][" غلطـــــــه "][

السلام عليكم ورحمة الله وبركاته

هذهِ اول مشاركه لي في منتديات روعة الكون

فأحببتُ بأن تكونَ بدايتي في القسم المفضل لدي

بان نكتب ونرسم مافي داخلنا بأحساس صادق

فأتمنى بأن قصيدتي

تحوز على اعجابكم ورضاكم

ولكم القصيده


أنا اللي قلت في نفسي احبك وابتدى التمثيل
بديت اكذب على نفسي و اقول انك نظر عيني

خطاك انك تصدقني تبادلنـي الهوى و تميل
صدقت بكل اشواقـك وكاذب كـل ما فينـي

خدعني واهم إحساسـي بلا غاية ولا تحليل
ظلمتك يوم جاريته أجامـل و انـت تعطينـي

لقيتك غارق بحبـي ولا لي للأمر تبديـل
حرام أحطم احـلامٍ بناها الحـب بيدينـي

وسايرتك على كيفك لقيت القلب حبّك حيل
وفجأة صرت لي نبضي سكنت أقصى عناوينـي

ولا فكّرت في جرحك ولا ودي تـذوق الويـل
ولا حبيـت نتفـارق وعينـك يـوم تبكينـي

ولكن بانت الكذبة وعـزّم قلبـي التعديـل
تنبّـه بعـد مـا فات الأوان ومـرّت سنينـي

علينا دارت اللعبـة مثـل دورة نهار و ليل
تحب وكنت انا لاهي عشقتـك و انت جافينـي

خلاص الحزن ما ينفـع تبادلنا الهـوى تمثيل
خسارة صرت أنا أحبك و انت اللي تجاريـنـي



][" طير شلوى "][