(( الحب مفتاح السعادة )) قصه اتمنى منكم قرائتها والرد عليها

السلام عليكم
عندي قصة واتمنى انها تعجبكم
وياليت تتغاضون عن بعض الاخطاء الاملائية
واتمنى لكم قراءة ممتعه
ونبدا ونبدأ باسم الله
بسم الله الرحمن الرحيم
القصة :

--------------------------------
في بيت أبو سامي الساعة 6 المغرب
--------------------------------
أبو سامي: يلا يا سمر بنتاخر على العرس
(محمد بن خالد الـ... , أكبر واحد في إخوانه, أرمل, هو اللي ربا عياله بروحه, والمسئول عن الحلال (( الشركة )), وأطيب واحد فيهم )
سمر: ان شااااء الله يبه ... الحين بخلص
( بنت محمد, مالها في البيت إلا أخوها سامي, عمرها 17 )
أبو سامي : أنا انتظرج في السيارة ... لا تصيفين
سمر: وسامي وينه يبه ؟
( سامي بن محمد بن خالد.. , يوزن الأمور بالعقل , اكبر من سنه , كبير الشباب بعد منصور , طيب مع الكل , وعمره 26 , يشتغل مع أبوه في الشركة )
أبو سامي : سبقنا ما أدري وش بلاه مستعيل اللي يشوفه يقول عرسه مو عرس خويه مبارك
( مبارك نايف الـ .., خوي سامي الروح بالروح من أيام الابتدائي , ويشتغلون سويه بالشركة لان مبارك اشطر من سامي بالشغل , واشتغل بعد إلحاح طويل من أبو سامي , في عمر سامي ) .
سمر : ... يلا أنا جهزت .. وش رأيك باباتي << خذت فره على عمرها
أبو سامي : فديتج .. اقري على عمرج لا تننظلين ..ولا يمكن يخطبونج اليوم
سمر: لا ما أبي أبي اقعد عندك يا أحلى بابا بهالدنيا
أبو سامي : الحين تبين نقعدين لكن اذا ياج نصيبج ما راح تشوفيني الا في الاسبوع مرة , يلا صيفنا
سمر : يلا يبه
--------------------------------
في بيت أبو سعيد الساعة 6.30 المغرب
--------------------------------
ابو سعيد : منال
( يوسف بن خالد الـ.. , أصغر من ابو سامي , متقاعد ,
يعتبرونه واسطة العايلة , لانه يتوسط للكل , أكثر واحد مقرب من أخوانه لأمه فاطمة )
( منال بنت أبو سعيد , دلوعه سعيد أخوها , اكبر وحدة في أخواتها , تشتغل في أحد البنوك , عمرها 25 )
منال : هلا . ابوي ناديتني ؟
ابو سعيد : ايه .. نادي خواتج خليهم يجهزون الحين عمج أبو سامي بيي ياخذج أنتي وخواتج
منال : يبه ما ابي .. سعيد وعدني انه يوديني مكان خاص
<< وفجأة خشت عليهم ريم ( ريم بنت أبو سعيد , خبله العايلة ,صايرة بوي ، على عكس أختها هنوف , اللي هي توأمها بس ما يتشابهون مرة , عمرهم 17 في عمر سمر ) : وين ؟؟؟ سمعت مكان خاص صح ولا لأ ؟ وين ؟ اعترفي
أبو سعيد : بسم الله الرحمن الرحيم ... من وين طلعتي ؟
منال : مو شغلج يا البزر يلا برا
ريم : وخروا عنها الشايبه
<< يحبون يتهاوشون خخخخخخخخخخخخخخ
سناء ( أم سعيد , بنت خال ابو سعيد , تحب بناتها موت , ما تفرق بينهم , الا في بعض الحالات الخاصه مثل ريم ) : ريمو عن الشيطانه ويلا روحي لبنت عمج نوف
<< نزلت نوف ( نوف بنت عمهم عبدالرحمن دلوعة العايلة , لانها كانت دلوعة جدهم فدلعوها , قمر العايلة , شوي صايرة خبلة من ريم , لانهم جيران مو زي ابوسامي بعيد عنهم , في عمر سمر و ريم واختها هنوف , شلة المجانين خخخخخخخخخ)
أول ما انزلت قامت ريم تصفر وتصفق
وقعدت ام سعيد تهاوشها على الحركة , ومنال تضحك عليها
نوف : معليش خالتي , سامحيها .. على شاني , بس باقي الحين ريم لحالها ولا انا وهنوف خلصنا , نستنى الخفس هذي تخلص
ريم : سكتي لا الحين أجي العن خامس خامسج
نوف: ما تقدرين , في عمي يويو(ابو سعيد يدلونعه يويو << امحق عم ) ما يخليج
ابو سعيد: صادقه بنت أخوي , ان لمستي شعره منها , ما في شاليه الاسبوع الياي <<واعدهم على اسبوع في شاليم في شاطئ نصف القمر
منال : نوفو والله خطيرة انتي
نوف : ايه افا عليج انا نونو بنت عبدالرحمن بن خالد الـ ..
