السلام عليكم
مساء الخير
حبيت اضع هذي القصيده للشاعر حمدان المري
أستـاذنـك بسـافـر أيــام واجـيــك =
وان طالـت ايـام السـفـر لا تحـاتـي =
حتـى و لـو طولـت مانـي مخلـيـك =
ياللـي بدونـك ويـش تـسـوا حيـاتـي =
تامـر علـى حاجـه؟؟ باودعـك واليـك =
عسـى عـوض الأيـام فـي المقبلاتِـي =
حتـى يـدي مـا ودهـا تفـارق يـديـك =
ساكت وانا اشـوف البـلا فـي سكاتـي =
ما شفتني لا رحـت منـك التفـت فيـك =
بــلاي والله روحـتــي والتـفـاتـي =
لكـن قبـل مــا اروح ودي أوصـيـك=
وانـت الوحيـد اللـي يقـدر وصـاتـي =
لاحدٍ سألـك و قـال لـك ويـن مغليـك =
قـل لـه لــوازم لا قضـاهـا بيـاتـي =
و أن طـروا النسيـان مانـي بناسـيـك =
يـا راس مالـي فـي الحيـاة وغنـاتـي =
و ان طـروا السلـوان مانـي بسالـيـك =
طيفك معـي حتـى وانـا فـي صلاتـي =
قلبـي وهـو قلبـي إذا مــر طـاريـك =
لـولا ضلوعـي كـان عـزوا ممـاتـي =
لو جـض صـدري كـان يمديـه ياتيـك =
و يـبـات عـنـدك ويهـنـا بالمبـاتـي =
أنا .. و قلبي .. و الغلا .. ساكـنٍ فيـك =
و انته .. و قلبك .. و الغلا .. وسط ذاتي =
غـلاك مثـل الحكـم عـنـد الممالـيـك =
أكبـر طموحـي .. لا .. كـل أمنياتـي =
شـف فـي غيابـي أي حاجـه تسلـيـك =
لأنـي بعـدك أسلـى مــع ذكريـاتـي =
أحــاول اذكــر أي شــيٍ يطـريـك =
واقـول هـو سـوى وانـا ذي سواتـي =
كنـي مـوادع كــل شــيٍ حوالـيـك =
أحب لأنـي مـا اقـدر انسـاك و أبيـك =
معنى أحب .. و ما اقدر أنسى .. و أخليك =
الموضوع الاصلي
من روعة الكون
آخر 10 مشاركات
18-08-2007, 01:11
أستاذنك بسافر أيام واجيك
العرض العادي
