غزل البنات بالغصب]

السلام عليكم ورحمة الله وبركاته
يقولون فيه محشش دق على ناس قال وين إسماعيل ؟؟
قالوا له الرقم غلط !!
قال طيب ليش تردون .!

الآن وبعد هذه المقدمه المُرهقه
ندخل صلب الموضوع

موضوعي عن ظاهره يقولون أنها فنيه .!
كانت من قبل غريبه وأشوفها اليوم ماصارت غريبه أبد .!
ظاهره في السابق كانوا الشباب مسيطرين عليها بس هلآ أنقلب الوضع ..!
البنات غلبوا التماسيح فيها . !

اللي هي ظاهره .. الغزل البناتي الفضائي

أقصد أن البنت تتصل على أحدى القنوات الفضائيه الفنيه وتغازل عيني عينك . !
سواء كان المقصود بالمغازله المذيع اللي قدامها أو أي شخص آخر .. طبعاً هذا كله تحت إطار الفن .!
يعني تجلس تتدلع ساعه , والسالفه إنها بتهدي إغنيه لحبيبها .. أو للمذيع اللي عاجبها . !

زمان قبل كم سنه كانوا الشباب السعوديين مسيطرين على البرامج المباشره
يعني مايمديك إلا واحد ماسك السماعه ويدق على برنامج ويقول : ممكن إغنيه طلال مداح . !
كانوا الشباب السعوديين آخذين السالفه هبال × هبال
وكانوا المذيعات إذا جاهم إتصال من السعوديه يجلسون يتبلعون أرياقهم من الخوف
لأنهم أخذوا فكره عن السعودي إنه مادق إلا بـيستهبل

عشان كذا راح أستعرض وبشكل سريع بعض من التاريخ الفضائي ( للشباب / البنات ) السعوديين

وكان من أكبر ضحايا الـ سعوديين

أختنا بالله .. رولا بــهنام

وبرنامجها الشــهير ( رولا ع الهوا )
وأراهن إذا ماكان 90% من الشباب السعودي أتصلوا عليها وهبلوا فيها
هذي الإنسانه كانت من أكبر ضحايا البث المباشر .. !
أتذكر مره واحد أتصل عليها وقال لها عندي قصيده كاتبها فيك
عاد هي ماصدقت على الله و قالت له تفضل ..
هي قال له تفضل من هنا وهو قام ينوح من هنا قام يخربط خربطه ويقول شعر
والخبله مصدقه إنه يمدحها .. وهو أصلاً ماقال ولا كلمة مدح فيها
وفيه مره ثانيه وحده أتصلت عليها وقالت لها عندي لك قصيده ..
وأستلمتها بأول بيت وقالت : يارولا يا أم العصاقيل ورولا وجا كذا ------> :17:

هذي الورده عباره عن ورده إعتذار أهديها لك
نيابه عن كل الشباب الماصلين اللي أستخفوا دمهم عليك

الضحــيه الثانيه هي .. ليليــان اندراوس < يمكن قديمه المذيعه هذي بس ياكثر ماتعرضت للإستهبال الفضائي

كانت على الــ art على أيام البث ماكان يجي من روما .. مشكلتها الوحيده بحركتها الخنفشاريه اللي كانت تسويها .!
كانت كل مايتصل أحد تقول له .. حلويــن .. طيــبين .. بنحبكم
طبــعاً كثير من الشباب السعودي كان دايخ على حركتها هذي من أكبرهم إلى أصغرهم
وأتذكر من سنين مضت أغلب الشباب يمشون وحاطين أياديهم على خدودهم
وكل واحد يمشي و يقول للثاني حلوين طيبين بنحبكم
وطبعاً كلهم نصابين بس يقلدون ليليان ولا ماأحد يواطن الثاني .! ماعلينا

وكانت تجيها إتصالات بالهبل حتى إن البعض منهم يتجاوز كثيراً وتصدر منه ألفاظ وكلمات ساقطه تدل على تربيته .........
والغريب كانت تستقبل إتصالات من بعض السعوديين أعمارهم فوووق الأربعين < حتى الشيبان يتصلون

ليليان

هذي ورده إعتذار أهديها لك نيابه عن شيبان السعوديه كلهم

يمكن رولا و ليليان نموذج غبي تقريباً للمذيعات اللبنانيات .. !
اللي كانوا الشباب السعوديين مهبلين فيهم قبل كم سنه
بس الحين نشوف وش صاير هاليومين .!

الحين الوضع إنقلب تماماً
صار قليل تسمع إتصالات من شباب يستهبلون على مذيعه ويستخفون دمهم عليها
الحين صاروا البنات يتصلون على المذيعين ويغازلونهم قدام الملايين من المشاهدين
اللي تتصل على المذيع الفلاني وتقول لهم أحبك مووووووت
واللي تتصل على المذيع الآخر وتقول له أنت ليه ماتفكر تتزوج .. أنا أبي أتزوجك طيب .!