ريم : انا اوريج يا بنت الذين آمنوا , خلنا نرجع من العرس وان ما طلعت ريحتج انا وسمر ما اكون بنت يوسف
الكل قعد يضحك عليها لانها مشت بطريقة تبين أنها مفولللة
دق الجرس وكان ابو سامي مع سمر
بعد السلام وكل شي
ابوسعيد : هااا سمر اشوفج ما طلعتي فوق
منال : مستحيه يبه .. خلني أوديها
قربت منال من سمر وقالت لها : حبيب القلب مب هني لا تخافين سعيد طلع مع اخوج
سمر : انا اصلا ما استحيت منه انا كذا طبعي << فلااااااااااااااااعه
منال :ه .. لا تخافين ... يلا مشينا
وقعدوا أبوسعيد وأبو سامي ينتظرون أبوخالد
( ابو خالد , عبد الرحمن بن خالد الـ .., جد لحفيدين أولاد خالد , متقاعد مع ابو سعيد , أكثر واحد معطي البنات وجه )
دق تلفون ابو سعيد وكان المتصل سعيد ( سعيد بن يوسف بن خالد الـ.., عمره ٢3, يشتغل في الشركة , بس في قسم المحاسبه لانه من النوع اللي يحب الارقام , حاط عينه على سمر . ويحبها مووووووووووووت , و شوي عصبي , وراعي فزعة )
رد ابو سعيد عليه : هلا سعيد
سعيد : هلا يبه ... أخبارك ؟
ابو سعيد : بخير ... انت وينك ؟
سعيد: انا الحين في المطبخ اودي صحون العشا للصالة وبعد شوي رايح اجيب اخوياي العرس وبعدين بجي اخذ أمي و منال
ابو سعيد : خلاص بس لا تنسى اختك بتقعد مع أمك لحالهم لان عمك ابوخالد الحين ياي مع خالد و عبدالرحمن الصغير (خالد بن عبدالرحمن , متزوج وعمره 31سنة , عبدالرحمن ولد خالد, عمره 6 سنوات , يشبه جده عبدالرحمن 90% , ويحب جدة موووت )
سعيد : خلاص بس الحين خلصت من الصحون والحين ماشي الصاله ... يلا مع السلامة
ابو سعيد : مع السلامة
دخلت عليهم شلة المجانين تحت رئاسة ريم علشان يسلمون على عمامهم وقعدوا يستعرضون جمالهم لانهم كاشخين حدهم
ريم : وش رايك عمي عبدالرحمن ؟ مو احلى قمر ؟
ابو خالد : ماشاء الله عليج صدق من قال بنت يوسف
نوف : لا والله , وانا عمي حلوة ولا لأ ؟
ابوخالد : انتي ما يحتاج انتي بدون سؤال بدر ما شالله عليج
منال : يلا هنوف رزي ويهج وقولي وش رايك عمي علشان ساعتها تكمل افعالكم يالميانين
هنوف وهي لافه ايد ابوها عليها : والله حبيبتي انا مو زيهم شاكه في جمالي , انا ابوي مرايتي مدامي بنت يويو اكيييد انا احلى البنات
ابوسعيد وهو متشقق : أي والله قوليلهم انتي حلوة لانج بنت يوسف بن خالد
ابو خالد :يوسف وش بلاك , انا ان طالعت اليمين ( يقصد منال وريم ونوف ) شفت الجمال والدلع , وان شفت اليسار (سمر و هنوف) شفت العقل والدلال
الكل رضى وقعدوا يضحكون على شكل سمر لما ابو سعيد قال :ايه وانا اشهد , وخصوصا سمر
قاطع ضحكهم صوت الجرس وكان ابوخالد وخالد وعبدالرحمن الصغير وامه ( أشواق بنت عمة خالد , زوجة خالد من 7 سنين وعندها عبدالرحمن و فاطمة الصغيرة ,اللي عمرها 4 سنين , وشيطانه ولسانها مو لسان وحدة في عمرها اللي يسمعها يقول هذي في 18 )
ابوسعيد : هلا والله بخوي .. هلا والله بابو عبد الرحمن
ابوخالد وخالد سويه : هلا فيك
ابو سامي : يلا مشينا الساعه كملت 7 وزيادة
ابوسعيد : ايه والله صادق وايد صيفنا على الرياييل , خلاص انا باخذ معي مرتي و ريم وهنوف
ابو سامي : وانا باخذ معي سمر
ابو عبدالرحمن : وانا باخذ مرتي وفاطمة وعبدالرحمن
