جيته بليلة وداعه
تايه بين البيوت
صحت .. وينك ..؟؟ جيت اوادع عمري اللي راح فيك ..
ما سمعت الا صدى صوته
و كان ارق صوت
نطق اسمي .. ثم همس ..
من متى وانا احتريك..!!
قلت و عيوني تغافل زفرة الحزن وتفوت
هذا انا جيتك .. و ليت الموت جاني قبل اجيك ..
بعدها يادوب عدت .. عبرته حد السكوت ..
قال و عيوونه تغااارق دمع
"بسم الله عليك"
قلت يابن الناس .. عادي .. ما ورى هالموت موت
وش وراها ..
لا فقدت عيونك ولا مسكت يديك ..
ليتنا مثل الهدب والرمش يا عمري نكون
لو تفارقنا ثواني نبتدي لحظه عناق
ليتنا مثل الطفوله بالبرائه مانخون
ماندل الاطريق الصدق مانعرف نفاق
ليتنا مثل الامومه قلبي وقلبك حنون
لانت ترضى في فراقي ولا انا بعدك يطاق
ليت حبك لي جنوني مثل ماحبك جنون
وليت شوقك لي مثل مانا على حر اشتياق
ادفن الضيق بالقلب الحنون
والتناهيد في عمري كدر
واقضي الليل هواجيس وظنون
ضايق البال مجروح النظر
كل ماقلت بهونها وتهون
عانق الدمع رمشي وانتثر
مايعوضني في غيابك من يكون
يالغااالي غيبتك عني قهر
الغلا لوجيت أقولك ماوصفتك
يعجز لساني يقولك
لوحگيت {أنت أغلى إنسان في الدنياعرفتك}
قلپك أخلص قلپ في عمري لقيت
فيگ شي لوپقولك ماوصفتك
يعجزلساني وحقگ ماوفيت
أنت أحساسي وعمري لوفقدتك
مات حسي وأحتياجي وانتهيت
الله أكبر كل ما اخترت في الدنيا صديق..
ما لقيت إلا صديق يدور منفعه..
ان جيته حزةالضيق زادالضيق ضيق..
وان جاني سقت دمي عشان أنفعه..
إلا أنت مكسب لي ياعز الرفيق..
أتشرف كل ما قلت أنا ( أعرفه )
انا الرفيق اللي على دربك ارتاد
ولايردني عنك الا
وفاتي
عمر الخوي المحب ماراح ينعاد
وش حيلتي لاغبت عن عيني وذاتي
لاتقول تايه وانالك عضد وسناد
وشلون اتجاهل نور بدا في حياتي..
إنتظرتك بالوعد كلي عتاب
ويوم شفتك صرت أنا كلي عذر
حبيبي حلفتك برب الكتاب
ليه كل ماجيت أعاتبك أعتذر
السماء فوقك تغار من التراب
كل نجمه ودها بأرضك حجر
حبيبي باموت من طول الغياب
إلتفت لي وأعتبرها لك عذر
تدري امس من القهر قاعد ابكي
وتدري بعد جرحك عن البال ماغاب
ابكي وافكر فيك ثم ارجع أبكي
ينزاح هم البكا وينفتح للعنا باب
حراااام تجرحني وأنا اللي ماقدرت أشكي
وش جاك مني حتى غدينا مثل الأغراب
كل ما جيت اتغلى عليك ...
يعاتبني الغلا فيني ...
وكل ما جيت أجافيك ...
يبدأ قلبي يجافيني ...
وترا سؤالي عن أحوالك نابع من زود الغلا ...
فيني يعني رديت ولا مارديت !!...
وصول المسج يكفيني ...
مسأله صعبه؟!
وأشوف إن الاجابه تعتليك،،
دور عنها ياقلبي بأول وآخر مداك..
دور عن منهو بروحه يفتديك،،
ودور بالكون كله منهو دايم معاك..
وإن لقيت من يحبك كثر حبي أو شبيه،،
اقتلني واكتب على قبري..
(هذا جزاك)
الوقت غربه و اخر الدرب عنوان ..
و العمر رحله و التجارب رحايل ..
و أنا كثر مالي من الناس خلان ..
اللي صفولي بالشدايد قلايل ..
مرات ربك يرزقك خوّة انسان ..
واحد .. و يسوى في عيونك قبايل ..
ياما جرحني الحب جرح تجدد
وياما بقلبي شلت ناس نسوني..
عاملتهم بالود محد تودد
عاملتهم بالصدق ماصدقوني..
قربت منهم بس كلن تصدد
نصيتهم بالشده بس أخذلوني..
كانوا حلم لي في حياتي وتبدد
يوم غمضت عيني مشو واتركوني..
# خوفي #
أنسأل عنك ويضيع الرد بشفاتي ..
# خوفي #
ينكشف " بعدك "
وتحس الناس بجروحي ..
بعد ماكنت أنا " وياك "
يشوفوني أنا بروحي ..
قلبي ما يطاوعني بإيدي أكشف أحزاني ..
