بسم الله الرحمن الرحيم
:: وتعددت الأسباب والبياخه واحده ::
--> مقتطفات بايخه <--
الأشياء البايخه كثيرة .. ومنها مايلي
أنك تدري أن عندك اختبار بكرى .. وتدري أنك تبي تجيب فيه العيد .. وما تقوى تسوي شي
أنك تشرب ببسي حار
أنك تصلي وأنت لابس شراب مشقوق
أنك تلعب كوره وترفع ثوبك وتلقى سروال السنة أصفر
أنك تناقش شايب .. وفي رواية نصراوي .. خخخخخخخخ
أنك تعطي أخوك سيارتك .. ويرجعها والتانكي فاااضي
أنك تصوم وأذا أذن المغرب ماتلقى فيمتو
أنك تدخل المسنجر .. وما تلقى ألا اللي ماتبيهم
أنك تشرب شاهي بشفاط
أنك تـتـفاهم مع رجل امن سعودي
أنك تدخل الايميل ولاتلقى موضوعك
أنك تناظر مباراة على الأي آر تي وأنواع الحماااس وفجأة ينقطع الاشتراك
أنك تلعب كوره وأنت حافي .. وتشوت غطا البياره ( وجه يقول أيييييي )
أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار
أنك تعطي جوالك لواحد ويرجعه لك والرسايل محذوفه
أنك تقوم من صباح الله وتروح للجامعة تمشي مليون .. وتلقى الدكتور معتذر
أنك تقوم الصبح وتلقى معجون الأسنان مخلص
أنك تنزل للبقاله وما تلقى عنده عسكريم جلكسي
أنك تـَـشرق بالماء ( وجه يقول أغدي محد شاف )
أنك تروش هالحين <-- بررررررررد
أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه
أنك معك حزام أسود بالكاراتيه ويدعسك أفغاني
أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون
أنك تروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه
أنك تمسك خط مع أبوك وبسيارة وحده ولحالكم
أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد
أنك تكتب موضوع طويييييييل .. وأذا جيت ترسله يطس .. مدري وين يروح
<-- ترى عشان كذا مارسل شي
أنك تكلم ويدق عليك واحد ويلقاك أنتظار ويقطع
أنك تحتسي مع واحد مسوي فاهم انجليزي .. وأذا قال Ok تراه يقصد مع السلامة .. خخخخخخخخ
أنك تركب قطار خطأ بلندن <-- يعني منتب راجع مكانك ألا عقب سنه
أنك تقعد بقسم العوايل تاكل مكرونه
أنك تروح الحلاق وينتف شنبك ( وجه متغبي أسبوع )
أنك تسمع أسم عايلتك من واحد حجازي
أنك تغص ولاتلقى أحد يطق ظهرك
أنك تقوم ضحية صمت من النوم
وأنك تقول لأخوة لاتسرع
أنك تتفرج على اجتماع دول مجلس التعاون الخليجي
أنك تاخذ هديه من واحد عبارة عن ( ساعة رادو ذهبية ) وشلون تبي تلبسه
أنك تشيل حواجبك وأنت تدري أنك ملعون وتكمل تشيلهن
أنك تطيح بلسان قصمنجي
أنك تحاول تفهم من واحد جيزاني
أنك واقف عند أشارة واللي جبنك يفتح الدريشه وتفتح أنت الدريشه تحسبه يبي يسأل .. وبالأخير يتـفل
أنك تصير أمام لجماعه .. وبالركعة الثانية تذكر أنك منتب على وضوء
أنك تلبس نظاره وصخه
أنك تشوف فـلم .. وواحد جنبك يقولك القصة
أنك تلعب بلوت وأنتم خمسين برا وهم جوا .. وتجيك ميه عشرات وتصن .. ويدبلون .. ويصير معهم أربعميه
أنك تمسك خط وفيه ذباب بسيارتك
وأنك تفتح الدريشه ولا يطلع
أنك تدخل حمام ماله قفل
أنك تحتري أختك عند الجامعة
أنك تصير سواق ليموزين وتركب معك عجوز
أنك تستلم حلاو بقر من جدتك مطلعته من صدرها وتحلف عليك تاكله
أنك تاكل حنيني بارد
أنك تحتري جدولك بفارغ الصبر .. وتطلع لك ماده عند الحوشان .. ولا تقدر تحذفها
أنك تدور شغالتكم باندونيسيا <-- يلعن أمهم كلهم يشبهون بعض ( يخلق من الشبه مليار )
أنك توضأ لصلاة الفجر بالشتاء
أنكم تلعبون كوره بالبر وتطيح النعله ( عارضتكم )
أنك تسوي فيها متابع مع الدكتور وتتوهق ويسألك سؤال وماتقدر تجاوب
أنك تتابع مباراة الآرسنال بعد شوي وينهزمون ( وجه يقول لا أن شاءالله ) <-- داري مالكم دخل
وفي الأخير
كل الشكر والتقدير والامتنان والعرفان والحرمان والغفران
الموضوع الاصلي
من روعة الكون
آخر 10 مشاركات
20-08-2007, 06:41
العرض العادي
