يقول القلب لاتنساه ..وأقول شلون بس انساه

اخبي الشعر عـن عينـه أخـاف إنـه يجـي يقـراه

أخـاف أكـدر إحساسـه بحـزنٍ يكسـي إحسـاسـي



دفنت الحزن في قبـر الضلـوع اللـي بكـت فرقـاه

وأجـر الآه بـحـروفٍ بكـت فــي صــدر كـراسـي



دموع الشعر ،حرمان المعاني ، همهمـات ، وآآه
جمر هجر، ودموع فراقّ فـي حبـري وقرطاسـي



أنـا بعـت الخلايـق كلهـا والـنـاس لـجـل رْضــاه

لأنـه كـان لـي ربعـي وأهـلـي وديـرتـي ونـاسـي



أحـبـه والله الشـاهـد وهــذا الـبـعـد مـــا أقـــواه

أكابـر وأتظـاهـر بالصـبـر لـيـن إنكـسـر بـاسـي



أنا من لي بعد عينه ؟ أنا مـا أبغـي سـوى دنيـاه

أبيـه بسيـف وصلـه يطعـن همومـي وهوجاسـي


بـكـى فــي داخـلـي طـفـلٍ بحـبـه والـوفــا ربـــاه

أنـا وهـذا الطفـل عقـبـه يتـامـى واليـتـم قـاسـي


نسـى قلـبٍ جعلتـه خاتـمٍ فــي خنـصـره خــلاه ؟

نسى حبي؟ نسى قربي؟ نسى اللهفه بأنفاسـي ؟



نسى ذيـك العيـون اللـي تمـوت بطلعـة محيـاه ؟

نسـى دافـي عتابـي والغـرام الشامـخ الراسـي ؟



يقول القلب: لا تنساه وأقول: شلون بس أنساه!

أنـا وشلـون أبنسـى مـن غرامـه تـاجٍ لراسـي ؟



هـذاك اللـي أنـا وإنتـه يـا قلبـي لـي أمـر طعـنـاه

هـذاك اللـي بنظـره مـن عيونـه يَــورق يْبـاسـي




هـذاك اللـي تفـز الـروح ولهـانـه عـلـى طـريـاه

هـذاك اللـي بغيابـه/ عـن عيونـي أبـعـد نعـاسـي



ياليتـه يرجـع ويـرحـم خـفـوقٍ ذاب مــن فـرقـاه

ياليتـه يرجـع لقلـبـي ويحـيـي مــوت إحسـاسـي






وســـــــــــلامـــتكـــمـــ

الموضوع الاصلي  من روعة الكون