ولا أقدر أقول ان ......
# أعز ناسي خلاني #
ما يـتـوب القلب عنك لـو يـذوب
يا عجيب الروح عشقي لك عجيب
لو نهوا روحـي عنك ما تـتوب
إنت مـا غـيـرك بـهـالـدنـيا حـبـيـب
كل عمري من شروقه للـغـروب
فــدوة لك مـن شــبـابـه للـمـشـيـب
«§»خلـيـت قلـبـي مـعاك والله يصبـرنـي«§»
لا تفتكر إني فضيت
وقمت إعبث بجوالي و"ارسلت" !
لا وإلي خلقك
"إشتقت لك"
ونبض قلبي
"حرك إيديني"
«§»خلـيـت قلـبـي مـعاك والله يصبـرنـي«§»
خلـيـت قلـبـي مـعاك والله يصبـرنـي
مبطي وانـا اقـول قلبـي ويـن خليتـه
نسيـت اعلمـك طيفـك جـا يسهرنـي
بس انت ماشفتنـي وشلـون ضميتـه
اشتقـت لـك مابغيتـك عـاد تشكرنـي
تغيـب والـشـوق ماعـمـري تباطيـتـه
«§»خلـيـت قلـبـي مـعاك والله يصبـرنـي«§»
اسويلي حكاية حب مع طيفك واجي منقاد
اعيش القصه مع طيفك واحس ابصوت همساتك
واضم اطيوفك الحلوه على صدري واعيش اعياد
مع طيفك اجل وشلون مع ذاتك
«§»خلـيـت قلـبـي مـعاك والله يصبـرنـي«§»
والله لوبيدي لاخليك مرتاح ..
وأعطيك راحاتي وأزيدك عليها
وتصبح حياتك كلها أفراح بأفراح
وأرسم لك البسمه وأحسسك فيها
وأعطيك لأبواب المقابيل مفتاح
وتمشي لك الدنيا على ماتبيها
«§»خلـيـت قلـبـي مـعاك والله يصبـرنـي«§»
هم قالوا إن الله بسحرك بلاني
وأنا أقول الله يا حلو بلواك
لك شوق صبح وبالمسا لك شوق ثاني
والله يسعدلي صباحك وممساك
ما همني من عـــــافني ومن بغاني
لاصرت عندي كل هالناس تفـداك
«§»خلـيـت قلـبـي مـعاك والله يصبـرنـي«§»
ياتاج راسي وين ابلقى مثيلك
ماشفت من يملك بعض مــن مــزايـاك
بالذوق والله نافل ٍ كل جيلك
وتاج الشرف ياسـيـد القـلــب يـزهاك
تعال خففها همومي دخيلك
كـل الهـمــوم تـروح لاصـرت ويـاك
روحي فداك إلا انا كلني لك
هي بس روحي يامـنـى الـروح تفـداك؟
«§»خلـيـت قلـبـي مـعاك والله يصبـرنـي«§»
عجزت ادور بالرسايل تعابير
لجل أوفي في غلاكم قناعه
عاكسني الحرف وأعجزتني التدابير
ومن يقدر يعكس قدر الرحمن ساعه
أثر الغلى ماترسمه أي تصاوير
غلاكم في قلبي مطبوع طباعه
«§»خلـيـت قلـبـي مـعاك والله يصبـرنـي«§»
ودي أهمسلك أحبك
ودي لصدري أضمك
ودي لا جى الليل
أضم جنبي لجنبك
«§»خلـيـت قلـبـي مـعاك والله يصبـرنـي«§»
نعد نجومنا سوى
ونسهر معانا الهوى
ما نفتكر بالدنيا لو هي نوى
ولا بالناس دام احنا سوى
«§»خلـيـت قلـبـي مـعاك والله يصبـرنـي«§»
خذني لصدرك ضمني حيل
ترى ببعدك اشوف أنا ويل
ودي أحس بالدفا يمك
ابرقد باحضانك وحيل بضمك
«§»خلـيـت قلـبـي مـعاك والله يصبـرنـي«§»
لا نمت حبيبي لا تصحيني
على صدرك نايمة خليني
أبحلم اني أنا وياك كنا سوى
ما معانا الا الهوى
أناظرك وبعيونك اأذوب
وابمشي معك كل الدروب
«§»خلـيـت قلـبـي مـعاك والله يصبـرنـي«§»
ودي لو يطول الليل
ما تطلع علينا شمس
ما نفتكر بباكر ولا بأمس
نتبادل حبنا والهمس
«§»خلـيـت قلـبـي مـعاك والله يصبـرنـي«§»
بكل لحظة أشتاقلك
دوم أنا محتاجلك
يا روح الروح يا ساكنن فيها
لا تبتعد عني روحي لا تخليها
بناظرك وبعيونك أذوب
وبمشي معك كل الدروب
الموضوع الاصلي
من روعة الكون
آخر 10 مشاركات
20-08-2007, 07:17
العرض العادي