ابو خالد : ايه وانا بعد باخذ نوف ومشاري و بدر وعبدالله وسها
(مشاري و بدر , عيال عمة سعيد و الشلة , عمرهم 14 سنة , مسوين شلللله اسمها وسع صدرك , وهم اولاد العمة الوحيدة سارة , اللي هي متزوجه اخو سناء ولد خالها سلمان , وزوجها بعيد عن العايلة شوي )
(عبدالله عبدالرحمن بن خالد الـ.., اخو نوف الصغير واصغر واحد فبيتهم , عمره 14 , لكن اللي يتكلم معه يحس انه رجال فاهم )
(سها بنت يوسف خالد الـ.. , صايرة ولد من قلب لانها دوم مع مشاري وبدر وعبدالله , وصايرة مخفه الشلة , لانها طيبة شوي , بس اللي يشوفها على طول يحبها لانها تضحكه عليها غصب , وهي في عمر عبدالله وبدر ومشاري )
وراحوا العرس طبعا منال وامها ينتظرون سعيد يمر عليهم
وجاهم سعيد ووداهم
وصلوا ابو سامي وابو سعيد وابوخالد وخالد وبعدهم بفترة لحقهم سعيد
--------------------------------
في صالة العرس 7.45
--------------------------------
ابو سعيد : هااه سعيد وين بومنصور (بو منصور , فهد بن خالد الـ.. , اصغر واحد في أخوانه , وكان اقربهم لابوه – الله يرحمه – واقربهم للشباب متزوج ببنت خالته هدى , وعنده منصور وسعود )
سعيد : الحين اناديهم يبه
ابو عبدالرحمن : ايي وياك ؟ ترا مبارك عزيز وغالي وودي افزع له فعرسه زي ما ودي افزع لك ان شاء الله
سعيد : مشكوووور يالله
راح سعيد مع خالد جهة المطبخ
--------------------------------
في المطبخ
--------------------------------

سعيد وبصوت عالي شوي : عاشوا يلا جلجي بابا يلا سرعه سرعه
الكل ضحك على شكل سعيد لانه مبين انه متحمس من خاطر
سامي : يا ريال وين قاعد انت ؟ شايفنا هنود يدك ؟ اركد , هلا ببوعبدالرحمن
سلم عليه وواي ووداهم عند الشباب الباقيين لانه كان يشرف على الطاولات بس
اما الشباب فقاعدين يجهزون البوفيه للحريم داخل
بعد ما وصلوا عند البوفيه كان صوت الاغاني واصل عند البوفيه
ولما دخل سعيد دخل على اغنيه ( ولي لي – لعبدالله بالخير )
قام يرقص ويردد مع الاغنيه
قاله سعود ( سعود بن فهد بن خالد الـ.. , أكثر الشباب صياعه , واكثر حساسيه , بس مثل ابوه وقت الشدايد تحصل في قدامك , وهو الوحيد من عيال عمه اللي ما يشتغل في الشركة ويشتغل مع خويه أحمد في الخطوط الجويه الـسعودية طيار , عمره بعمر سعيد واقرب واحد لسيف هو )
سعود : هاااه ... ايوا .. يمين .. يسار ... عاشوووووووووو ... اسللللللللللللللللللللللللللللللللللم
خالد : اييييييييييييه , وين قاعدين , العقل يا شباب , سيف قولي انه مو قاعد يسوي كذا من قبل ما نيي
(سيف بن عبدالرحمن بن خالد الـ.. , نسخة من شخصيه سامي ولد عمه , لانه معجب بشخصيته فصار زيه يفكر بعقل بس اذا قعد مع سعود يصير كوبي منه{خبل} , وعمره بعمر سعود وسعيد )
سيف : لا والله يا بوعبدالحمن هو شاف الخبل – يقصد سعيد- وقلب علينا
سعيد : افااااااااااااا , انا خبل ايا الهيس , دواك عندي
ابو مبارك : السلام عليكم
الكل : وعليكم السلام والرحمة
ابو مبارك : جزاكم الله خير , والله عرف مبارك يختار ربعه والنعم فيكم والله , مردودة لكم ان شاء الله
خالد : يا عمي مبارك اخونا زي ماهو ولدك واذا ما حطيناه فعيوننا اليوم متى بنحطه , انت اهم شي روح استريح وتجهز لان بعد شوي بتدخل انت مع مبارك
