قصيدة يوسف العصيمي ((ملك شعراء شاعر المليون ))

سـلام عليـكم

اليـوم نقلت لكم قصيـدة ملك الشعراء
شاعر المليون يوسف العصيمـي


مادام موقفنـا خطيـر وحامـي
ماعاد فيها غير اشـد حزامـي

ماعـاد فيـهـا ودي ولا ودي
الموت خلفـي والبحـر قدامـي

الله يجملنـي واجمـل ربـعـي
من قبل تدفن بالتراب عظامـي

والا القصيـده مانـي مغنيهـا
ان كان ماتروي فواد الضامـي

ادور الابـيــات واجـنـدهـا
تجنيدآ الزامي وغيـر الزامـي

وان صاحت اوراقي صياح الحره
وقفت مواقيف الرجـال اقلامـي

شاعر كثر ماانـا مميـز جـدآ
ويسابق الهام العقـول الهامـي

مرات احس ان القلـم مايكتـب
الا مـع سبابـتـي وابهـامـي

وياصاحبي ياللي ملامح وجهـك
تشبه قصايـد بنـدر القسامـي

ياكثـر ماخليتـنـي لعيـونـك
مركوز مابين الهدف والرامـي

واليوم يوم انك تـدور غيـري
ماعاد تفرق لو مسحت ارقامـي

البارحه مريت لـك بضلوعـي
ولا لقيـت الاغـبـار ايـامـي

وابيات لي مبطي وانـا ادورهـا
ماهيـب لاتعـرض ولاتنسامـي

مانـي بعارضهـا ولا قايلـهـا
الا على البحر الغزيـر الطامـي

شيخآ لو اني مامدحـت فعولـه
شككت في قوميتـي واسلامـي

شبيه زايـد ياعريـب المجنـا
ياعنك من يزبنـك ماينضامـي

ياللي وسع صدرك وطيبة قلبـك
تميـزك عـن باقـي الحكامـي

ياقدوة الشعـب الخليجـي كلـه
لو حار فيك الشعـر ماينلامـي

عليك يـاروح القصايـد منـي
سلام ياراعي المقـام السامـي

الموضوع الاصلي  من روعة الكون