|||... لا تحاتــــي في غيابـــــك وش يصيـــــر ؟؟...|||

((**...... الســــــــلام عليكــــــــــم ورحمـــــــــة اللــــــــــه وبركاتـــــــــــه ......**))

~~ أنقـــــــــــل لكــــــــم أجمـــــــل الأشعــــــار ~~

||||| .... وأتمنـــــــــــــــى أن تحـــــــــــوز عـــــــــلى اعجابكـــــــــم .... |||||


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~



معاك الحق وبكيفك ولاانت بعشرتي مجبور
وأنا من صوبي سامحلك نعم ومبرّي الذمّه
وتأكد واللّي يجمعنا انا لاقلت لك معذور
مجرد واقعي يحلم يعيش بواقع يهمه!!
على النيّه أنا عايش على الدّنيا بطيب شعور
أعيش وصدمتي أصعب خيانه تصدم الأمه!!
عليك الّلّه ياذاك الطريق المظلم المهجور
هدمت أغلى طموحاتي وقتلت الحلم من يمّه
وهدمت بقلبك القاسي سنيني في بقايا سطور
ومشاعر قلبك اللاّهي انا ادري ماهي مهتمّه
أحسبك يالوفا بتجبر حطام الخاطر المكسور
واشوفك للأسـف عايش مثلهم شرّك تعمّه
وشالّلّي يفرق الجاحد عن اللّي خان وعاش الدّور؟
أذا ماكان هذا هو اخو لهذا..ولد عمّه!
غريبه قلوب ماترضى تعيش وتكشـف المستور؟
تخاف تعيش واقعها رغم مالواقع تضمه؟؟
واذاانت بخاطرك كلمه أو ببالك سؤال يدور؟؟
أبد لايشغلك قلبٍ عشانك مات في همّه!
مادام أن الوفا بين الحبايب ماخذا له دور!
يموت الحب..؟؟ لعيون الفراق الّلّي هدر دمّه!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~


لا تقول لي مشتاق ماهو بمعقول؟؟
يعني بعد فرقاي حنيت واشتقت!!
هذاك لو انك تبيني على طول
يمكن تلاحق شي كانك تلاحقت
اللي بقا لي فصل من خمسة فصول
اعيش به ذكراك من وقت لوقت
مقدر على وصلك من الحول للحول
دامك مع سكة غيابك تعلقت
وماعاد عندي قلب يصبر ولا حول
صبّرت نفسي صبر من فوق ماطقت
وعرفت معنى الهم بالفعل والقول
وشبعت من طعمه كثر ماتذوقت
وشربت حزن وصرت بالحزن مثمول
وللحين في سكرة حزن ما بعد فقت
لا تحسب ان الجرح في لحظه يزول
ولا تحسب اني لازرق الدمع صدقت
هذاك الاول عادني فيك مذهول
ياما على شانك زعلت وتضايقت
واكتب قصيدي بك يا غالي يا مجمول
وان جيتني صفقت وان رحت صفقت!!
وذلحين عن الاشواق والحب مشغول
من بعد ما شفت الخبايا وبرقت
حتى دريت ان الزمن كله يقول
لا تامن الدنيا لو انك تفوقت
وانا ترى ماني عن البعد مسؤول
حلمتني حلم الفراق وتحققت
وارسلت لي مرسول وارسلت مرسول
علقت ما علقت ما كنك علقت
ان جيتني منقول وان رحت مقبول
اما الهوى شبعت منه وغلّقت

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~

لا تحاتي في غيابك وش يصير _؟¿

غيب عني ... روح كلك يا غلاي _؟¿

لا اتوقع صاير"ن" شي كثير _؟¿

بس ببكي في غيابك يا هواي _؟¿

وش تبيني؟؟ .. أندب الحظ المرير _؟¿

أو تبيني أنقهر .. وأندب صباي _؟¿

يكفي إني حيل أحبك .. للأخير _؟¿

وانت أغلى الناس عندي يا ضواي _؟¿

لك عيون"ن" هملت جمر(ن)نثير_؟¿

يحرق بقلبي بعادك مع نواي _؟¿

في حياتي انت عندي مثل طير _؟¿

في خفوقي رفرف وطرز سماي _؟¿

ودي أرمي نفسي في حضنه وأطير _؟¿

ودي أشد إيديه ويمنعني حياي _؟¿

لا تحاتي غيب عني ... بألف خير _؟¿

أدري إنك ماعشقت أحد سواي _؟¿

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~


ارجوك تسكت لا تكلم ولا بحرف
مالك عذر مالك كلام ٍ تقوله

ياشيخ اسف وين بلقى لها صرف
مادام قلبك انكشف لي ميوله

ياماعيوني اذرفت دمعها ذرف
وياماسهرت الليل اشتاق واوله

راحت حياتي وانا من جرف لي جرف
وانا احسب ان الحب هذي اصوله

انا دخيلك ودي اليوم اعرف
وشلون تنساني بهذي السهولة؟؟

هي الخيانه والكذب عندكم عرف
او الوفاء في هذا الزمن ما تطوله .... ؟



اخاف قلبك القاسي
يعودني على فرقاك
وحبك في الحشى راسي
انسى عمري وما انساك


معقولة
هذا عندك اليوم قدري
وأنا اللي كنت احسبني
أسكن عيونك
يالله بسيطه وإن بعد
ضاق صدري
ماعاد تسوى ضيقتي
اليوم دونك



الله يجازيك جرح طاب جددته..