سعيد : الا عمي وين مبارك ؟
سامي : يتجهز
سعود: يتجهز نفسيا ؟؟؟
الكل ضحك لان شكل سعود كأنه بريىءءءءءءءءءءءءءءءءءءء
سعود : عمي وين ناصر ؟
ابو مبارك : في الصالة يقوم بالرياييل
سعود : مشكور عمي على هذي اللقظة الطيفة
الكل :
ابو مبارك : الله يقطع سوالفكم والله ما تنشبع يلا انا الحين بروح اسلم على الرياييل وبعدين بدخل وياه
خالد : مبروك
ابو مبارك : الله يبارك فيك و عقبال عبدالرحمن
خالد : ان شاء الله
سعود : عمي مبروك عليك عرس مبارك مباركة ما تنقص بركتها
سيف : بلللللللللللللللللللل , كل هذا مباركة
الكل ضحك ورجع لشغله
خالد : اقول سعود وين أخوك منصور
(منصور فهد خالد الـ.. , كبير الشباب , خاطب منال بس مب رسمي , اكثر واحد مقرب من خالد , عمره 26 , يشتغل مع عمه ابو سامي في الشركة بنفس القسم )
سعود : تلاقيه في الصاله يالس مع ربعه يسولف واحنا نكرف
سامي : بلا فلع توه مشى لان ربعه وصلوا البارح من امريكا من بعثتهم
سيف : صادووووووووووووووه
خالد : الله يهديك حتى اخوك ما سلم منك ه
سعود : ياخي انا دمي خفيف شسوي فيه
سامي : بلعه واشتغل وعن الهذره
سعود : ان شاء الله عمي
--------------------------------
نروح للبنات في العرس جهة الحريم
--------------------------------
ريم : طالعوا سهوو شلون تمشي شوي وتكسر الكعب
هنوف : خليها حرام عليج
سمر : انتوا ايه عقلوا انتوا وين قاعدين ؟
ريم وهنوف : في العرس
اللي كانوا قاعدين على الطاولة كلهم ضحكوا على هنوف وريم
منال جاتهم لانها راحت تسلم على العروس
منال : هاااهع وش اللي فاتني ؟
سمر : فاتج التوأم نطق مرة وحدة
منال : أكييد على هباله
سمر : معرررووووف
سها : انتوا ليش تطالعون فيني وتضحكون ؟ وشو انا نكتة ؟
ريم : لا لغز
هنوف وسمر :
منال : عقلي يا مستر بن ( توصل H ا اذا احد قالها مستر بن )
ريم : انتي عطيتج ويه يالخسف والله انا عادي عندي افلعج بالعمارة اللي بريلي عقلي ترا العقل زينة
سمر وهنوف : ه
فاطمة الصغير – فطيم - : ضحكتوا من سركم بلا , كل شي ولا ريمي حبيبتي ان زعلتوها والله يا ويلكم<< كل شي ولا ريم عندها
ريم : فديتج والله محد مريحني الا انتي
سمر : فطيم عطيني بوسه
فطيم : من زينج اعطيج تبين ييني تسمم
منال وريم وهنوف : ه
ريم : لا حرام عليج ترا هي تحبج من زمان تقولي فطيم احلى بنت في الدنيا
فطيم : خلاص طيب انا بعد احبها , تعالي ابي اعطيج بوسه كبييييييييييييييرة
سمر : لا خلاص انا زعلت وما ارضى الا اذا عطيتيني بوسة ورقصتي معاي
منال تقول للريم : شوفي المقصه بتوافق
ريم : ولا شوفي المخفه مفووووووووله
منال : سها حبيبتي ممكن طلب ؟
سها : لا
ريم : انتي عقلي لأعقلج
منال : لا بليييييييز يلا سوسو ممكن ؟
سها : هلا آمري وش تبين ؟
منال : ابي منج تيين معاي نرقص مع فطيم وسمر
ريم : نوفو تيين معانا ؟
نوف : هلا ؟ وش ناديتيني فيه ؟
ريم : نوفو , كيفي , نوفو نوفو نوفو
نوف : لو تقولينها مليون مرة ما راح اعصب بس راح ازعل منج
منال بصوت واطي : لا حوووول هذي زعلت الحين من الخبلة وانا ابيها تبات عندي اليوم
ريم : لا بس اقول كيف اراضيج ؟ يا طعم الحلا
