ســـــــــــلامــــــــات يا يـــــــــمـــــــه

زيــــــــــد · #1 (**permalink**) 16-08-2007, 09:24

قصيدتي تعبر عن مكانة الام ... قرأتها واعجبتني وحبيت انقلها لكم .

سلامات ...يا قلبٍ وسع في مداه الكون = على الطيب نبضه والمحبه شرايينه
سلامات ... يا قلبٍ على نبضته يحييون= حبايب ملا الدنيا عليهم ... ومالينه
سلامات ... يا قلب امي الطاهر المصيون= عسى الله يمتعنا بنبضه وبسنينه
سلامات ... جعل اللي مضى عند من يرجون= طهورٍ وصبرك عند مولاك تلقينه
لو أن أكبر عيوبك اليا قاموا يصلون= سجدتي ودمعك من خشوعك تهلينه
مضى العمر ...سجادة صلاة... ودموع عيون= لسانك بذكر الله وربك تخافينه
من الله خلقك الشجره اللي ثمر وغصون= تحت ظلها عشنا على الحب تعطينه
من الله خلقك وكل ما فيك طبع مزون = قليلٍ بحقك حبنا اللي تشوفينه
قليلٍ ولكن نطلب من الكريم العون= عسى الله يقدرنا لبعضه وترضينه
لو نبيع كل اعمارنا ما نسد ديون=حقوقك علينا أكبر من اللي مسوينه
سلامات يا يمه مشاعر ولو هي دون=فداك القصيد وشاعرك لا تلومينه
وما دام ان راسك حي كل العلوم تهون=بك العمر يا زينه...بك البيت يا زينه

الموضوع الاصلي من روعة الكون