@@الشيبة والعيوز@@

السلام عليكم و رحمة الله و بركاته


هاي قصيده بين شيبه و عيوز



.:. الشــــــــيبه .:.

قلبي شباب ولازم اني اعرس...مابي العجوز اللي توسد على الباب

الخير وايد وماني مفلس...عندي فلوس تدعم البنك في حساااب



.:. العيـــوز .:.

ماباقي منك غير خشمك وهالضرس... تبغى تعرس وانت غادي شالغراب

قابل صلاتك الله يشفيك من المس..ولا ترى باطب ويهك بالترااااب



.:. الشــيبه .:.

انتي عجوز واكلك الروب والخس...اماا انا ماكل سوى تكه وكباب

مافيني سكر غير ضغطي نازل بس...دام الهوى فيني ترى كل شي طاااب



.:. العيـــــوز .:.

لا بارك الله فيك يالشيبه يالنحس...ماتجيبك الرمسه ولا يجيبك اعتاب

قصر لي صوتك ماابي اسمع ولا حس...عطني طلاقي وانقلع وقبض الباب



.:. الشــيبه .:.

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عرس...مرتاح بالدنيا بلا هم واعتاااب



.:. العيــــوز .:.

بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب



.:. الشـــيبه .:.

فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقه اربع وخمس... شلي طلاقك من ضميري بلا حسااب



.:. العيــــوز .:.

مشكور يالشيبه ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب



.:. الشـــيبه .:.

يالله قبل لا اموت منك وقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز لك في الدنيا خلان واحباب؟!



.:. العيــــــوز .:.

مثلك تراني وهذا لك في العمر درس... لاني اميز بين شيبه وشياااب

ولا نسيت اني على الموضه اللبس...ماعلموك اني بلا شيله وحجااااب

__________________

خخخخخخخخخخخخ

تحياتي لكم
ريماني

الموضوع الاصلي  من روعة الكون