يالبّ قلبي

لوا هنـيّ اصْغيّـرٍ شـدّ اياديـك
ثمّ ارتقـى للخـدّ وارْوى شفاكـا
شمّ النّفس واصبح (بماما ) يناديك
وياكبر حظّ الورْع يـوم ارتواكـا
يالبّ قلبي جعـل ربـي يخلّيـك
وياحلوها لحظـه سعـدت بلقاكـا
تدري بحالي بعد غيبة مواريـك؟
كني سجيـنٍ مالقـا لـه فكاكـا
الحزن سجّان المولّـع بطاريـك
وهمومـي ثيابـي بفقـدي لماكـا
ودموعي بليل ونهـاري تناجيـك
عجّـل عليّـا لايطـوّل بطاكـا
مابه سواك ولا به اليـوم تشكيـك
عـزّ الله انّـك للعقايـد فكـاكـا
تعال جاوبني عسى الرّب يحميـك
قل جيت لعيونـك وريّـة ظماكـا
قلْها عباره واسْعد اللي ولعْ فيـك
(انا لك وربي ولالـي سواكـا )
(وانا اللي برب السموات شاريك )
(وانا اللي من القلب حبّ وهواكا )
اي والله اني لو حكتهـا اشافيـك
لاسوق شمّر واطلبك مـن اباكـا
واحرّم لغيرك وانـوّخ باراضيـك
واسْجدْ لربي يـوم طلْـت ليداكـا

الموضوع الاصلي  من روعة الكون