نوف : بس خلاص بمشيها لعيونج ولا انا ما اقدر اطول بزعلي منج
ريم : يلا تراهم سبقونا خلنا نلحق على الاغنية
نوف : يلا
ورقصوا البنات بس نوف كانت اكثر وحده لفتت النظر لها لانها كانت ترقص من قلب
اما الباقي لما شافوا ما في امل يرقصون زيها وقفوا حولها وصفقولها
ولما خلصت الاغنيه قالت ريم لنوف : ياليتني ما قلت لج تعالي رقصي معانا
نوف : ليش ؟
ريم : يلعن ابو شكل ابليسج غطيتي علينا , لو انج قاعده كان شافوني انا وام ضرس –سمر-
سمر: ام ضرس في عينك , انا كم مرة قلت لج لا تقولين لي ام ضرس
ريم : امزززح , افا وانا أخت الحبايب
سمر : وششششششششش , فضحتيني الله يخسج , العالم كله درى
نوف : ترى الكل يدري ان سعيد بعد ما يخلص شغله بينقل لقسم اهدأ او يمكن يترقى ويخطبج
سمر طالعت ريم بنظرة
ريم : والله ما قلت لها ولا حرف
نوف : لا ما قالت لي بس سمعت عمي يويو يتكلم مع عمي محمد
سمر : انزين , سكتوا بس سكتوا
ريم : لا ما نبي كيفنا
هنوف : سكتوا لا اقول لسعيد عنكم
ريم : لا جا محامي الدفاع
نوف : وانتي وش دخلج
هنوف : كل شي ولا مرت سعيد أخوي
سمر استحت وصار وجها أحمر من قلب
ريم : لو سمحتي ابي 2 عصير فراوله
االكل ضحك على كلمة ريم
دخل ابو مبارك ومبارك و اخوه واخو العروسه وقعدوا شوي
البنات – طبعا تغطوا – بس لما جات الساعه 10.30 دق سعيد لـمنال وقالها يلا طلعي منال كلمت امها وعطتها خبر واطلعت

--------------------------------
في سيارة سعيد بعد العرس
--------------------------------
منال لما ركبت : السلام عليكم
سعيد : وعليكم السلام والرحمة
منال : يلا مشينا ؟
سعيد : وش رايج ناخذ سمر والميانين ؟
منال : انت تبي سمر بروحها ليش الميانين ؟
سعيد : الصراحه ايه
منال : في عيد البط , لما تتزوجون ولا حتى تملكون ساعتها اطلع وياها كل يوم
سعيد : انا سالت بس
منال : ادري
مشوا وراحوا لمحل الفيديو لان منال تبي البنات كلهم يباتون عندها – بناءً على طلب سعيد – لانه يبي منال تسال سمر عن رايها فيه لانه ما يدري عنها
راحوا المحل واخذ منال معه لانها تعرف في الافلام الرومنسيه أكثر منه
المهم اخذوا الافلام اللي يبونها وردوا على الساعه 11.45 لان طريق كان زحمه والمحل شوي بعيد
المهم ردوا
ريم : وين رحتي يالخايسه ؟
منال : الخايسه بنتج
ريم : انا بنتي أحلى من القمر وادلع من القطوة و حساسة مثل الريشه
هنوف : بلللللللللللللللللللللل هذي بنت ولا ملاك
ريم : انتي جب ولا تنظلينها
نوف : هذا وانتي للحين حتى ما انخطبتي وانتي كذا شلون لما تجيبينها من جد
منال : الحمدالله والشكر
الكل قام يضحك لان منال سوت حركة المجانين على ريم
منال : سمر نوف طلبتكم
سمر : عيوني لج
منال : تسلم عيونج
نوف هلا حبيبتي وش بغيتي
منال : بغيتكم تباتون عندنا اليوم وبكرة تطلعون وياي انا وسعيد ويمكن سعود
نوف اول ما سمعت اسم سعود شوي وتطير وقالت : وانا ابي اطلع
وياكم
منال : بتطلعين ويانا بس لا يطق لج عرج
هنوف عطت نوف بنظرة معناتها فضحتي عمرج
ريم : وانا يا الخسف بطلع ولا بتخلوني بروحي مع هنوف
منال : لا كلنا بنطلع بس على شرط
نوف : وشو بعد ؟
ريم : طرارة وتتشرط
هنوف : ه
سمر : يالطرارة !!!
