اللي يستر عيوب الــــــــعـرب ف رجالهـا


مـا أقسـى مــن فــراق أهــل الجـنــــــــــــــــــــــــــوب
ويلي على اللي كـل مـا تزعـل تشــــــــــــــــد رحالهـا



اللي مذيّرها العــــتب.. لا شبّـت بصــــــدري شبـــوب
عيّيـت أراضيهــــــا وهـي عيّـت تطـول بالـــــــــــــهـا



كانت معي مثل النصيــــــــــب يحدّني مـن كـل صـوب
كانت دروبـي مـن متاهـات الضلـل.. لظلالــــــــــــهـا



كانت هروبي لا شعـرت إنـي بحاجـة للهـــــــــــروب
كانت سماي اللي ليا ضاقـت علـيّ ألجــــــــــا.. لهـا



ليه اتحداني وأنـا فـي كـل الأحـوال مغلــــــــــــوب ؟
ليـه حرمتنـي مـن قهـر عـذالـي وعذالـــــــــــــــــهـا


ليـه اتجاهلنـي وأنـا مــــانـي جبـــــــــان ولا كـذوب
ليه ارخصـت دمعـي وأنـا مـا بكيـــــــــــــت إلا لهـا

ما ترحم اللي له سنه كنّه علـى النـــــــار محطـوب
مـا هزهـا دمـع الفقيـد اللــــــــي بكـــــــتـه أطلالهـا


ما خافت تهدْم السنين اللي بنتنــا طـــــــــوب طـوب
ما فكـرت تشفـق علـى حالـي وترحــــــــــــم حالهـا



قولوا لها لـو مـا تـذوب أنـا بخليهــــــــــــــــا تـذوب
قولوا لها لو ما عنـت لـي مستعـد اعنـــــــــــــا لهـا



اليا ادمحت لي هالخطا بدمـح لهـا كـل الذنـــــــــوب
وإن جابت الحسنة معـي تبشـر بعشـر أمثالهـــــــــا


افرش لها صدري وطن واجمع من ضلوعي شعوب
وارقـى لهــــــــــا مكانـــــة محـد قـــــدر يرقـى لـهـا

إن كانّي مخطي فأنـا مانـي خلــــــــــيّ مـن العيـوب
الذنـب يغفـر والبشـر تجـــــــــــــــزا بقـدر أعمالهـا

البعد قاسي والفـراق يضيّـق الصــــــــدر الرحــوب
وأنــا تعـبـت أدور الحيـلـه وارد احتالـــــــــــــــــهـا


قولوا لها ترجع ترى ماني على البعـد مغـــــصـوب
وإلا تـرى نـذرٍ علـيّ أنـه مهـــــــــــــــوب أشوالهـا


أمـا تجنّـب هالهبـال وتتـرك البعــــــــــــــد وتـتـوب
والا بتبشـر بالهبـال اللـي مـا هـــــــــــوب هبالهـا


كافي زعل ترى الظروف مقفّــلة مـن كـل صـوب
وأنا حملـت مـن الهمـوم أنواعهـا وأشكالهـــــــا


يكفيني أني كل ما هبـت علــــــى صـدري هبـــوب
تحـنّ عينـي للجـنـوب وتلتـفــــــــــــــــت بلحالــهـا


والمشكلة أني كـل مـا حنّـت عيونـــــــي للجنـوب
تطـري لـي الريـم اللعـوب وسالفـــــــــة ترحالهـا


وعز الله إني كل ما تطـري لـي الريـم اللعـــــوب
حرمــــت أمد ايدي علـى حاجـة مـا أقــــوى لهـا


...

احترامي وتقدري







.. ]

الموضوع الاصلي  من روعة الكون