من عقب ما طبت قمت تجدد جروحي ..




أعذريني .. ماأحتملت
جفت عروقي ... وذبلت
أنتظررت .. وأنتظرت
ومــا هطلتي
أدري ماهو ذنبك أنتي
ذنب ,, قلبي اللي تشابه
فيه حزن والكآبه
وإلاأنتي
أدري ماأخترتي تكوني
لوردته ..ضي وسحابه
فـأعذريني
أعذريني
أعذريني
لاذبلت
ُ



كل ما امتلينا حُب
وايديك بيديني
و الله
ودي أخطفك و اسجنك فيني
حدك تجي و تروح
مابينك و بيني ..!!
و إذا بغينا ننام
غني لعصافيرك , اطفي سراج الليل
مد .. لي يدينك .. قول :
" اتلحفي فيني ..!! "



ما علّمتك السنين / وكل هـ العشـرهـ ؟!
إن الليــالي بلا شوفـتك / مـا تسـوى !!!




أدري انك من عنا وقتك زعول
لكن اسمعني : تبي تنسى الزعل ..؟
لا لفاك من المصايب شي ..
قول .. قدر الله وما شاء فعل

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~



كلفت نفسك حيل وأشغلت بالك..؟
وماكان له داعي وليش الكلافه؟


يعني تبيني أقتنع في سؤالك..؟
أنّك قطعت لخاطري .. هالمسـافه !!


خايف علي..؟ مسكين..عايش خيالك..
شالّلي وربـّك أنت فيني تخافه؟


وشالّلي توقّعت بحياتي بقالك ؟
وإلاّ شنـوا قلبك تخيّل وشافـه؟؟


ماهي حسـافه ضاع عمري بوصالك !!
لكن أذا فكـّرت أندم..حســافه!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~

كم مرة أحلف قلت والله ماجيـــــ‎ــك*
واشتــقت كثر الحلف واليوم جيتك*
كم مرة(ن) لك قلت والله مابيك*
وأشوف قلبي فز لامن طريتك*
وأصد عنك ونار الأشواق ترجيك*
وياما بحلم الليل جيت وسريتك*
وشكواي لله يوم أفز وأناديك*
وودي إليا فتحت عيني لقيتك*
وأتمعن بعينك وعيني تراعيك*
وأصيح بأعلى الصوت والله هويتك*
ويصيح معي الجرح ياشوق وشفيك؟
ليتك تحس بنار شوقي يليتك*
وأنا الذي بضماك كم كنت مرويك*
من صادق احساسي وشوقي سقيتك
لاصار تظلم وافي(ن) عاش هاويك*
لاتنصدم لامات قدام بـــــ‎ـيــــ‎ــتـــــ‎ك*
>الحب الأعمى< ويش سوى بمغليك*
أما علي تبكي أو إني بـــــكـــــيتك*
وكم مرة أحلف قلت : والله ما جـــــ‎ـــيك*
واشتقت للتعذيـــ ــ‎ــ ــــ ــــ ـــ‎‏ـ ــــب واليوم جيتك*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~

زيديني يا دنيا الشقا .. هم .. زيدي
دام الفرح له ناس .. وش لي بدنياه ؟


و خذني على قد الشقا في قصيدي
حكمة حياتي ( اصدق الشعر .. اشقاه ) !




كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟
و الملامح بان فيها عين ما عادت تنام


مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )


و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~

لاتحط بخاطرك أمزح معاك ..
يوم أقول أقدر على بعدك شهر ..
كيف بقدر وانت مالكني هواك ..
والدقيقه يوم مااشوفك دهر ..
بس هذا اللي حكيته من غلاك ..
كنت أنا آجرب غلاتي وش كثر ..؟
يا < بعد عمري > عسى عمري فداك..
انت عندي أغلى من >>.. كل البشر ..
تدري وش بيصير لو قلبي نساك ..؟
بانسى ان بداخل عيوني *نظر* ..
وان نويت أنسى أنا بنسى¤جفاك¤..
وأنسى كلمة ~بعد ~أوكلمة ~ هجر~

%~%~% ..!.. أعشقك ..!.. %~%~%

كثر النجوووووم >> اللي بسماك ..!
{ أ.ع.ش.ق.ك } عشق الليالي للقمر ..
بس .. أحب اداعبك وأمزح معاك ..@
يوم أقول أقدر على بعدك # شهر #

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~

||||| ..... أتمـــــــــــــــ( ما تبخـــــلون علي بردودكـــــم )ـــــــنـــى ..... |||||

الموضوع الاصلي  من روعة الكون