وهذي بعض البرامج الفنيه التي تشهد إنحطاط بعض الفتيات السعوديات المتصلات

روتانا كافيه

طبعاً ماأقدر أحصي لكم أسماء السعوديات اللي مسويات فيها صديقات للبرنامج .!
فيه فقره بالبرنامج ياخذون فيها إتصالات المشاهدين . وطبعاً الاتصالات تأتي من كل العالم العربي
بس كل المكالمات كوم والسعوديات اللي يتصلن كوم ثاني .! < شي يفشل صح
يعني الواحد يسأل ويقول .. وين أهلها عنها هذي عليهم أسلوب < مدري شسمه ! ناس فاهمه الدلع غلط
أتذكر مره أتصلت وحده قالت أعطوني نيكولا اللي هو مقدم البرنامج بتصل فيه قبل لاأموت
رد عليها نيكولا وقال بعيد الشر بعيد الشر
قالت له نيكولااااا أنا أحبببببك . وقال لها وأنا بحبك أكتر وأكتر
قال لها : أنتي بتـحضـري البرنامج مع مين من أهلك ( يعني من فيه من أهلك يتابع البرنامج معك )
قالت : لااااا أهلي كلهم طلعواا وأنا رفضت أطلع عشان أبي أكلمك < ياااعيني

هذا نموذج بسيط بسيط جداً لنوعيات البنات اللي يتصلون على هالبرنامج بالذات
لأن السعوديات اللي يتصلون على هالبرنامج بالملايييييييين .!

وبكل صراحه البرنامج هذا حطم الرقم القياسي بمصالة بنات السعوديه وقلة أدبهن
ياليت هالبنات عندهم دم ويحــسون بأنهم صاروا مسخره عند اللي يسوى واللي مايسوى
أنا اشوف البنات ماخذين المسأله حياة أو موت
يعني ياتكلم نيكولا ولا بيصير فيها شي .!

.

سعود الدوسري

سعود شاب سعودي وسيم يقدر الحياة الزوجيه طبعاً مدري ليه البنات دايخين عليه
سعود الدوسري الحين ترك البرامج المسجله اللي كان يقدمها مثل ( حنين ) وغيرها
وصار له تقريباً سنتين يقدم برنامج من الرياض .
طبعاً البنات أول ماشافوا سعود يقدم البرنامج على الهوا مباشره ماأستوعبوا
وصاروا يتصلون ويسولفون مع المذيع ويتركون موضوع البرنامج الأساسي
يعني أغلب البنات اللي يتصلون يقولون سعوط .. سعووط << يقالك من زود الدلع
بليز ســعوط ممكن اسألك سؤال شخصي ..!
طبعاً مايمديكم الا سعود يطمر ويقول لو سمحتي ياأختي بعد الحلقه .. بعد الحلقه
وبعض الأحيان يقول راح نحولك على الكنترول وأسألي اللي تبين < وجه يبي الفكه من هالبنات بأي طريقه

.

نأتي لـ قناة مرسال هذي من أكبر القنوات الفنيه التي تدعوا للمصاله وقلة الحياء
قناة مســجات SMS فيها خاصيه انك تقدر تسجل صوتك وترسله عبر الرسائل الصوتيه
طبعا 99.9999% من اللي يرسلون لهالقناة هم سعوديين وسعوديات .!
يجي الواحد يرسل مسج صوتي ويقول فيه يافلانه ( طبعاً تكون مسجله معهم بالشات )
ويقولها يافلانه أحبك موووت
بعدين هي ماتصدق و ترسل مسج صوتي وتقول له أنا أموت عليك يافلان .!
طيب إذا أنتم تحبون بعض فارقوا حبوا بعض بعيد عن التلفزيون مو تعلمونا بحبكم يعني وش راح نسوي لكم .!

الزبده
أبيكم تشاركوني لمعرفة السبب اللي خلى القنوات الفنيه الجديده تستغل البنات بالطريقه الغبيه هذي
مثل ماكانوا يستغلون الشباب سابقاً
ليه البنات صاروا ( أستغفر الله ) مايستحون .!
ماأبي احد يقول هذي مراهقه .. وفتره وتعدي ..!
يعني هل الفن مبــرر للأشياء المنحــطه اللي تصير !!

يعني ..أنتم مستوعبين وين وصلنا
كل قلة الأدب هذي تصاغ بأسم الفن وقنوات الفن .!

وأهم شي أبي اسأل هالبنات ماعندكم أخوان جالسين بالملحق

الموضوع الاصلي  من روعة الكون