كذااااااااب بس فله

السلام عليكم

يسعد صبااحكم بالوورد

بصراحه المووضوع طويل شوي ورااح انزله على طريقة اجزااء اذا شفت التفاعل والردوود

اترككم مع الموضووع:

الكذب أحياناً يكون وسيلة لجعل الدهشة حاضرة

سواء للوصول إلى غاية ما أو لتطعيم الأحاديث بكل ماهو جديد من نوعية أطلق الأرنب

والبعض أحترف الكذب وأصبح يحبك الكذبة بأسلوب يجبرك على تصديقه

بالرغم أنك تدرك أنه كاذب إلا أنك تعطيه مساحة من الدهشة والتصديق

ولكن ماهو غريب وعجيب أن تقع في كاذب يحكي تفاصيل حكاية لا يستوعبها خيال طفل

يعني يكذب ويصدق كذبته

وهذا مثال لكذاب تجاوز حدود المنطق



الحكاية كما هي بالعامي سأطرحها

يقول أنه دايم يحب ينام في السطح لأنه يقوم كل صباح نشيط يقول في يوم ماقدرت أنام أعد النجوم فجأة لقيت

نور هيلاكوبتر ويقول من حسن الحظ كان جنبي تريك أولع فيه إذا صعدت إلى السطح لأنه مافيه نورالمهم يقول صرت أوج التريك للهيلاكوبتر أولع وأطفي أولع وأطفي فجأة يقول لاحظت نور يسلط

عليّ بالسطح وعلى فراشي يقول دريت أنهم شافوني المهم بديت أأشر بيدي وأشر لهم ينزلون وأمسك ترمس الموية وأصب بالكوب وأحاول وأوضح لهم أني ودي أقهويهم المهم يقول فهموا عليّ وصارت الهيلاكوبتر

تنزل شوي شوي على سطح بيتنا يقول قبل ما تهبط خذيت فراشي ودخلته داخل عشان ما تطيره مروحة الهيلاكوبتر يقول لمّا طفوا الهيلاكوبتر نزلوا وسلموا عليّ وقالوا السموحة يالشيخ

ترانا مضيعين وتونا شارين الهيلاكوبتر وتخبر ما ندل بالجو زين يقول عرفت بنفسي أنا فلان وهم عرفوا بأنفسهم

يقول سواق الهيلاكوبتر ولد الجفالي واللي راكبن معه يقول أحسن أني شايفه أفكر وين ياربي وين يقول وأتذكر في

طلع ولد الحاج حسينِ (( ضيع اسم صالح كامل )) يقول قلت لهم وين تبون تروحون قالوا نبغا الرياض Art

نتشوف برج المملكة وما حصلناه يقول أنا ضحكت وقلت تروكم بحايل بس بسيطة أدلكم يقول وأأشر على نجم

السير (( نجم السير هذا من راسه )) المهم قلت لهم أتبعوا ذاك النجم لما توازون برج المملكة يقول تقهووا

واستناسوا عندي وطلبوا مني أخاويهم قلت عندي شغل في الإمارة المهم مالكم بالطويلة

شغلوا الهيلاكوبتر ومشوا المهم يقول بعدها بكم يوم يقول في نور يجهر عيوني وأنا نايم يقول دريت أنهم بالسما

ويسلمون يقول رفعت يدي وقلت لهم أنزلوا يقول قاموا يولعون النور ويطفونه دريت أنهم مستعجلين يقول تركتهم

وتغطيت على أنهم مهم نازلين يقول فجأة ما دريت إلا صندوق طاح جنب راسي يقول خفت وقمت طلع الخبل أحمد

الجفالي (( صاروا خوياه صار يمون)) رامي عليّ كرتون مليان وكاتب عليه اسمه بغا يطير راسي يقول في الكرتون عطورات من كل صنف ونوع وريحتها بالراس

هاا اي

الموضوع الاصلي  من روعة الكون