منال : هييييييييييييه عقلوا
نوف : شوفوا انا لعيون هنوف بمشيها ( لان هنوف كانت لابسه عدسات نوف البنفسجيه ) << يعني لعيونها خخخخخخخخخخخ
هنوف : ترى هذي عيونج
نوف : أدري
منال : صج ميانين ما جذب سعود لما قال عنكم
ريم : انتي يلا خلصينا
منال : انزين الشرط ان تخلون سها وياكم حرام عليكم تخلونها مع بدور وشروي
ريم : هذا الشرط شوي صعب
هنوف : الا قولي ما تبينها
نوف : خلاص انا الحين اناديها ونكلمها كلنا
نادت سها , سها شوي استغربت لا العادة يستهبلون عليها لكن المرة كانت جد
اول ما جت
منال : سها حبيبتي ابيج دوم مع الميانين اقصد مع سمر وهنوف ونوف وريم
سها : انا ابي اقعد معاهم بس هم يستهبلون فيني ويخلوني اعصب
نوف : احنا ما تخليج تعصبين ولاهم يحزنون هذي ريمو اللي تخليج تعصبين على قولتج
ريم : هيييييييييييه انتي يالهبله قطيتي البلوة فراسي
سها : لو سمحتي انا اطالب باعتذار منج لي حالا
نوف : اكششششششششششششخ ... وحالا بعد
منال : هييييييييه انتي تراهي اختج اللي اكبر منج احترميها شنو اعتذار وين قاعدين
سها : على هواكم يلا باي
ريم : ضفي ويهج
نوف : انتي هيييه مستر بن خربتي علينا الطلعه باجر
ريم : انا ادري عنها قالت اعتذر لها
هنوف : انا بروح اشوفها
نوف : وانا بعد
راحوا لسها لانها بعدت عنهم
هنوف : سها حبيبتي عيب اللي سويتيه في اختج
نوف : هي صح تخليج تعصبين بس لانها تحبج
سها : وانا بعد بس ما احب احد يقلل احترامي قدام الناس
نوف : هي اذا سوت لج شي مرة ثانيه كلميها بعقل واقنعيها بوجهة نظرج
سها : قولج بتتعدل ؟
هنوف : ايه ترى العقل علامة النضوج
نوف وهي تبي تلطف الجو : وانتوا كل وحدة قد النخله
هنوف وسها :
رضت سها وراحت عند ريم وتاسفت لها بس ريم ساعتها حست انها غلطت على دلوعه ابوها واختها وتاسفت هي الثانيه بعد
نوف : مين المفروض يتاسف الحين
ريم : انتي مو شغلج
هنوف وهي تقول لـنوف بصوت واطي : يلا وش عليج ضمنتي شوفت الغالي – سعود - << تحب تقوله الغالي
منال : انتوا وش تهذرون ؟
نوف : لو سمحتي هذي خصوصيات
ريم : يعني خاصه ؟
الكل ضحك لان شكل ريم يبين انها تستهبل


لما خلص العرس وبعد عناء طويل من منال لاقناع عمامها علشان يخلون سمر ونوف يباتون عندها وعند هنوف وسها
أما شله وسع صدرك فاجتمعوا في بيت ابو سعيد لانهم يبون يخربون على البنات
حتى الشباب أجتمعوا عند منصور لان سعود اصر انهم يجتمعون علشان بكرة كلهم يطلعون البنات سويه
طبعا بيت بو منصور مافيه احد غير } ابو منصور و ام منصور ومنصور وسعود { رضوا الشباب خصوصا سيف لانه من زمان ما سولف لحاله مع سعود لا سعود كان اما مع منصور ولا مسافر في الشغل ولا كلهم مجتمعين فاخذها فرصه
--------------------------------
في بيت ابو منصور (سيف) الساعه 3 الفجر
--------------------------------
منصور : يلا شباب انا اترخص ابي اروح ارقد لي شويتين
سعيد : منصور انا ابيك في سالفه خاصة
سعود : وانا بعد ابي اسمع السالفة الخاصه
سعيد : اسكت انت دواك مو عندي
سعود : وشو دواي يا شاطر
سعيد : ترى عادي عندي اقول على سالفة الكورنيش
سعود اول ما سمع اسم الكورنيش انصدم وسكت ونزل راسه
سيف : سلامات ؟ اس اس ؟ الو , سعود وش بلاك
سعيد : ترى ادري عنك
سعود : مو من صالحك
منصور : اوهوووووووووووووووووووووه وش تبون الحين انا مصدع وتعبان وابي انام واحد يي الحين يقول اللي يبيه ويفكنا والثاني يقوللي بعدين
سامي : منصور انت روح وانا بشوف الوضع
منصور : يلا سعيد تعال
سعيد : يلا مشينا
راحوا غرفة منصور علشان يتكلمون براحتهم
--------------------------------
في الصاله
--------------------------------
سعود بعد الحاح من سيف وسامي اخيرا تكلم وقال انه يبي يطلع مع سيف
سامي حس انهم اذا ضاقت الدنيا بواحد منهم يروح للثاني فما عارض وهم طالعين اشر سيف اشارة يعني لا تخاف
