@ الســــــــــــــــلام وعلـــــــــــــــــــــيكم ورحمـــــــــــــــــة اللــــــــــــــه وبركاتــــــــــــــه @
جبت لكم أشعار روعة وحبيت أنقلها لكم
واتمنى تعطوني رايكم بكل صرااااحة ....
معاك الحق وبكيفك ولاانت بعشرتي مجبور
وأنا من صوبي سامحلك نعم ومبرّي الذمّه
وتأكد واللّي يجمعنا انا لاقلت لك معذور
مجرد واقعي يحلم يعيش بواقع يهمه!!
على النيّه أنا عايش على الدّنيا بطيب شعور
أعيش وصدمتي أصعب خيانه تصدم الأمه!!
عليك الّلّه ياذاك الطريق المظلم المهجور
هدمت أغلى طموحاتي وقتلت الحلم من يمّه
وهدمت بقلبك القاسي سنيني في بقايا سطور
ومشاعر قلبك اللاّهي انا ادري ماهي مهتمّه
أحسبك يالوفا بتجبر حطام الخاطر المكسور
واشوفك للأسـف عايش مثلهم شرّك تعمّه
وشالّلّي يفرق الجاحد عن اللّي خان وعاش الدّور؟
أذا ماكان هذا هو اخو لهذا..ولد عمّه!
غريبه قلوب ماترضى تعيش وتكشـف المستور؟
تخاف تعيش واقعها رغم مالواقع تضمه؟؟
واذاانت بخاطرك كلمه أو ببالك سؤال يدور؟؟
أبد لايشغلك قلبٍ عشانك مات في همّه!
مادام أن الوفا بين الحبايب ماخذا له دور!
يموت الحب..؟؟ لعيون الفراق الّلّي هدر دمّه!!
************************************************** *********************************
تهادى صوتك لسمعـي دفـا ثـم بـث فـي شعـور
وغـرد لـك حشـاي ومـد لـك كفـه ومعـمـوره
انا اول من قدر يمشي علـى سطـر الظمـا بالنـور
وانا اخر من وقـف ليلـه يعانـق ضامـي سطـوره
انا اللي ماعرفت الدمع عرفت بداخلي مغرور
بقايـا انسـان لا كنـي اثمـن بـاقـي الـصـوره
احب اكره مثـل غيـري اجامـل وابتسـم مسـرور
واعانـد كـل مافينـي عـن الــزلات وقـصـوره
عرفتي ليه مـا احبـك عرفتـي ليـه انـا مقهـور
عرفتـي ليـه ماجيتـك عرفتـي لـيـه مـعـذوره
فهمتـي وشـي القصـه فهمتـي وشـو المنشـور
عرفتي من كتـب لـك نـص واغتلتيـه فـي دوره
ترى ما همني مثلـك يعيـش وفـي الخطـا معـذور
يقـول ان الشجـر يحيـا وبـرات الثـرى جـذوره
اكيد انـك فهمتينـي واكيـد انـك هدمتـي السـور
واكيـد انـك تعمـدتـي اشـيـل اوهــام مكسوره
بـلاش نعيدهـا الذكـرى بـلاش نجـدد المبـتـور
بـلاش وخلـي المعنـى علـى ماكـان مشـكـوره
************************************************** *****************************
يالأسف ضاعت حياتي وأنـا أرجيـك
عشريـن عـامٍ كلهـا فـي أمانـي
ويالأسف حطمت قلـبٍ هقـى فيـك
الحـب والاخـلاص وأنـتَ أنـانـي
حكمت حكم الموت في شخص مغليك
وليتك تحـس بشـئ ممـا أعانـي
حلفـت أنـا والله مانـي بناسـيـك
مادمت أنا حـيٍ وأعيـش بزمانـي
خليت عينـي بأحمـر الدمـع تبيـك
ومن الألـم ماعـاد ينطـق لسانـي
ياما كتبت أشعـار قصـدي أسليـك
وياما مدحتـك دوم بأجمـل معانـي
تسهر عيوني الليـل دايـم تراعيـك
وشيدت لك في وسط قلبـي مبانـي
وياما بوسط النـاس دايـم أطريـك
وتبغاني أنهـي حبنـا فـي ثوانـي
ما قول أنا لك غيـر ربـي يجازيـك
ويبلاك ربي مثـل مـا هـو بلانـي
يومك جرحت أحساس من كان هاويك
وخليـت للأحـزان قلبـه مـوانـي
وأنا يابوفـارس زهمتـك وناصيـك
وأخترتك من الناس قاصـي ودانـي
أبيك تنصحنـي عسـى الله يعافيـك
