حوار بين رجل وزوجتة ......

حوار زوج مع زوجته

هو:
بدي اطلب بيتزا .. بدك شي؟"

هي:
"لا."

هو:
"اوكي."

هي:
"و لا اقولك ..؟"

هو:
"ها . بدك اطلب لك كمان؟"

هي:
"مش عارفة."

هو:
"مش عارفة اذا بدك شي؟"

هي:
"لا."

هو:
"انتي جوعانة؟"

هي:
"يعني ."

هو:
"شو يعني يعني...؟"

هي:
"يعني معناها مش متأكدة اذا كنت جوعانة
او لا."

هو:
"الواحد لما يكون جوعان بيعرف"

! هي:
"مهو يمكن اجوع بعدين"

هو:
"معناها اطلب لك بيتزا."

هي:
! "طيب و اذا ما كنت جوعانه وقتها..؟"

هو :
"ما تاكلي."

هي:
"بس هيك بيكون تبذير"

هو:
"طيب . بتاكليها بكرة."

هي:
"و اذا ما كان الي نفس آكل بيتزا بكرة؟"

هو:
"هاي
ما بدها نفس .. الواحد بيقدر ياكل البيتزا
كل يوم "

هي:
"انا لا .. ما باكل بيتزا الا لما يكون
عندي نفس ل! لبيتزا."

هو:
"معناها بطلب لك شي تاني"

هي:
"بس انا ما بدي اشي تاني"

هو:
"يعني بدك بيتزا؟."

هي:
"لا."

هو:
"يعني ما بدك اشي
هي:
"امبلى."

هو:
"جننتنيي شو بدك؟"

هي:
"اطلب انت لحالك.."

هو:
"اخيرا .. ماشي.."

هي:
"بس اطلب بيتزا بالتونا"

هو:
"بس انا ما بحب التونا."

هي:
"بس انا بحبها."

هو:
"هو انا بدي اطلب الي و لا الك...؟!"

هي:
"الك طبعا
هو:
"طيب و ليش بالتونا...؟"

هي:
"يمكن اجوع لما يوصل الاكل"

هو:
"و شو يعني؟"

هي:
"بالله؟ شو يعني فكرك آكل شي ما بيعجبني؟"

هو:
"ليش هو انتي بدك تاكلي؟"

هي:
"ليش لا ؟"

هو:
" يا مثبت العقل و الدين .. هسه انا لازم
اطلب بيتزا الي , عشان انتي
تاكليها اذا كنتي جوعانه؟؟"

هي:
"بالضبط."

هو:
"و انا شو بدي
آكل؟"

هي:
"مهو يمكن ما أكون جوعانة..."


ه

الموضوع الاصلي  من روعة الكون