أميرة الشوق

ياغاليـة لـو كـان للـذوق أميـرة=فأنتي بدون منـازع أميـرة الـذوق
من حقـك ولا هـي بحقـك كثيـرة=وأنا عليك يحدنـي حـادي الشـوق
متى يجـي للعشـق قصـة وسيـرة=ما بيننا ونصيـر عاشـق ومعشـوق
ومتى قراح الشوق يطفـي سعيـره=برشفةٍ من ريقك العـذب ، وأتـوق
وأحط لك في واحـة القلـب ديـرة=ماني عليها ياهوى الـروح مسبـوق
أنتـي وقلبـي والمشاعـر عشيـرة=وظلوعي (الظلعان) وعروقي (النوق)
تنـزل وترحـل والهقـاوي كبيـرة=مرباعهـا يـم المعاليـق مسـيـوق
أميرها : قلبـي ، وقلبـي مصيـره=من دونهـا يثبـت ولا يقبـل البـوق
علـى معاديهـا يجـر الجـريـرة=وجريرته ماهـي مشاريـه وحقـوق
وأنتي بـدون أدنـاة شـك الوزيـرة=لك منزلة عليا ، ولك شان مرمـوق
يا أعذب عذابـات السنيـن الأخيـرة=يالي عليك آمالـي اسوقهـا سـوق
يا سيـدة حلـوات شبـه الجزيـرة=يا دُر ، يابلور ، يـاذوق ، ياشـوق
يـا فاتنـة ، يامغريـة ، يامثـيـرة=يالي جمالك غير ، وفروقك فـروق
عينك تحاوفهـا السيـوف الشطيـرة=نعاسهـا / خـلاَّ تناهيـدي تـفـوق
من وسعها / ضاقت بي المستديـرة=ومن زينها / ماكل مطرود ملحـوق
وليـش أطولهـا وهيَّـه قصـيـرة=عينك حلاها تطرح الطير من فـوق
وخشمك كما سيفٍ عفا عـن جفيـره=ومبسمك : كن الجمر بالثلج مغـروق
وخدك وزير البدر ، مدري سفيـره=له من ورار جلبابك (آفاق ، وبروق)
والخافي أعظم جعل في الأمر خيره=أخاف أعده وأكسب ذنـوب مخلـوق
أبا أكتفـي واقـول جملـة صغيـرة=يمكن بعد ما اقولهـا قلبـي يـروق
(متى يجي للعشـق قصـة وسيـرة=مابيننا ونصير عاشق ومعشـوق ؟ )
في وقتها لو كـان للشـوق أميـرة=فأنتي بـدون أبالـغ أميـرة الشـوق

الموضوع الاصلي  من روعة الكون