لأني اشوف المـوت قـرب وجانـي
*.*.*.*.*سلمان المطيري*.*.*.*.*
*.*.*.*.*الرد*.*.*.*.*
يامرحبا بك خط واللي أنكتب فيـك
ردٍ على سلمان يومـه نصانـي
شكيت لي حب البنـي الرعاميـك
حب الشرف مالوثه حـب ثانـي
البيض في مرتع هواهم مشابيـك
وأخاف ياسلمان تصبـح أمدانـي
مادري علام الزين دايم أمجافيـك
الماء يدواي علة اللـي ضمانـي
أنتَ شكيت همـوم قلـبٍ تعنيـك
وأنا أشاكي لك همـوم الزمانـي
خضنا التجارب في زمان الصعاليك
ويـلاه ياوقـتٍ قضيتـه أعانـي
في وقتنا الحاضر همومك تسليـك
ماينفع الصحبان قاصـي ودانـي
ذكرتني شخصٍ كلامه كما الكيـك
يعطيك قولٍ ما نطق بـه لسانـي
عزاه يادنيا الرجاجيـل وش فيـك
متـردده ماتاخـذيـن الانـانـي
سلمان ظلم الناس يصبح تهاليـك
ولاخير في نفسٍ تحـب الهدانـي
ياكم عطيت أموال تكتب على شيك
عطيتها ماأبغـى وراهـا معانـي
ولا لقينا بعدهـا كـون تشكيـك
وعشرة عمر عنده تساوي ثواني
وقتك يشبه لي بحكـم المماليـك
في كل ساعه ينقلب حكـم ثانـي
يالله أنا طالبـك يالله أنـا أرجيـك
ترحمنـي بزلـة رفيـقٍ رمانـي
************************************************** ***********************************
أنت بحياتي ماتساوي ولاشيء
يعني بلاش من العتب والمشاريه
حنا تفارقنا ولاعاد به زي
ذاك الغرام .. اللي بدينا مساعيه
جرحك .. ترى مازال في خافقي حي
ولو طالت الايام .. ماني بناسيه
كنت بحياتي شمس .. وإحساسك الضي
وصرت الظلام اللي تضيع مساريه
غرك سواد عيونك النجل .. وشوي
من ملحك .. اللي كنت بالشعر اناجيه
وغرك زمانك .. ياصّبح الوجه والغي
فيك الحلا .. لكن غرورك مباريه
وحنا تفارقنا .. ولابينا شيء
ولافيه داعي .. للعتب والمشاريه
************************************************** ******************************
لا مانسيت الصوت آعرف صوتك..!
بس الغرا.ا.ا.ا.ا.به..! وييييييييين ذيك *العذوووووبه*..؟..؟..؟..؟
مافز لك قلبن تعزى بموتك..!
وأعلن عقب فرقاك للحب تووووبه..!
صدقني أجمل من كلامك سكوتك...
والصوت نبرات /%/الخياااااااانه/%/ تشوبه..!
************************************************** ******************************
مغفور ذنبك روح لا عاد اشوفك
اخطيت في حقي وانا مسامحك روح
عذري احبك وانت عذرك ظروفك
والفرق واضح بين جارح ومجروح
سليت لك قلبي وجتني سيوفك
من كل حدب وصوب تطلبني الروح
يا معزبي لا هنت اكرم ضيوفك
ما جيت لك صاحي انا جيت مذبوح
مدري صروف الوقت ولا صروفك
ولا انكتب لي انثر الدمع وانوح
مليت صفعاتك وقسوة كفوفك
ما غير اواسي دمعة الخد بمزوح
ترقص على حزني وتلعب دفوفك
واجر صوتٍٍٍ من عنى الحب مبحوح
لا تهز لي راسك وترفع كتوفك
غدر المشاعر في محياك مفضوح
ما احتاج تبريرك وكذبة حروفك
مابه عذر يشفع خطا منك يفوح
وقّف قطار الهجر لا لا يطوفك
ما عاد لك صاحب ولا عاد لي بوح
ومغفور ذنبي لو طرى لي اشوفك
ما اقدر على الثنتين من قلب او روح
************************************************** ******************************
اتمنى ما تبخلون علي برااايكم لأن بصراحة ابي من يشجعني ......
الموضوع الاصلي
من روعة الكون
آخر 10 مشاركات
13-08-2007, 04:09
العرض العادي
