لاتســافر..

انا ظلالك ما دام الله معافيني
الله عطاك الغلا المعبود سبحانه
انا ادري انك نسفتيني.. وتلفتيني
مهما خسرتي معايه دوم ربحانه
نامي وباكر بكيفك.. طلعي عيني
القلب شرع لهمك كل بيبانه
واذا غفيتي امانة حيل غطيني
برموشك اللي من الأشواق رويانه

----------------------------------------------------------

يا مخاوي الروح وينك طالت الغيبه
وين انت ضاق الفضا و الكون فغيابك

القلب في غيبتك تلعب به الريبه
يخاف شيٍ تغيّر فيك أو صابك

أروح ناسي و أقول القرب مالي به
وخطاي توقف و أنا مدري على بابك

لي قلب مفتون قلّي ويش أسوي به
ينوي عتابك و لامن قابلك هابك

أحلى المخاليق لا شافك عرف عيبه
لو فيك بعض الدلع لا شك ما عابك

ما صارت غياب قلبي ملْ تعذيبه
الله و أكبر حبيب وما أبرد أعصابك



----------------------------------------------------------



ضايقه بالحيل محتاجه أشكي
لولا طبع فيّ يمديني شكيت
بس أدوّر عذر منشان أبكي
لو يدوسون بطرف ثوبي بكيت
كل ما جيت أتريّح وأرتكي
يزدحم في خاطري ألفين بيت
ويش بيّدي أفعله غير الحكي
قاصره خطوات رجلي لو مشيت
أسرعي يا نفس موتي واهلكي
صرتي همي يوم في الدنيا شقيت


---------------------------------------------------------



ما عاد تفرق معايه كل شي عادي
أوفيت ما أوفيت منت آخر مشاويري

موتك بقلبي بدايه يوم ميلادي
باكر تعدّل و تضحك لي مقاديري

أموت بأعلى الجبل و لا أموت بالوادي
و لا أهين نفسي و لا أتعب فيك تفكيري

لو كان عمري عليك و ملحي وزادي
بلاش من هالحياة يعيشها غيري


----------------------------------------------------------




شفتها من عقب ما غابت سنين
جت تقل متردده ثم ارجَعَتْ
وقمت أناديها : أبيك بكلمتين
واستخارت واستدارت واسمعتْ
قلت : قولي علميني وش تبين
قالت : اصبر قلت : يكفي واجزعتْ
قالت : انت تبيّن إنك مستهين
وإنت روحك من عنا البعد طلعَتْ
زين أبسأل: دام قلبك ما يلين
ليه عينك يوم أقفيت دمعتْ؟
قلت : أنا باسي قوي لو ترجعين
صدقيني عمر نفسي ما خضَعَتْ
وكان قصدك دمعتين لا تفرحين
شعرةٍ دشّت بعيني وطلَعَتْ



----------------------------------------------------------




لا تسافر و تتركني أجاهد غلاك
كل شي يهون إلا جهاد الغرام
أما تبقى معايا أو أسافر معاك
لا تخليني لطول الليالي طعام
خوفي البعد لا منّه خذاك و طواك
مثل قصرٍ تولاه الزمن و الهدام
لا تسافر و أنا اللي في رجا الله و رجاك
لا تسافر و تلقاني بقايا حطام

الموضوع الاصلي  من روعة الكون