--------------------------------
نرجع بالوقت و نروح لغرفه منصور
--------------------------------
منصور : هلا امر وش بغيت
سعيد : ما يامر عليك ظالم , بس انت تدري اني يمكن اترقى الاسبوع الياي
منصور : الزبدة
سعيد : افا بو فهاد عطني ويه شوي
منصور : تفضل
سعيد : الله يسلمك انا وبصراحه ابي اخطب اخت سامي سمر
منصور تفاجئ شوي وبعدين قال وبكل برود : والمطلوب مني ؟
سعيد : بدل ما تستانس لي تقولي المطلوب , ما هقيتك كذا يا بو فهاد
منصور : انا بستانس لك بس وبعدها ؟
سعيد ابيك تسهلي الطريق وتكلمه
منصور : ابشر كم سعيد عندنا
سعيد : مشكور , وبعدين عندكم سعيد واحد
منصور : ه انزين يلا اذلف
سعيد : يلا سلام
منصور : سلام
--------------------------------
في سيارة سعود بعد ما طلعوا من بيت ابو منصور
--------------------------------
كان سيف يسوق لان سعود حالته النفسية ما تسمح له
سيف : اس اس وش السالفه ؟
سعود : أي سالفه ؟
سيف : سالفه الكورنيش
سعود : وقف هنا خلنا نسولف
وقف سيف وقابل سعود
سعود : السالفه يا خوي بدت لما كنت مع اخوياي في الراشد(مجمع في الخبر) وكنا نتمشا وشفنا هذيك البنت اللي تقول للقمر قم وانا اقعد بدالك , الزبدة لحقناها وحاولنا نشبكها بس اشرت لي باصبعها
بمعنى تعال ةكانت واقفه عندي باب مقهى لما رحت لها سمعت صوت هااااااااااااادي نااااااااااااااعم يقول لي : اعزمني على هوت شوكليت
قلت لها وانا متفاجئ : هوت شوكليت بس اذا تبين المحل كل لك
قالت لي : اذاتبي اللي فبالك فراح يكلفك غالي
سعود : انا قلت فخاطري : بس هذا اللي ابيه . وقلت لها : كم يكلف يا حلو ؟
قالت لي : بتعرف مع الزمن
سعود : انا عاد قلت وش بلاها تتكلم بالألغاز .
الزبدة مشيت معاها واطلع معاها تقريبا شهرين مع اني ما لمست شعره من شرفها
بس في يوم مو بعيد قبل ما اسافر لندن – يعني قبل شهر - دقت علي قالت لي : تعال حبيبي سوسو ابي الليلة نطلع لمجمع ......... على الكورنيش انا ما عارضت وقلت عادي
سيف وهو يقاطع سعود : سعود كلمني من جد واتذكر انا اخوك وانا دوووم معاك انت تقول لي انك مشيت معاها شهرين بدون ولا شي
سعود : والله كل اللي كان بيني وبينها دلفونات وطلعات في اماكن عامه , بس في ذاك اليوم الاغبر لما رحنا المجمع حصلنا اخوها موجود مع مرته ومسكني وشوي ويذبحني وكبرت السالفه ووصلت للهيئة والشرطة
سيف : وش بلاك وقفت
سعود : طلعت البنت من البنات اللي NO وكانت حامل بشهرها الاول ولولا الله ثم تحليل الحمض كان انا الحين في السجن ولا انغصبت اني اكون زوجها بنت الـ ........
فجاة قاطعه سيف : سعود لا تسبها ادعيلها بالصلاح وكل انسان يغلط بس وش درى سعيد بالسالفه ؟
سعود : والله ما ادري
سيف : طيب كل اللي انت سويته انك مشيت معها
سعود : بس يا سيف انكتب في المحضر الاول اني انا ابو الطفل
اما نتيجة الفحص فما نزلت في التقرير وهذا اللي كنت ما ابيه يصير
سيف : طيب معك صورة منه
سعود : لا والله ما عندي لان اخوها اعتذر مني
وانا ما كنت ادري وش اسوي فسكت وما طلبت اني افتح محضر برد على التقرير والقضيه هذا كلة ولا شكل الناس لما شافوني وانا راكب الدوريه كانت اعينهم تقول : هذا الزاني وخروا عنه
سيف : يا رجال هد اعصابك
سعود : أي اعصاب اذا كان ولد عمي درى بالسالفه ولا جا سالني وتاكد مني
سيف : اكيد كان يقصد شي ثاني
سعود : اظنك سمعته لما قال )) دواك عندي )) وش رايك انت ؟
سيف : يمكن يقصد شي ثاني
سعود : أي ثاني واي ثالث اكيييد يقصد السالفه ما غيرها
سيف : اللي صار صار لا تطالع لورا ارفع راسك وطالع للي قدام وحاول انك ترفع راسك فيه وراس ابوك واخوك وراس بعض الناس
سعود : انت منو تقصد ببعض الناس ؟
سيف :علينا ؟
سعود : وانت من متى تدري ؟
سيف : من اول ما شفتك مايل لها
