(( ســــر العيـــــــــــون )) .... فلسفــــة خاصــــــه

أردت في يوم أن أفسر ظاهره ... غريبه ... أردت أن أكون عالمة

عصري أذهلتني العين عندما تتكلم بكثير الكلام في ثواني ... بينما

اللسان يعجز عن مجاراتها ..

فسخرت من بور وقلت من هو نيوتن

كيف لم يوجدو تفسيرا لما ارى

فستنجدت بفكري لإشباع غروري ... فكانت هذه القصيده نتيجة أبحاثي.....






أذهلتني كلمة العين فـي صمـت وسكـون
وكيف تسرد لي سوالف في دقايق موجـزه


قلت افكر بالمسائل حتى اطـراف الجنـون
وعذري تفاحـة نيوتـن دلتـه للمعجـزه


قال فكري ابتدي مـن تواصيـف النيـون
يشبه إشعاعات عينه ومـن ذاتـه ينجـزه


قلت لا لا ثم لا لا صعـب لايمكـن يكـون
مستحيل الجوهره تشبـه تفاصيـل خـرزه


النيون له شعاع(ن) ينـزل بكـل العيـون
وهذا من عينه شعاع(ن) وسط عيني يغرزه


قال طيب كـل علـم لـه تعاليـم وفنـون
وكل قـادر لـه قـدره قـدرة الله تعجـزه


اول استفهام قولي.. ماهوا سر العيـون؟؟
وافرضي أول فروضك لنجـذاب المعجـزه


وشبهي لي إنجذاب(ن) كان لايمكن يكـون
وقربي أقرب قريب.. لـو قرابـة لزلـزه



قلت أشبّـه أنجذابـه بالنـوى للإكتـرون
في المدارات القريبـه والمسافـه موجـزه


قـال والله ماحزرتـي وابتعدتـي يافتـون
خانـك التفكيـر والله واخذلتـك الاجهـزه


مستحيـل أثنينهـم بالسعـاده يلتـقـون
ولو يقـرب لكتـرون اندثـاره لـه جـزا


نبي تفسير السعـاده والجماعـه يهتنـون
ويلنا يكفـي عـذاب(ن) بالحنايـا نكنـزه


قلت طيب ياعظيم الشان قلـي وش يكـون
الشعاع اللي يعجزّنـي ولا أقـدر أعجـزه


الشعاع اللي تحـدى زاهيـات الزيزفـون
ويتملّـك عطرهـا ولـه وحـده يحجـزه


دلني دليت دربك ... لا تبارينـي الظنـون
وكـل تفسيـرا يعوقـك حلله ثـم افـرزه


قال: تفسيره جنون(ن) لو نفسره بجنـون
وإنجذابه وإنسكابه صعـب مثلـي يرمـزه


أنا نفسي لا صدفته أسكن أطراف السكون
كننـي قطعـة قمـاش بالغبـاء مـطـرزه


ما هقيت ان المشاعر بالنواظـر يملكـون
ولا هقيت ان السوالف بالنواظـر موجـزه


.
.
.

الموضوع الاصلي  من روعة الكون