تعودرت عليك

عودتيني عليك أيام وشهور..
شاركتيني فيها الحزن و السرور..
عودتيني عليك فتره من عمري..
غيرتي فيها حتى نبض صدري..
عودتيني عليك .. قمرة مساي..
و كنتي مصدر احساسي و هناي..
تعود كل ما فيني عليك..
حتى صار ت أسماء الناس اسمك..
وملامح الليل من بعض حسنك..
تعود وقتي عليك..
كل الثواني ملهوفه تبيك..
تعود سمعي على صوتك..
كل الأغاني من بعض فنك..
و حتى الشعر ماله شعور..
ان كان مهوب عنك يقال..
تعود شوفي عليك..
يا طاغية حسن و دلال..
يا أميرة الذوق و الجمال..
من ضي وجهك..
عرفت معنى السحر الحلال..
كلما فيني تعود عليك..
=========
عودتيني عليك أيام و شهور..
رسمتي منها أحلى الفصول..
مره انتي ربيع عمري و الورود..
و مره انتي قيظ قلبي و العذاب..
و مره انتي البرد بجفاك..
و مره أوراق احساسي بيديك..
عودتيني عليك ..دايم حنونه..
ما تخليني اذا قلت مشتاق..
ما تنسيني اذا حصل فراق..
دايم تشيليني بعيونك..
و تضميني بكفوفك..
و تقولين:
انت الأمل و كل الحياه..
عودتيني عليك .. كل ليله..
تتصلين و تسألين..
كنتي تحسسيني كل ليله اني محظوظ..
و ان قلبي في دفى صدرك محفوظ..
========
تشتكين من الدهر و ظروف الأيام..
من فينا ما تعذب و انضام..
تعبنا من دورة الأيام تشقينا و تبعدنا..
مره قريبين و مره تتخالف مواقفنا..
ما قلت لك ليه.. يوم قلتي خايفه..
كنت أدري ليه .. انتي علي خايفه..
خايفه تتحطم مرايا العشق على وجه الزمان..
خايفه يضيع شعاع الفجر في حضن الظلام..
يا أنتي أحلى ندى نايم على كف الورود..
يا أنتى أعذب صدى يغني في الوجود..
حبيبتي .. عمري .. و عشقي..
ما تاه الغرام و لا تغيرت الأيام..
حنا اللي تغيرنا..
حنا اللي تكبرنا..
حنا اللي جهلنا..
كيف نحفظ مشاعرنا من أعاصير الملل..
كيف نكسر الكآبه و لحظات الخجل..
كم كلمه كتمناها عشان كلمة عيب..
كم كلمه خنقها الشك و الظنون..
======
راحت علينا أيام و شهور..
أحبك و تحبيني..
و على الاحساس نلف و ندور..
قوليها بصراحه..
غارق القلب فجراحه..
يعني ما تفرق معاي..
أحس الكلمه ذايبه في شفاتك..
أحسها تسبح ولهانه مع أنفاسك..
والحال من بعضه..
أنا تايه و خايف..
أقولها والا أسكت و أداري..
في قلبي لك حب جارف..
أكثر من كذا يا دفى عمري بنضيع..
بيلفنا الصمت و يغطينا الصقيع..
وتتجمد عروق الحب ..
و ترجع نبضات القلب..
تدق ببرود..
وبيذبل العمر..
وتموت الورود..
ليه؟!
علشان نرضي غرورنا الشخصي..
كبرياء أعمى ..لكن مسيطر..
وشهو الحب .. الا انًا نكون واحد..
وشهو الحب.. الا شعور متوحد..
تتواصل مشاعرنا و تتوحد مواقفنا..
انتي أنا و أنا انتي..
طيب .. في هالحاله..
مستحيل أتكبر على نفسي..
لأنك انتي نفسي..
ومستحيل أتغلى على نفسي..
لأنك أغلى من نفسي..
شفتي انه كبرياء أعمى؟!..
=====
عودتيني عليك أيام و شهور..
كنتي لي فيها قمره و نور..
وكنت أنا ظلك.. و حلمك..
و مثل ما قلتي..
أحلى احساس في عمرك..
تعالي نكون أحباب..
في صدقنا ما نرتاب..
و خلي الكبرياء يرتاح منا شوي..
ما لقينا من وراه ولا شي..
و الغرور اللي ذبحنا و ذبحناه..
ينام وتنام الخصوصيه معاه..
حبيبتي .. ردي علي..
متى يرتاح هذا الشعور..
أنا في هواك مسحور..
لأنك عودتيني عليك أيام و شهور..