سعود : انزين انا الشك بيذبحني يا خي
سيف : سلامات ليش الشك ؟
سعود : أخاف اكون انا لحالي بس اللي احبها وما تبادلني الشعور
سيف : حبيب قلبي انا منو ؟
سعود : انت سيف بن عبدالرحمن بن خالد الـ ... والنعم فيك
سيف : احم احم شكرا لك بس شوف ترا اللي بسويه بسويه مرة وحدة بس اوكي
سعود : وش بتسوي يا ريال ؟
سيف : انت بتشوف بنفسك
سعود : وش بتسوي ؟
سيف : يلا مشينا انا تعبان وابي انام
سعود : هاااااي اذا خليتك تنام بدون ما تقولي
سيف : شوف ان ما نمت وارتحت من هذرتك وخبالك انسى اسويلك اياه
سعود : طيب تلميح
سيف : Sorry I can`nt
سعود : على هواك
مشوا ورجعوا لبيت ابو منصور
--------------------------------
نرجع بالوقت شوي في بيت ابو سعيد في الصالة
--------------------------------

كانوا البنات قاعدين كلللهم في الصالة يطالعون الفلم
منال وريم ونوف وسمر وهنوف وسها و شلة مشاري وبدر
وكل شوي وحدة تصيح << الفلم كان رومنسي ودرامي بنفس الوقت
ريم وهي تضحك : حرام عليكم كل هذا لان مايكل مات – بطل الفلم –
هنوف : انتي ليش ما تحسين ؟ مات وخلا حيبته جوليا
نوف وهي تصيح : حرام مات وهي تنتظره في المحطة
عبدالله : بس نونو ذبحتي عمرج من الصياح والله ما يسوى عليج
مشاري : ياخي قاعدين نطالع فلم رومنسي مع بنات وش تبيهم يسوون يضحكون ؟ أكيد صياح ومناحه
ريم : انت هييه ان ما سكت عنا والله ما راح اخلي سعيد يوديكم معانا
نوف : مو كلهم عبادي مسكين ما سوى شي
بدر :انتي هييه يالصياحه لاتقعدين تفرقينا اذا بنقعد عبود بيقعد ويانا
ريم : عطاج اياها
هنوف : انتوا ليش تتهاوشون ؟
سها وهي تبي تنام : والله ما تخلون احد ينام شنو هواش 24 ساعه ما ترتاحون بلل عليكم مو لسان مكينة
منال : سها حبيبتي ليش ما تروحين تنامين احسن لج
سها : انا كنت ابي الفلم يخلص واروح والحين بروح
بدر : يكون احسن
ريم : , حررة خلاص ايام المخفة حقتكم انتهت بتيي ويانا دووم
منال : ايه خلاص الحين صارت ماشاء الله عليها مرة ما يصير تمشي وياكم لازم تمشي مع الحريم
مشاري : وين الحريم واللي يرحم والديج ؟
نوف : قدامك والا انت انعميت
بدر : صدق اخوي وين الحريم انتوا كل وحدة فيكم احس انها واحد من الربع ما ينقصها الا شنب
عبدالله : الا منال ونوف بس
نوف راحت وباست عبدالله وقالت له : عاش المدافع عني والله
ويه عبدالله صار مثل القرش صغييييييييييييير
الكل ضحك عليه
سها : اللله يخسكم انا ابي انام وحدة توديني اخاف اتعرجب واطيح في الدري
هنوف : انا بوديج , سمر لا تنطقين بحرف لين ما ايي
سمر وهي فيها النوم واصل : ان شاء الله
ريم : اللي يسمعج يقول انها ما تسكت ؟ هي الحين تتخيل المخدة بس
اللي قاعدين : ه
منال : لا تخافين ما راح يفوتج شي يلا ودي سوسو وتعالي
عبدالله : يلا نونو انا الحين بروح الميلس اوكي لانهم يبون يلعبون بلاي ستيشن
نوف : اوكي عبادي سيي يو
ريم : طيب عطنونا ويه شنو رييلج ولا مرته ولا امه شحقه ياخذ منج اذن
نوف وبدلع : مو شغلج
منال : يلا بدور مشاري يلا ابي اسولف مع البنا صرفوا عمركم
بدر : انا ادري علشان جي احنا رايحين الميلس
مشاري : من زين سواليفكم الا فلان لابسه فستنان خايس وعلانه واقفه جي
عبدالله : يلا مشينا عاد
نوف : فديت العاقل انا
عبدالله : احم احم
هنوف وهي توها نازله : فداج الند شنو تتفدينه وين قاعدين
نوف : كيفي عبادي وكيفي فيه
ريم : عبود خذ ربعك وتقلع
بدر : ترا بنسكت علشان هنوف اللي وياكم ولا كان حصلتي نعال ماشيه 200 على ويهج
ريم : جرب حظك
مشاري : يلا خل نمشي عن مستر بن
ريم وهي مفوللله : برا
<< طبعا هم ما سمعوها لانهم طلعوا وهم يضحكون عليها
منال : سمر ابيج فداري
ريم : واحنا ؟
منال : بعدين
سمر : ان شاء الله
وراحوا دار منال والبنات كل وحدة على ويا علامة استفهام

الموضوع الاصلي  من روعة الكون