زواج......حصه...ودحيم(ابو راسين) خخخخخخخ

السلام عليكم


كيفكم حبايب


حبيت أحط هالموضوع عشان تشوفون رومانسية العرابجة


أتمنى مايكون الموضوع مكرر


ماأبي أطول عليكم تفضلوا


==============


ابقوول لكم وش صاار في ليلة عرس دحيم

الموااصفاات

الاسم / دحيم الدلخ يدلعونه اهله (ابو راسين)

العمر / منولد في سنة الطفره200 قبل الميلاد

الشكل / قزم ودب واقرع و وج كله خدوود وماافيه عيون

باختصاار يحووم الكبد ..بس مزيون خخخخ

الولد دحيم 24 ساااعه مشااكل وتفحيط وخراابيط وسهرات بلوت.

المهم ابووه قرر انه يزووجه يمكن يعقل الولد (لعل وعسى)!!!!

ويقووم يخطب له ابوه بنت عمه حصه..ويدلعونه حصيصه .. مثله..خخخخ ..من سوق لـ سوق ..والخميس والجمعه تروح العصريه لـ ..غنم الوالد..(وأباعره) !!! ....طبعا اباعره هي جمع بعير .. عند اهل نجد..خهخهخهخه

حصه لاهي طويله ولاهي قصيره.. ماعندها اسلوب .. كل يوم هوشه في باص البنات..خهخهخه

المهم يووم جااء العرس ولا دحيم طاالع مع اخويااه لثمامه يطعسوون

وابووه يدق عليه

الاب: الووو دحيم وينك؟

دحيم : هلا والله طالع مع الشبااب لثمامه

الاب: جعل تطلع رووحك بلاا تعاال اليوم عرسك !!!

دحيم : طيب العرس في اليل يمديني ارجع المغرب

الاب: اقوول امش جعلي امشي العصى على ظهرك

دحيم : طيب خلااص جااي

ويقفل التلفوون

المهم ويجي دحيم ويلبسوونه الخبل نااوي يرووح بقميص نوم

المهم ويمسكونه اخواانه ويلبسوونه ويودونه للقصر

>>>>>>> دحيم الا الحين ماا يدري وش الساالفه يبي يخلص بسرعه عشاان يلحق على العياال في الاسترااحه يلعب بلوت

ويدخلوون القصر ويجلسوونه في المنصه وهو يقوول ابي ارووح اجلس عند
القهوجيه... (لأن الشايب الله يسامحه كان حاشره يقهوي الضيوف ايام الثانويه)خخخخخ وده.يتكي معهم ويشرب شااهي..ويسولف لهم عن الثمامه والتطعيس خخخخ ( والله منسم مررره)

ويلقطه اخووه ويجلسه على الكرسي

ويجوونه النااس يسلموون

المعازيم : مبرووك منك المال ومنهاا العيال

دحيم : هلا ايه طيب يكوون خير والله ما عندي ولا فلس

( قايل لكم مووب وجه زوااج)



المهم ويدخلوونه على الحريم

يووم دخل

وهو الي يفتح كشرته....اسنانه طالعت(ن) كنها حب قرع خخخخ ومصديه خخخخخ ( ابتساامه عريضه) ..

وينااظر في ذا البنيات

المهم يووم طقوو الطقااقاات الا وهو يطمر ويرقص ساامري(طق فيه عرق)

ويسحبه ابووه ويقوول اركد لا تفشلنااا ..وهو يقول .. لا يايبه خلنا ناخذ راحتنا ..يقولون مافيه هيئه ولا سيكورتيه بالقصر ..خخخخ

المهم ويجلسه على الكووشه

وتجي وحده ترقص عنده وهو الي يضحك عليهاا ويقوول اوووووه ماا تعرفين
ترقصين ياا الدبه
وانوااع التهزياا المشكله الي ترقص امه مسيكينه تبي تفرح به ماا درت
انه ماا يستااهل

المهم ويقوومو البنيات يرقصو عنده وهو ينااظر يقوول عااشو هزي ور ور

الا وابووه يكمخه على جبهته

دحيم :طيب خلااص ابنطم

المهم يووم خلصوو وهو يااخذ العرووس ويركبوون السيااره

المهم ماا دراا الا تقووم حصيصه وتقوول ماابغيناا نطلع اقوول ماا عندك
شريط كسراات ( شعبي) بشير شنان يعني؟

ملينا من ذاا الطقاقات ازعجووني

الا وهو ينبسط على حرمته خبله مثله

المهم وتقوول له

حصيصه : دحيم ابسالك سؤاال؟

دحيم: اسالي !!!!!

حصيصه : انت الحين تعرف تفحط ؟؟؟

دحيم : اكيد انا احسن وااحد يفحط ( مسوي فناان عندهاا وهو ما عنده ما
عند جدتي)

حصيصه : والله ورني ابي اشوفك تفحط

دحيم ( توهق)

دحيم : خليهاا بعدين مووب اليووم ( يبي يصرف)

حصيصه : افااا شكلك ماا تعرف هاي

دحيم : اوريك من الي ماا يعرف

وهو الي يلف هذيك الفه وطراااااخ في المااصوره على طوول

والحين حصيصه ودحيم في الشميسي الدور الاول غرفه 123

قسم الكسوور

الزيااره من 9 الى 12 ظهرا و 5 الى 9 مساء






========ان شاء الله بيعجبكم


:mo13:
:mo13:
تحيااااتي لكم



كالعاده منقول

الموضوع الاصلي  من روعة الكون